مع او ضد ابرة الضهر للولادة و لمادا ارجو التفاعل

اخواتي كنتمنى تشوفو الفيديو و تستافدو منو و تقولي لينا شنو رايك و اللي مجربة تحكي لينا على التجربة ديالها باش نستافدو جميع

---

lu h, q] hfvm hgqiv gg,gh]m , glh]h hv[, hgjthug

شكرا لك على الفيديو عجبني موضوعك لحقاش حتى أنا حامل لأول مرة وباغية ندير الإبرة ولكن الناس كيخووني منها كيقولو الولادة الطبيعية حسن ولاكن ناس آخرين قالولي الإبرة مزيانة خصوصا فالوالادة الأولى والله أعلم

اي حاة ماشي طبيعية راها عندها اتار سلبية
راه غير الابرة ديال المسكر (البنج ) في الولادة القيصرية تخدير نصفي راها كتفتح الظهر …اووو وانا صحبتي عملتها محست بوالو ولكن ضهرها تفتح كيبقا مفتوح ديما تتشكى منه..كيبدا. يتكونسا وخصوصا في البرد
وانا ملي كنولد وانا مكنقدر لا ننعس ولا نجلس ولا نتمد ولا حتى حاجة باللالام ديال الظهر مفتوووووح

شكرا احبيبة على المشاركة ديالك و حتى انا حاملة و ان شاء الله الاخوات يفيدونا بالتدخلات ديالهم

شكرا ازين على المشاركة ديالك و المعلومات القيمة

السلام عليكم اختي انا نحكي غير تجربة اختي مع ابرة الضهر ملي كانت اختي حاملة بولدها الاول تعسرت عليها لولادة رغم انو ساقية ولا ما عرفتش شنو اسمها بالضبط تفرقعت ولكن ما نزلش الطفل وناضو عملو الاختي الابرة في الضهر او مرة وسنات على ورقة انو الى حصل شي حاجة هي تحمل المهم ما صدقاتش ليها وعاودو ليها الابرة تانية من بعد 18 ساعة ديال لحريق ولوجيع ولدت اختي ولكن اختي من بعد سنين جات واحد لوقت واختي تشللت 3 اشهر ما بقاتش تقدر تمشى برجليها فركنا في الاول انو عندها شي حاجة في رجليها ولكن ملي مشات لدكتور ومن بعد رسلوها تعمل معالجة طبيعة قال ليها دكتور هادي من الابر لي درتي في الضهر رغم انو مرت يمكن 3 سنوات او 4 سنوات شنو سبب ما عرفناش لمهم تعالجت اختي ورجعت كفما هية و الحمد الله رغم انو 2 ابر دقو ليها في ضهرها والاولى على فكرة كانت دقوها غلط رغم انو اختي في اروبا و الحمد الله هية الان بخير ولدت حتى الطفل تاني عادي وحتىالاول عادي غير بالابرة انا ما عرفاش شنو سلبياتها وايجابياتها ولكن سلبيتها اكثر لي سمعت و الله اعمل الله يفك كل وحدة على خير

ياربي تسهل علينا ومنحتاجوهاش انا بعدا معرفاها لاش كتصلاح

الصراحه أنا مده وأنا تنسول عليها باش نعرف واش مزيانة حيت هدا شهري وتنفكر نديرها نتمنا من البنات يفيدونا وشكرا أختي على الموضوع

الإبرة ديال الضهر كتخليك مكتحسي بوالو أثناء انقباضات الولادة (الوجع) لكن متيديروها حتى تحل
الوا لدة واحد 3 سنتيم و فاش يبغي يديرها ليك البناج خاصك متحركيش ضهرك
أنا درتها فاش بغيت نولد حياش مقدرتش نصبر الوجع صعيب بزااااااف أختي والصراحة غير درتها مبقيت كنحس بوااااالو و دابا تحرقني ضهري مرة مرة و لكن عادي أصلا كان كيحرقي قبل الولادة

انا بعدا معاها مليون في المئة ولدت بنتي الاولى رجعت من القبر دازت عليا ولدتها بلا ليبرا أما بنتي التانية ولدتها بالليبرة رحما دالله ونزيدكوم ماما ولدات بيها ف95وعادي لا وجع لا والو انا كانصح بيها والله يفككون بخير