عاونوني ماعرفت شنو ندي فالسبوع

السلام عليكم البنات بغيت منكم افكار كادويات ديال سبوع المولودة بنت و الميزانية ليعندي 500 درهم شنو نقدر ندي فالسبوع

---

uh,k,kd lhuvtj ak, k]d thgsf,u ,pd

تقدي تشري بيهم طانكات (حلقات) ديال الدهب

اختي كيف قالت الاخت حلقات او شري خميسة بوحدها ولا عملي دك الفلوس في برية وحطيها لمولودة عند راسها احسن واحسن

إلى كنتي تتعرفي هاد ناس ليغادة عندهم مزيان تصلي بهم وسوليهم اش خصهم البنية وإلى قالوا لك خودي على قد ميزانيتكم وإلى ما قدرتيش من الأحسن عطيهم الفلوس

انا رأيي عطيهالهم هاديك ل 500 درهم احسن ما تشري شي حاجة غالية و ما يستعملوهاش

خدي ليهم كرسي ديال الاكل راه زوين وكتستعمل

اختي احسن حاجة ديري لها الفلوس فجوا زعطيهم للام هي غادي تفرح ليهم اكثر بحيث تقدر تاخد هي الحاجة اللي خاصاها
احسن ماتاخدي لها شي حاجة وتحطها وماتستافد منها

السلام عليكم
اختي من الاحسن عطيهم للنافسة فلوس غادين ينفعو كتر من تجربتي الخاصة كاينين الحوايج اللي كاعما لبساتهم بنتي حينت حويجات الدراري والبينيات الصغار دغيا كيصغارو عليهم وشوف يلبسوهم ولا لا لدالك كيبقا خيار تعطيهم ليه فلوس احسن كينفعو

اختي كيف قالولك البنات من الاحسن تعطيهم فلوس احسن او الى كانو مقربين سوليهم اشنو محتاجين حيت مثلا انا جاوني جوج نيوبالات اي مشايات وانا مامحتاجاش ليهم باقة عندي من بنتي الكبيرة
وجاتني كروسة وانا عندي كروسة وجاتني نموسية كبيرة وانا عندي نموسية اغلبيتهم والله اختي الى باقين في كراطنهم قلت حتى نديهم هدية وصافي اما المانطات وااو قلت لراجلي خاصني نحل ماحال نبيع فيه هادشي جاوني شي عشرة المانطات حليت ليها غير جوج والباقي بقا يعني كن عطاوني فلوس كان يكون احسن

خوتي قلت لماما قوليلهم ما يشريوليش كادوات الاطفال قلتلها يشريولي الماعن الي باقين ناقصيني ههههه شراولي كيسان وبرارد وصواني دالضياف وعائلة راجلي حتى هوما قلتهالهم شراولي برمة كبيرة وطنجرة كبيرة دياول العراضات ولوستي شراتلي طحانة حيت خسراتلي ديالي والله العظيم الى فرحت بيهم هادو بعدا استفدت منهم وغاينفعوني

شكرا جزيييلا اخواتي استفدت كثييييييرا من تجاربكن غادي ناخدلهل فلوس احسن كيما قلتو