مسابقة تجمع وداعا للسمنة والإهمال، مرحبا بالرشاقة والجمال

أولا أخواتي الفضليات هذا محلق لمسابقة طھط¬ظ…ط¹ شد ونحت الجسم مع شمعة مضيئة ارتأينا تغيير جزئي للمسابقة في عدة أمور وأكيد لن ننسى الأصل واللي هو * طھط¬ظ…ط¹ شد ونحت الجسم مع شمعة مضيئة * ارتأيت الحفاظ على أغلب ما في المقدمة القديمة لانها الاساس طبعا

ها هي الاجزاء السابقة تبقى كأرشيف

هدا رابط التجمع الجزء الاول
https://www.anaqamaghribia.com/vb/sho…d.php?t=407195

وهدا رابط الجزء الثاني
https://www.anaqamaghribia.com/vb/sho…d.php?t=409444
هدا رابط الجزء التالت
https://www.anaqamaghribia.com/vb/sho…d.php?t=410191
وهدا رابط الجزء الرابع
https://www.anaqamaghribia.com/vb/sho…d.php?t=411755
هذا رابط الجزء الخامس
https://www.anaqamaghribia.com/vb/sho…d.php?t=412742
هذا رابط الجزء السادس
https://www.anaqamaghribia.com/vb/sho…d.php?t=416971
الجزء السابع
https://www.anaqamaghribia.com/vb/sho…d.php?t=421935

الجزء الثامن
https://www.anaqamaghribia.com/vb/sho…d.php?t=423941

الملحق وهو الجزء التاسع للمسابقة مع اللوك الجديد ديالها ***

https://www.anaqamaghribia.com/vb/sho…d.php?t=426390

واللوك الجديد ديالا المسابقة هو كالتالي والعاقبة لبلوغ الهدف ديالنا يارب

مسابقة في خمس مجالات مهمة في حياة كل امراة

اول مجال هو

هو الواجب الديني او طاعات بصفة عامة وهي بالترتيب حسب الافضلية طبعا

يكون اما ورد يومي من القران او استغفار 500 مرة او صيام تطوع او صلاة نافلة او صدقة باب الخير واسع في هذا المجال طبعا من غير الحصر

والمجال التاني هو

الرياضة

كل مشتركة مجبرة دير الرياضة لكتبات فالبطاقة ديالها كل يوم

المجال الثالث هو

الحداكة والتاويل

كل انيقة خصها دير واجب فاشغال المنزل

والمجال الرابع هو

التجميل

هنا انديروا كل ماهو طبيعي

المجال الخامس هو

الرجيم

كل مشاركة حرة في نوع الرجيم لمتبعة

المجال السادس وهو المجال الذي اضيف حديثا للمسابقة هو

المعاملة مع الطفل أو الزوج+ احتياجات الآنسات

دابة انديروا التفسير ديالهم

العبادات
الاجر والثواب من الله عز وجل
حنا بغينا نتنافسوا ونشجعوا بعضنا في كل شئ وسبقلي وحطيت شرح مفصل لانواع العبادات المقترحة ولي عندها خير اخر بسم الله

لكن هناك ملاحظة اثناء وضع التقرير اليومي نحاولو نكتبو في لجانب الديني تم فقط لجعلها كخبيئة بينها وبين الله اخلصن النية اخواتي وربي يكتب الاجر

المجال الثاني الرياضة

كل وحدة اتنقط على دكشي لكتبات فالبطاقة ديالها

(وبالنسبة للانيقات لديرين الشريد اتكون عندهم راحة نهار 10منوا ادا نهار11يديروا المشي او تيفاني وتحط ملاحظة تتبين انه هداك النهار هو رقم11فالشريد اي استفسارعلى الموضوع اتلقاوه فالدردشة)

المجال الثالث الرجيم

كل انيقة اتكتب نوع الرجيم لمتبعة مثلا اللقيمات .الصيام العكسي.التخفيف. مصر خست.كل وقيس …

دابة المجال ديال الحداكة

التخمال الركاني وحكان الماعن وداكشي لي ف شغل الدار لمتنديروهش اتخد 5النقط واخة ما اتديرش الصنعة

فهمتوا

الا شي انيقة حطات ديكور او شي حاجة صنع يديها راه اتخد 5نقط
واخة متخملش

متلا الا حطات لينا حنون اوشي انيقة شي فكرة وتوضح الطريقة وكولشي اتحطها مستقلة ماشي داخلة فتقريرها
تتبغي تحط التقرير ديالها عاد اتحطها وتخد 5النقط

متلا
وحدة خملات السطح وسيقاتوا فقط عندها5نقط
ووحدة دارت رسم على التوب فقط عندها5نقط

راه ماشي ضروري ديري الصنعة كاينين لراسهم تقيل فالصنعة وكاينيين لمعندهمش فين يشريو المواد المستعملة او ماشي في استطاعتهم ماديا
دابة تنتمنى نكون شرحت
الانيقة لاتحط الفكرة مستقلة ماتخدش عليها النقط تاديرها فالتقرير ديالها عاد عندها5نقط

