السلام عليكم يا احلى انيقات
غادين تقولو هاد بسمة واقيلا لا حماقت هاد الايام ولات كدخل و كتخرج في الهضرة…
انا عندي اختي صغر مني بعامين و ما كنقدرش نهضر معاها في هاد المواضيع حيث ما غتفمهنيش و لكن نتوما كنحس بيكم بحال خوتاتي و الله و كنلقى راحتي معاكم
المهم..غندحل نيشان للموضوع..
انا في عمري25 سنة و ليليا عندها دابة عامين و شهرين
ومن شهرين هادي اخر حاجة كنت كنفكر فيها هي الحمل بطفل اخر حيث بنتي صغيرة و شداها ليا حماتي الله يخليها ليا حيث انا خدامة
يعني راسي كان خاوي..مي المشكله هي تقريبا كل ليلة كنحلم براسي حاملة و كرشي كبيرة و حتى من حركات الجنين كنحس بيها اثناء الحلم
ايوة داز شهر و انا على هاد الحالة و وليت كندخل لقسم الحمل و الولادة و نقرا المواضيع الحاصة بالحمل ه التردد ما زال شادني يعني بديت كنفكر في الحمل
اما هاد الاسبوعين الاخيرين وليت كنصلي و ندعي يا ربي ترزقني بشي وليد حيث راجلي باغي وليد…
و الحلم ما زال كل نهار كيجيني..وليت موسوسة و كنحس براسي متناقضة
ممكن غير مساعدة معنوية يا غاليات راني فعلا دخت و ما بقيت فاهمة فراسي واااااالو
ykr,g gd;l ,hp] hgph[m , g;k lh qp;,a ugdh
ilham34 و مدام وهيبة افرحني مروركما الطيب كروحكما شكرا جزيلا
راهوم الأطفال نعنة من نعم الله
ربي يفرحك
أنا كنت تتوقعلي من تنحمل 2 لوليدات قبل مانمشي نشوف وش حاملا تنحلم براسي حاملة سبحان الله منعرف علاش
الله يسار لك ولجميع ألي باغي يولد