السلام عليكن انيقااااات ، الله يفرحكم لي مازال ما حملت و الي حملت الله يتبت حملها و يفرحها بشوفته
المهم عندي بزاااااااف تاع الاسئلة و معنديييش معامن ندوي بحكم اني الوحيدة عند دارنا ما كين لا كبر مني نتعلمو منهم لا كبر مني نعلموهم ههههههههه
هاد العام قررت انا و زوجي ان شاء الله نديرو الدراري هههه الله يفرحنا و يفرحكم و حيت انا رقيوقة فراااحت قالو لي الحمل كيغلض و يوكل ههههههه
نحط ليكم لائحة الاسئلة وبلا ما تضحكو لي جاوبة عليها الله يفرحها عما قريب يا رب
واش في الحمل تفتحات شهيك و لا تسدات
واش غلاضيتي ولا ضعافيتي
واش من بعد ما قطعتي الرضاعة صدرك بقى عادي ولا تفش ولا ترهل ولا شنو طرا
واش بقيتي كتاكلي نفس الماكلة ولا وليتي كتفضلي شي حاجة خاصة
واش الوحم حسيتي به ولا جاك عادي يعني واش تخاصمتي مع شي حد او ولا عزيز علك شي حد بحا كيف ما كنسمع
واش خرجو لك الخطوط في كرشك ملي بدات كتكبر ولا درتي شي حاجة باش تتفادايهم
واش حسيتي براسك كبرتي يعني ولات عند مسؤولية ولا بقى راسك خاوي كيما قبل (حنت زعما راسي خاوي ههههه)
صاااااافي باركة عليكم الله يرحم لكم الوالدين
ياله نشوفوكم
hgjydvhj hgjd j’vh ugn [sl hgphlg [.x
لا ما نسيتوش اختي غير الشطون و صافي
الله يفكك على خير و شكرا بعدا نتي راك شاركتي هههههههههههه
انا راني ياغة نغلاض ملي نحمل تي قولي ليا راك غلاضيتي غا فرحيني بعدا
شحال عندك من شهر ا زيييين
وفي الأخير ، الله يرزقك الذرية الصالحة ، والله يعطيك شي وحم ساهل ماهل باش تغلاضي ، مرات لوسي كانت توزن 56 كيلو ، دابا راها في 6 شهور ولات توزن 72 كيلو ، يعني كل وحدة وكيفاش يجيها ، ماشي ضروري لي يوقع لشي وحدة يوقع ليك نتي ، الله يسهل عليك يا ربي آمين
الله يفكك على خيييير ، ناااااغي ناااغي الا الراجل ههههههههه ما تقوليهاش ههههه
بصح صدرك بقا عادي ، لوستي انا تنفخ لكن ولى مدلي
الله يعطينا شي وحم ساهل ماهل و شي غلض على قد النفع
انا ماغلاضيت ما رقاقيت لان اكلي خفيييييييييييييييييييييف
الشهية طول 4 شهور ضعييييييييييييييييييفة غير تنقب وخلاص والطبيبة اعطاتني فيتامينات وكالسيوم وزنك ومانيزيوم على شكل حبوب باش نعاون بهم
كرهت المرقة وريحة الطياب واللحم بصفة عامة ماكلتي كلها ناشفة خضر وفواكه وحليب وبيض وجبن مقلللللللللللللللللللللللقة وخاصني غير مع شكون ماتنقدش على الهضرة وتنبغي نبقا بوحدي ومانسمعش ريحت الكلام
تنعس بزااااااااااااااااااف وماعندي رغبة لحتى حاجة بحال الا رني في حالة اكتئاب او احباط حتى حاجة ما تتعجبني فهد الدنيا مالة من كلشي سبحان الله
كرشي الحمد لله ماخرجوش لي الخطوط لاني مني دخلت في الشهر الثالث بديت ندهنها بزيت اللوز يوميااااااااااا 2 مرات في النهار وتنشرب الماء بزاااااااااااااف لانه تيطري الجلدة ويرطبها
طبعا لازمك تفكري كيفاش غتربي ولدك ولا بنتك وتربي فيه حب الله وطاعته واتباع سنة نبيه وكيفاش تنظمي وقتك بين التربية وشغل البيت والاهتمام براجلك ونفسك مشي تهمليها يعني كيفاش تكون ام وزوجة ناجحة
الرضاعة مزال ماولدتش انا في الشهور الاخيرة ادعي احبيبة ربي يكمل بالخير ويفك الوحايل بكل خير ويرزقني ذرية صالحة وصورة كاملة مكمولة
السلالالالالالالام عليكم
شكرا بزااااااف لهذه المشاركة الاكثر من رائعة
سبحان الله كل وحدة و كيفش كيجيها الوحم ، و ماعندو حتى تفسير لحد الان
تبارك الله عليك حتى انا ان شاء الله بدا ندهن اذا سهل الله لقيتيني كنفكر فهاد الشي لانه البارح قريت موضوع ناع واحد الاخت قالت بان سدرها و كرشها ولاو حمريييين بالشراطي
بصح كيفما قلتي خاص الوحدة تنظم وقتها و تعرف اللي ليها و الي عليها
انا فعلا اختي كنفكر في اني نحبب وليداتي ان شاء الله و فكرت انني نبدا نحفظ في القرءان الوقت لي يبدا الجنين يسمع باش يولف يسمع ليه قبل ما يجي للدنيا
ربي يخليك اختي و جزاك الله خيرا ، الله يفكك على خير و يرزقك ولادة ساااااهلة ماهلة