انيقات الدار البيضاء ممكن كلمة من فضلكن

السلام عليكم ورحمة الله وبركاته

عندي استفسار بالنسبة لو شي اخت مرات من تجربة مشابهة

بغيت استشارتكم و اراءكم في الموضوع رني دايخة

البنات انا الطبيبة الي كنت متبعة معاها طلعات متتصبرش مع المرا وتتلجا للفتيح
وتاكدت اكثر واحد النهار مشيت عند SAGE FEMME على شي وجع كان جاني من كثرت الوقوف و سالتني على الفيتامينات الي تنتخد و قالتلي هاد الفيتامين خاصو يتحبس في الشهر الرابع او الخامس على ابعد تقدير باش الجنين ميكبرش او قالتلي هادو اغلبية الاطبة تيعطيوهم باش يدوزو سيزاريان و ميمحنوش راسهم و واحد الطبيبة عامة من المعارف ديلنا قالتلي من الاحسن متولديش عند sage femme حتى ل في عيادة مجهزة اوا انا حرت و دخت وستوسوست ههههههههههه فقررت نسالكم على الله نستافد من تجاربكن او ارائكن الحبيبات فبحال هاد الموقف او حتى اللي مكانتش متبعة مع شي طبيبة تشاركنا تجربتها

فنخليكم مع الاسئلة

دخل شهرك فين ظ…ظ…ظƒظ† تمشي تولدي ؟؟؟

واش تمشي عند ساج فام في عيادتها ؟؟؟ و اشنو رايك فهاد المسالة ؟؟؟

و لا تمشي كلينيك ؟؟ واش كلينيك ظ…ظ…ظƒظ† يشدوك واخة ممتبعاش عند اطبة ديالو ؟؟

اولا تمشيو بوليكلينيك ؟؟

ممكن اسم كلينيك مزيااان او طبيبة اللي ظ…ظ…ظƒظ† نمشي عندها قبل موعد الولادة تكون مزيانة

وللي حتى عندها راي اخر تشاركني تجربتها

تنستنا تفاعلكم مع الموضوع للاهمية ديالو عندي الله يجازيكم بخير

وشكرا مسبقا لكل اخت غتجاوبني

---

hkdrhj hg]hv hgfdqhx ll;k ;glm lk tqg;k

اختي اش غنقوليك انا محاملاش اموالداش حاليا الله يرزقني بالذرية الصالحة ولكن إلى كنت حاملة ان شاء الله نمشي كلينيك فيه اطباء مختصين اكيكون مجهز من الماترييل كلو لا قدر الله الواحد طلع ليه غير طونسيو ميلقاوش سيروم يبداو يقلبو على راجل يمشي يشريه تيلقاني مت متبقاوش تعمرو رسوكم بكلام ناس العوام اعاد أول مرة كنسمع فيتامينات كيخدوهم باش يفتحو فيتامينات كيعطيوها على حسابك نتي باش متسخفيش حيث كيضيع ليك دم اتفقدي الطاقة مع الحمل سيري تبعي مع طبيبتك ال شوفي طبيبة مختصة مزيانة راهم كينين المؤمنين اطباء مشي كلشي كزارة اديري صلاة استخارة سواء على طبيب او على كلينيك لغتولدي فيه لفيه الخير يسهل الله ليك فيه نتمنى من الله يفكك على خير ابخير اتجيبي لينا شي كتكوت او كتكوتة حلويييين ادعاي معانا ملي تكوني تولدي تحنا نحملو انلتاحقو بيك ان شاء الله انا والمنتظرات

اللي نصحك بيه ماتمشيش ساج فام راه ماعندهم امكانيات حتى الله يحفظ ايلا كان الفتيح كيفاش غديري
اما الطبيبات راه كل وحدة وضميرها الطبيبة اللي ولدت عندها اخر حاجة تتفكر فيها هي الفتيح ومزيانة وولدت عادي وشحال من وحدة ولداتها عادي وماتتبغيش الفتيح
هي الزبير فاطمة الزهراء مقابلة عيادتها مع ثانيوة ليوطي وتتولد فعبد المومن

السلام عليكم اختي setra

شكرا على الرد ديالك و الله يرزقك الذرية الصالحة اختي

السلام عليكم ورحمة الله و بركاته
اختي محبة رسول الله تنشكرك على الرد ديالك وتفاعلك مع اسئلتي
قوليلي واش هاد الطبيبة واش الا بغيت ناخد عندها موعد تتعطيه بعيد ؟؟؟ واش تتقبل تولد اللي ممتبعينش معاها مع توفر ملف كامل لفترة الحمل من تحاليل و ايكو ,,, ؟؟؟
و سؤال اخر واش الكلينيك الا مشيتيلو ممكن يشدوك واخة مكنتيش متبعة عندهم ؟؟؟؟

اختي كفما قالو ليك الاخوات متغامريش وتعطي راسك لساج فأم،راه المراة منين كتكون كتولد كتكون بين الحياة والموت،يقدر الطونسيو يطلع الله يحفظ اولى تسخف بالزحيم ديك الساعة باش غدي يسعفوها عاد يبقوا يقلبوا على لوبيلونس ،متجي توصل تا الله يحفظ يكون مول الأمانة دا أمانته ،احسن حاجة شوفي طبيبة كنخاف الله وفي كلينيك ،تكوني بعدا مطمنة وكلشي بيد الله من قبل ومن بعد،اما على الفيتامينات واقيلة كتهدري على فوليك أسيد ،حنا في امريكا كيعطوه المرة قبل متحمل ب 3شهور ومنين تكون حاملة وتبقى تشربوا على تولد وتسالي الرضاعة ،باش ميجي هاش فقر الدم وهو مزيان باش منين تكون كتولد يكون عندها الجهد باش تقدر تزحم هو الفيتامينات. الاخرى والله يعطيك ولادة سهلة