الوحم و عذابه

السلام عليكم انا عضوة جديدة معاكم نتمنى تقبلوا بيا وسط منكم بغيت نهضر على ط§ظ„ظˆط­ظ… و العذاب دياله وخصوصا الى كان اول حمل و الغربة صعيييبة الله يجازيكم بالخير اللي عندها شي فكرة كيف نحارب الاستفراغ او الردان حشاكم و قلة الماكلة و الدوخة و القلب اللي كيضرب و النعاااس نتمنى هاد الموضوع يلقى الاهتمام منك اختكم في الله

hg,pl , u`hfi hgkog

و بغيت نسولكم واش الفيتامينات مضرين للجنين جاوبوني الله يسر ليكم الامور

اولا مرحب بيك معنا فالمنتدى حتى انا جاني الوحم قاسح حتى بديت نرد الدم والاعراض الاخري بحالك امشيت المستشفى اعطوني سيرو سميت نوزليوم و الفيتامينات سوبرادين الحوامل في يومين وليت لباس اكان نقوم بالواجبات ديلي المنزلية متخافيش الله اكمل عليك بالخير

الله يسر ليك و يرحم ليك الوالدين

وعليكم السلام ورحمة الله وبركاته مرحبا بيك معانا نهار كبير هذا أختي ماكايناش شي حاجة لي تخفف الوحم نهائيا ، غادي غير تصبري وصافي ، أنا 2 حمالت ديالي الأول فات عليا كحل كنت نتمنى الموت ليا ولي في كرشي بهداك العذاب يا ربي تسمحلي ، حتى الدواء مادارلي والو ، الله يجعلها مغفرة للذنوب وهاد الحمل الثاني حتي هو كنت نرد يوميا وبزاف ، وماناكلش ماعنديش الشهية ، وفاتني منين دخلت 4 شهور ، غير صبرييييي ان شاء الله تولدي تشوفي البيبي ديالك تنساي كاع هاد الشي لي فات عليك ، الله يسهل عليك الوحم ويخفف عليك أختي بالنسبة للقلب لي كيضرب بزاف والسخفة ديري تحليل ديال فقر الدم ، هاد الشي من الأعراض ديالو ، لحقاش متاكليش مزيان ، شوفي مع الطبيبة ديالك تعطيلك فيتامينات باش يعاونوك شوية

كيباني بنتي سيري للدكتور , هو لي غادي يعرف اش خاصك راه بعض المرات , كيديرو السيروم و دوزو فيه الفيتامينات اذا شافوك ضعيفة نصيحة من عهد الجدات , خدي القرنفل فزكيه و خديه وزلكيه بابرة مع الخيط كالعقد و مرة مرة شميه باش متبقايش تردي

السلام عليكم اختي غير صبري هداك هو الوحم الا كنتي ف شهورة لولين من لحمل خاصك ضروري تاخدي حمض الفوليك مني تدخلي لشهر الرابع عاد تتعطيك الطبيبة الفيتامينات ضروري دابا تشربي الحليب ولبن واخا ترجعي شربي ولفواكه ولخضر وخبز زرع

والله اختي بحال الى تتعاودي علي حتى انا داز عليا كيف قالت الاخت متناكلش وتنرد حتى تيخرج الدم ماتاناكل ما تنشرب وليت ساكنة فالدوش وقرعة الماء فيدي اداني راجلي المستعجلات شافوني حالتي منين عرفو راني حاملة قالولي الحمل متنعتبروهش مرض يمكن من بعد تلاتة شهور ترجعي تاكلي او ستة شهور او تبقاي هاك حتى تولدي ولكن في الاغلبية تلاتة شهور بحالي المهم تايكتبوليك على فيتامينات راهم مزيانين والماء وخا ترديه ماشي مشكل اوا هاهم معمرين علي حياتي عقبالك انشاء الله ياربي وغربتي ولات مقبولة وهما معاي الله يخليهم لي

salam okheti marhba bik m3ana ana akheti f 8 asabi3 lhamdollah jani lw7am sahal ri kanrad f sbah o mara mara 3chia mafiach dokha ochahia maftou7a hhh koun ri tsadat hhh llah ysahal 3lik akheti oytabit hamelna ya rab

أحياني يا ختي على لوحم شحال صعيب الله يسمح لينا من الوالدين يا رب أنا راه داز عليا صعيب ل واحد درجة متصوريهاش حتى دم حاشاك كنت نردو و والو لا شهية لا ماكلة لا شقا لا والو و دابا أنا طالعة ف 6 حمدلله بدأ يفوتني شوية اللهم لك لحمد أما من ناحية دوا راه ماكينش شي حاجة لي كاتخفف لوحم أنا كلشي دويات لي كيخرجو ل موحمات خديثم و والو و حتى من سبيتار نعست فيه و والو هههه أنا راه داز عليا صعيب بزف ولله صافي ف ل آخر صبرت الله يهون عليك و مع الغربة زادت علينا