واش يسهل علي تحديد ايام التبويض

السلام عليكم ورحمة الله تعالى وبركاته.
انيقاتي عندي سؤال محيرني ويارب نلقى الجواب الشافي عندكم، سؤالي باين من العنوان انا بغيت نعرف واش الدورة عندي منتظمة ومزيانة ويسهل علي طھط­ط¯ظٹط¯ ط§ظٹط§ظ… ط§ظ„طھط¨ظˆظٹط¶ أو انها تعتبر غير منتظمة. غادي نعطيكم مدة 3 دورات الاخيرة : الاولى 30 يوم الثانية 29 والاخيرة 32 يوما.
صحبتي قالت لي بأن الدورة ديالي مزيانة ومفيهاش شي فرق كبير .
جوبوني عافاكم الله يرزقكم ما تمنيتو في حياتكم.

---

,ha dsig ugd jp]d] hdhl hgjf,dq ugn

اهلا ختي عاشقة الجنوب دورتك مزيانة وطبيعية اما ايام الاباضة راقبيها من الافرازات وقياس درجة الحرارة من تجيك الدورة وتمشي كتكوني ناشف من الفرازات ومن بعد كتلاحضي عندك افرازات لزجة دايرة بحال ابيض البيض معندهاش لون تما كتكون قريب عندك الاباضة ومن بعد كتولي هدوك افرازات دايرا بحال لكريم بيضاء تما عرفي راسك ان الاباضة دازت اما قياس درجة الحرارة كتبداي تقيسيها مين تفوتك الدورة ومن شرج وفصباح قبل متنوضي من الفراش وهدي تلاحضي انها هدي تزيد ففترة الاباضة ومن الاحسن باش متفلتي حتى نها نهار نعسي ونهار لا باش تكتر فرص الحمل راه الحيوانات المنوية كتبقى 3 ايام فالرحم ومين تجامعي راجلك هزي رجليك الفوق باش متخرجش الحيوانات المنوية على بر والله يفرحك اختي فالقريب العاجل حاسة اختي راكي قريبة غير دعي واستغفري

فرحت بزاف أختي اسلام ملي شفت انك انتي الاولى الي جوبتيتي وكنت متوقعة انك ملي تشوفي موضوعي غادي دخلي باش تجوبيني والي فرحني بزاف هو كلامك كيطمئن ويدخل للقلب ويارب يتبث حملك ويكمل عليك بالخير وتشوفي ولدك او بنتك بين يديك.

شكرا ختي عاشقة الجنوب على دعائك والله يرزقك بالدرية الحسنة والسليمة فالقريب العاجل راني دايما كندعي معاك ومع الاخوات انشاءالله تلحقو بينا ونتمنى من الاخوات يفيدوك على موضوعك

اختي اول شيء الله يحققليك مبتغاك و يكمل على كل وحدة حاملة و ييسر ليها امورها.اللهم اااامين.بالنسبة للدورة الشهرية عندك مزيانة بزاف نهار او حتال 3 ايام ناقصة او زايدة كل شهر ماشي مشكل, و بالنسبة لايام الاباضة فانا اللي فراسي انه كتكون في الاسبوع الثالت من اول يوم من الدورة , مثلا الى كانت جاتك الدورة من نهار 1 الى 7 الاسبوع اللي وراها غيكون بين 8 و 14 الاباضة غتكون باذن الله بين 15 و 21 اما الاسبوع الاخير فغالبا مكيكون فيه والو معا هو اللي كيكون قبل من العادة, و كما قلت هذا كيبقى غير تقدير , نتي حاولي تكثري من الممارسات فالايام اللي ورا العادة ب 10 ايام ابتداءا من اليوم الاول اي الى جاتك نهار 1 كثري منها ابتداءا من نهار 10حتال 20 والى كان راجلك فيه نعاس ديريليها قهوة كحلة و قوليه ماشي وقت النعاس دابا ههههههه, و كما قالتيك الاخت islaaam من الضروري من بعد كل ممارسة متوقفيش فساعتها تبقاي هازا رجليك باش الحياوانات المنوية مينزلوش و يزيد الامل في اللقاح , اختي كنتمنى نكون فدتك و لو بشي حاجة قليييلة و اللي غنزيد نقوليك و هو الدعاء , فالله سبحانه و تعالى كيبغي العبد الملحاح , و معمرك تقولي الله مستجبش ليا, يقدر يكون ماجل ليك طلبك باش يبقى يسمع التدرع ديالك و الله يعطيك و ما يحرمك و لا يحرمنا من رحمتو.

بارك الله فيك اختي وجزاك الله خير على ردك وكما قلتي الدعاء ثم الدعاء.

اختي الله ييسر علينا كاملات شوفي راه الدورة عندك مقادة وانت بحالي والاباضة غتكون مابين اليوم 13 14 15 16 وغتعرفيها ب الاشياء التالية
1-ارتفاع درجة الحرارة
2-الشعور بالتعب
3-نزول افرازات
4-الشعور بالم اسفل البطن او بالجانب الايسر اوالايمن على حسب

اختي الله يكمل عليك وعلينا كاملات نسمعو كلمة ماما

مشكورة حبيبتي وجزاك الله خيرا. يارب ينولك ما تمنيتي

الله يفرحك ويناولك ما تمنيتي

krib tfarhia akhti dawra 3andak mazyana obinisba lilokht maria 55 katlatni bi dahk dyal khiwa hhhhhhhhhhhhhhhhh