السلام عليكم انا عاد ولدت هادي شهر و 5 ايام ولدي كايرضع طبيعي و حليب الفرمسيان مشكلتي انا هي راس ديال صدري كايضرني بزاف ملي كايرضع مني و حتى بلا رضاعة ماعرفت ماندير هاد الالم مانعني من اني نرضع ولات ط§ظ„ط±ط¶ط§ط¹ط© بحال الكابوس كانرضع و نبكي شكون وقع لها بحالي و شنو دارت باش مايبقاش الالم سولت الفرماسيان عطاتني واحد alcol gleseriné نفعاتني شوية من بعد والو رجع الالم بحال النهار الاول
lshu]m td hgvqhum
سلام عليكم حتى عندي نفس المشكل حينت عندي بنيتي متتفرقش مع البزولة دايراها سكاتة رغم كل محاولاتي وخ الحمدلله دابا نقصت المهم حتى انا تيترى لي بحالك انا كنستعمل بومادا سميتها سينوفيل تنديرها فوقةالبزولات في اي وقت امكن و تهوي بزازلاك شويق ملي تبغي ترضعي غسليهم بالماء الدافي انا هكذا تندير و الحمدلله تنرتاح شوية سؤال بسيط علاش يتدرك بزازلك لابد مايكون عندك شي مشكل في الرضاعة الا لبيبي ديالك متيشدش بزولة مزيان اما الا كان بحال بنتي الله اعينك عليه احسن دوا هو تعلجي سبب لي تيخليهم اطيبو
اختي حتي انا دازت عليا كنت نبكي بدموع ودم كيسيل شرا لي راجلي موستيلا هيا لي نفعاتني خاصة بصدر كنرضعو ونبكي ونهنهم ببومدا هكدا حتي براو من بعد وليت من بعد كل رضعة كنخرج شوية دلحليب وندهن راس صدري والله غرال بحال رحمة الله اوي ووليت عادي وحاولي تعطي لولدك راس لبزولة ودخلي حتي جزء من لحلمة باش تكون رضاعة سليمة وميدركش
أختي شري بومادا lansinoh أو mustela من فرماسيان راها إيفيكاس لتشققات الثدي ، لحقاش الثدي منين يتشقق لي يدير داك الألم ، وحتى إذا كنتي ترضعيه في وضعية خاطئة راه يزيييدو يمرضو ، قلبي في كوكل على الوضعيات ديل الرضاعة
مخليت مادرت ليهم نرضع و نبكي حتا كنت نفكر نفطمو ايوا براو على شهرين و شي حاجة و لدابة مزال مرة مرة يوجعوني و انا ولدي عندو 7 اشهر غير صبري وكولي الحاجة للي دير الحليب باش ميمصش بزااف
انا اختي دوزوها عليا بزااف شهرين وانا مريضة بيهم كنت كاندير senophile وندير فوقها طريف الميكة فاش نبغي نرضع نغسلها نرضع ونعاود ندهنها وندير طريف الميكة فوقها حتى براو ليا الحمدلله مايكون عندك باس
اختي قريت كلامك وشداتني البكية تفكرت راسي 3 شهور المحنة شوفي احسن علاج هو الرضاعة بكترة الرضاعة كيموت اللحم انا والله كون شفتي بزازلي تحلفي الراس ديالهم غدي اطيح الدم والجرح الله يجعلها مغفرة للذنوب المهم في الولدة الاولى خسرت تقريبا شي 2024 درهم غير كريمات بدون فائدة في الولدة التانية الحاجة لي نفعاتني من بعد الولادة هي هداك الجيل ديال الاليو فيرا اسم ديالو اليو جيلي كنغسلهم مزيان وندهن ونخليهم شوية عريانين من بعد الرضاعة كندهن بالكلوص ديال فوريفر والله دقة ببطلة كنعاود ناكد الرضاعة تم الرضاعة باش اللحم بحال الى كيتخدر اما الى باعدتي مدة الرضاعة الالم كيجي بحال الى اول مرة الله يشافيك ويفرحك بولدك او بنتك ويجعل لك هاد الالم مغفرة للذنوب
شكرا بزاف على الردود هو فعلا ولدي ماكايشدش الحلمة كلها كايشد غير الراس عدبني بزاف كنت درت سينوفيل منين ولدت المشكلة ان مولات الصيدلية الله يسمح ليها قالت لماما غير ديرها و ترضع بيها ماتخافش و منين قريت الروقة ديالها تصدمت و قلت هاد السيدة بغات تسمم ليا الولد و انا نولحها يمكن نرجع نشريها المهم نغسل صدري قبل الرضاعة راني تهلكت الراس ولا بيض من بعد ماكان بني الله يسمح لينا من الوالدين ماما قالت لي هاكاك كنتي حتى نتي
السلام عليكم اختي حتى انا ولدي قد ولدك وكان عندي نفس المشكل ديال الصدر انا احسن حاجة جبرت عليها كناخد القطن وبيطادين نفزك بيه صدري مزيان وواحد بوماد سميتها فوسيدسن مزيانة بزااف دهني مزيان وخدي القطن او كاغط تاع اليدين وزليهم على حلمة صدرك ولبسي ستيام عادي ساعة مني تجي ترضعي ولدك خدي الماء وغسلي مزيااااان صدرك حيت ديك بوماد ماشي مزيان الترابي وشف الا ما كانش الولد كينوض في الليل يرضع ديك دوا يبات فيك احسن انا كنت كنكون في الليل كنموت بيهم ومني كندير دوا وغدا نحيدو كيصبحو رطاب الله يعاونك احبيبية ربي يخليهلك
غادي نجرب الي قولتي اختي نسأل الله الشفاء من كل داء و الله يخلي لينا وليداتنا