اتا بغيت منكم عزيزاتي كل واحدة تكتب على ظ…ظˆظ‚ظپ ط·ط±ظٹظپ حصلها فالكوزينة:p
نبدا براسي, انا مرة فقت مالنعاس ودخلت الكوزينة وعكزت نوجد الفطور, لقيت براد اتاي وعملتو فوق البوطة يسخن ايوا نسيتو شميت ريحة الحريق, ملي رجعت نالكوزينة كنجري لقيت البراد سخن بزاق و يد البراد داب من العافية, ايوا دك ساعة فتحت الشراجم باش تزول الريحة و خبعت البراد باش ماما متشوفوش, وبقات يوماين كتسولني عليه وانا كنقولا ما شفتوش:D من بعد لقاتو فالبلاكار مخبي وعاقت بيا,
ايوا الانيقات انا فضحت راسي معاكم متحشمونيش وكل واحدة تقول ظ…ظˆظ‚ظپ حصلها
l,rt ‘vdt td hgl’fo H,rt
أنا شحال هادي رديت الماء في المقراج يطيب ونسيت راسي كنتفرج في فيلم هندي هههههههه اوا ملي تفكرتو مشيت كنجري لكوزينا او لقيت المقراج ولا كحل وبقيت كنحك فيه هههههههه
أنا واحد المرة منين كونت في دارنا باقة صغيرة كانت عزيزة على درة أو قلت الماما ديرهأ لي أو قاتلي من بعد أو من حيت كنت باغة ناكلها ديك ساعة مشيت المطبخ أو درت كو كو ط فيها زيت أو نسيتها أو شعلت البوطى أو نسيتها أو منين تفكرت مشيت المطبخ لقيت العافية شعلة في المطبخ أو بديت نقول في دار هربوا راه العافية شعلة في دار هربوا أو عاد ماما طفت العافية من ديك الوقت أو أنا كان خاف من العافية
[/frame]
زعمة كنت باغية نقتصد ههههههههههه
غادي نحكي ليكم عندما كنت طالبة في فرنسا أول مرة نكون بلا الخادمة، ونعتامد على راسي، دخلت واحد الجمعة من اللابو مع 12 باش نتغدا ومن بعد درت مع صاحبتي نمشيو واحد السوق ممتاز بعيد ورخيص نتقداو، دخلت طليت في الثلاجة، لقيتها خاوية كتصفر،، غير البيض، خديت 2 بيضات ودرتهوم يتصلقو في مطبخ الحي المتواجد في نفس الطابق الذي أسكن فيه، وأنا كنقلب وسط ما تبقى عندي وجدت حك ديال الطن، درتو في الخبز وبديت تنتغدى، جات صاحبتي، واخرجنا للسوق، ولما وصلنا وأنا أما البيض تفكرت البيض اللي تيتصلق، والمشكل يوم الجمعة نساء التنظيف تيساليو مع 12.30، قلت لصديقتي دابة اللي عطا الله عطاه، المهم واخا البراد اللي تنصلق فيه (البرارد الصفر) باين ديال شي مغربي ولا مغربية، قلت مع راسي ما شافني حد…
في العشية فاش رجعت لقيت واحد السينغاليات تيطيبو العشا عندهوم عراضة، ودرت راسي غير جيت نسخن الماء، لقيت المقراج داب في النص، وخا هاكاك خديته وبقيت كنستعمله.
ومرة أخرى وضعت الزيت في المقلاة، ودرت الميركيز يتقلا ومشيت للبيت، أنا أتحدث مع صديقاتي وأنا نسمع الصوت ديال لالارم، خرجنا تنجريو لقينا المطبخ شاعلة فيه النار، فبداو الطلبة يسولو ديالم هذه المقلة، فنكرت بطبيعة الحال وخا بقات في المقلة ديال تيفال
انا واحد المرة كنت فالدار زعما غنطيب الللحم بالمرقة , ايوا ملي كنت كتعمل ليقامة فنحت البلاكار باش نجبد الزيت جبرت واحد البيدو فتحتو وكبيت منو فالطنجرة ايوا تخلعت كتشفت بلي صبيت اللبن