درت ليكو نشوف واش حاملة وتفاجأت!!! الحمد لله على كل حال

نالسلام عيكم اخواتي العزيزات
معرفتش باش نبدا بغيت نخوي قلبي عليكم وقبل كل شيء انا راضية بقضاء الله لا مرد له والحمد لله على كل حال
هاد الشهر جاتني العادة الشهرية غير يومين وتعجبت من بعد بديت تنلاحظ شي اعراض بحال الم في حلمة الثدي و مرة مرة وجع بحال الى قربات العادة و دخول متكرر للمرحاض اعزكم الله وبديت تنشك ربما يكون حمل البارح كان عندي رونديفو مع طبيبة متبعة عندها على بوصفير دارت لي ظ„ظٹظƒظˆ وشافت لي حتى الوالدة وتنتسنى تفرحني بالحمل لكن قالت لي عندك كيس وصيفطاتني عند غاديولوg باش اديرلي ظ„ظٹظƒظˆ مزيان ويشوف الكيس ومشيت عندو اليوم لقا فيا كيس فيه 8 سنتمتر غير قالهالي ونا نترفع تخلعت بزاف حيت متنظنش انو غادي يدوب بالدوا لازم العملية واللي خلعني اني قريت فالانترنت اقدرو يستاصلو حتى المبيض اللي لاصق فيه
غدا عاد انرجع عند الطبيبة باش تشوف دوك التصاور وتصيفطني عند اختصاصية النساء ظ†ط´ظˆظپ اش غادي تقولي
الله يحفظكم وينجيكم لا حول ولا قوة الا بالله العلي العظيم اللهم اشفني واشفي مرضى المسلمين وارزق كل منتظرة الذرية الصالحة الطيبة التامة الخلقة امين

---

]vj gd;, ka,t ,ha phlgm ,jth[Hj!!! hgpl] ggi ugn ;g phg

السلام عليكم اختي

شوفي متخافي من والو لي دارها الله هي لي كاينة

انا راه كان تقريبا عندي بنف الحجم او داب لية غي بالدوااااااااااء اما البحث في النت راه النتائج ديالو تتخلع

واش انت عندك الدورة منظمة او واش تعطلات عليك في هاد الشهر
او انت الا ماباش ليك في هاد الطبيبة بدليها باش تطمئني اكثر
او الله يسر ليك الامور احبيبة

الله اسمعك خبار الخير اختي متخفيش لكانت اكون ليها الله
الله يشفيك يارب

السلام عليكم اختي في الله عافاك متقلقيش ومتخافيش ربي رحمت كبيرة هدا غير امتحان من الله صبري والله اشافيك,وفرح قلبك في القريب العاجل

امين اختي الله يجازيك بالخير شكرا طمنتيني
عندي الدورة ممنتاظماش حيت عندي تكيس المبايض ودابا ولا عندي حتى هاد الكيس الله اشافيني منو
هاد الطبيبة اختصاصية في الجهاز الهضمي والكبد متبعا عندها على قبل بوصفير و دابا قالتليا اتصيفتني عندي شي اختصاصي او اختصاصية مزيانة ونتمناو الخير من عند الله طبعا. شكرا مرة اخرى على اهتمامك اختي تيريحني نهضر معاكم

امين اختي الله اجازيك كل خير ونعم بالله شكرا بزاف على دعاءك الله افرحك كيفما فرحتيني بردك امين

امين اختي الله اجازيك كل خير كون تعرفو شحال تترتاح نفسيتي ملي تنلقى اهتمامكم ودعاءكم الله افرح قلبك ويحفظك انت وجنينك من كل سوء ويسرليك الولادة ديالك امين

شكون عندها معلومات او تتعرف شي وحدة عندها بحال هاد الحجم وبرات تفيدني جزاكن الله خير الدارين
اللي دخلات تنترجاها تدعي لكل اخت منتظرة معانا في المنتدى بالحمل السليم

الله يفرح كل متزوجة بالزرية الصالحة و الحمل السليم و الصحة و العافية و حتا لي مازال الله يجيب ولد الناس إن شاء الله

آمين اختي جزاك الله خيرا على ردك ودعائك الله يفرحك ويحقق ليك متمنيتي