sterilet MIRENA

السلام عليكم اخواتي كيف الحال و الاحول
الله يخليكم بغيت نسولكم على sterilet MIRENA شكون لي فايت ليها دارتها ؟ و واش مزيانا ولا عندها شي اعراض ؟

---

sterilet MIRENA mirena

هي مزيانة احسن من الفنيد لحاجة لي خايبة فيها هي دم الحيض كتولي كثيرة وكيزداد عدد الايام ايضا عند الجماع كيبقى واحد سليك تيحس به الزوج هادشي لي قالو لي لمجربينه حتى انا باغ ندير ستريلي وثمن ديالها 300 درهم كلشي من عند طبيبة

السلام عليكم كنتمنى من الاخوات إفيدوك، لأنني حتى أنا قاتلي الطبيبة نديرةلك ولكن ما زعمتش

انا البنات راني درتها شجعاتني عليها بزاف جينيكلوغ ديالي وشكراتها لي بزاف وقالت لي بلي دم الحيض مغاتبقاش تجيني بزاف حيت هاد النوع ديال sterilet كيفرز هرمونات لي كتمنع الاباضة وبالتالي دم الحيض كتجي قليلة . ولكن واخا هكاك بغيت الا كانت شي اخت مجرباها تفيدنا اكتر. و شكرا

سلام وعليكم أختي
لباس عليك وسي ياسين ولبنة بخير عليهم
وش عقلتي علي من تجمع الحوامل
بنسبة لستفسرك أنا أيضاً نستفد معك انشالله

بطبيعة الحال عقلت عليك اختي اش خبارك ومبروك عليك البيبي يتربا في عزك ان شاء الله
كنتمنا من لي مجربين يفيدونا اكتر. آنا راني درتها والحمد لله حتا حاجا مكضرني غير فاش درتها كنت كنحس بحال شي وجع خفيف ولكن دابا بيخير مشا مني .

up

السلام عليكم
اختي انا اختي دارتو ديال 5 سنين و جاااااااااااا معاها تهنات و دابا كملات 5 سنين و حيداتو و قالتلها الطبيبة رتاحي واحد شهراين و رجعات دارتولها عاود و هو فعلا الحيض كاتجي ناقصة لا في المدة لا الكمية بالنسبة للخيط ديالو اختي في المرة الاولى مزيان ملي رجعات دارتو هاد المرة راجلها بدا كيحس بالخيط ورجعات عند الطبيبة و نقصاتلها منو بسهولة و راها دابا مخييييييييرة

حتا انا اختي شكروه ليا بزاف داك شي علاش درتو دابا شي 20 يوم . مكنحسش بيه وراجلي كان كيحس بيه في الاول وكنت غادا نرجع عند الطبيبة و لكن صافي دابا مابقاش يحس بيه . غير مرة مرة كيهبط مني بحال الوسخ حاشاك و خصوصا بعد الجماع وبغيت نعرف واش هاد الشي طبيعي في الايام الاولى.

salam akhti chofi sterilet ra7 7sn mn la pilule bzzaf la79ach manti9ianela pilule katmchi lik fdatk kamla w katghld w ddir t9ia w kolchi ama sterilet fa kaykhdm ghir 3la lwalda w makayghld mawalou wrrajl ghir lkdoub makay7sch bih la79ach howa wst lwalda 3lah lmra lli 7amla rajlha kay7sn b ljanin tkhrbi9 alors kaykhsso lmora9aba nnadafa wakha lmrra lwla ktji dm chwia mjhda walakin kat9ad mn b3d llah yeshl l omor