اما الاعمال العادية كبحال التصبين+العجين الطياب العادي اتخد0نقطة حنا بغينا نتشجعوا ونضفوا دارنا
مجال التجميل
ايتحسب الماسكات فقط اتقولي ماشي مزيان ندير ماسك كل نهار
انقول ليك راه الا درتي كل نهار بلاصة ماشي مشكيل مثلا
نهار ماسك لشعر نهار لرجلين نهار للجسم نهار للوجه نهار كمادات للعينين نهار لليدين …وزيد
ماتجي السيمانة فين دور تتكوني دزتي على كولشي
حنا مبغيناش نهتموا بالرجيم والرياضة فقط

ونبقاو نقولوا راه مكنتش مسالية ديتها عف الرجيم والرياضة حنا بغينا كولشي .والتجميل اليومي كبحال دوش او ترطيب بكريم او مكياج ممحسوبش اتخدي 0نقطة
نهار الاحد عطلة من الرياضة باش الجسم يرتاح وياخد شحنة للاسبوع المقبل ومن التجميل والحداكة التقيلة ماشي نهار يجلس الراجل عاد بان ليك نتي تجمعي وديري الماسك
وماشي عطلة من واجب العبادات حيت حنا منديروهش على ود النقط حنا دايرينوا باش نتنافسوا فيه ونشجعوا بعضنا والاجر من الله
والرجيم تهو اتكملي عليه مديريش عطلة فيه الا تعرضتي او كليتي على برا خففي الماكلة
ونهار الاحد ماشي مجبرة تحطي التقرير حيت ميتحسبش ليك

نهار الاحد عطلة تهلاي فشهريار وخرجي الوليدات يلعبوا

طريقة التنقيط والاوسمة

المعاملة مع الطفل أو الزوج+ احتياجات الآنسات = خمسة نقط
المجال هذا الشرح ديالو هو غدي نهتموا اكثر بوليداتنا ولي عندها شي مشكل مع الوليدات غدي تحاول تجتهد تحلو نعطي امثلة

العصبية معاهم تحيديها وكل ما تشجعتي وحيديتها كتاخذي نقطتك لي هي خمسة نقاط

الغوات عليهم ضرب صغار بزاف المشاكل لي كنعانيو منها اغلبنا الله المستعان
ممكن زيادة الاهتمام بهم طيبي لهم شنوة بغاو
ممكن لي عندها مشكل فقراية الوليدات وتعاونهم كذلك تاخذ خمسة نقط
ممكن اي حاجة من هاد القبيل وتكون فيها افادة للوليدات صغار

وممكن كذلك المناصفة بين الوليدات والرجل الة مقصرة معه حاولي تصلحي الة لا الله يعاونك وخليها مع الوليدات اي حاجة درتيها فيها جديد سواء للولاد او الزوج محسوب كل نهار خمسة نقط حسب اجتهادك وزدنا هنا مسالة الزوج لانه كين اخوات مزال مولدوش او عروسات جديد او مسكينة مرزقهاش ربي بالولاد عطينا البديل الزوج وهذا لا يمنع حتى االخوات الاخريات كذلك من المشاركة

بقا لنا الانسات الانسات ممكن عوض هاد الجانب تحاول تبدل معاملتها مع الوالدين او تحسن لهم وتبر بهم اكثر تهتم بهم اكثر وهكذا ولي معندهاش مسكينة الله يرحمهم ممكن مع الاخوات الاخوة باقي العائلة اي كان / ممكن بديل اخر كذلك حاجة هي ديما كتاجلها تعلم مثلا صنعة معينة او تقرا كتاب معين او تهتم بحاجة في جسمها ديما مخلياها او او او المجال واسع هنا وللانسة الخيار طبعا اي حاجة جديدة في حياتك درتيها كبادرة جديدة ومفيدة محسوبة لك كمجال سادس

هنا رضينا الجميع اظن

مجموع النقط

30/30

الجوائز هي اولا

صحتك ورشاقتك
+
رضا الله باذنه تعالى بالزيادة في الطاعات والمداومة عليها ولو بشئ يسير فالقليل الدائم خير من الكثير المنقطع
+
تبدلي معاملاتك مع الزوج والاولاد الة كانت نوعا ما مهترئة
+
تبدلي في نفسيتك وفي ترتيب وقتك وتنظيمه ويكون عندك اهدداف يومية مفيدة كتقومي بها واكيد كل من جربت كتحس بالفرق انا نفسي مثال

ثم

الاوسمة هاهي
المرتبة الاولى

المرتبة الثانية

المرتبة الاخيرة

كل مشاركة مجبرة تحط الوسام لربحات طيلة الاسبوع

ملاحظات مهمين

–كل يوم احد انجمعوا النقط ونهار الاثنين تاخدوا الاوسمة ديالكم
–كل مشاركة عندها ظروف مثلا الضياف الدورة الشهرية المرض اي ضرف كان
حنا اندعيو ليك ونصحوك ونعاونوك ويني فالتنقيط اتخدي صفر

والسبب باش منحلوش باب الاعذار لغدي يزيدنا عكسل فقط
–مدة التقرير يومين اخر اجل يومين فقط وهدا تحسبا
لظروف المشاركات

–كل مشاركة مجبرة تحط التوقيع ديال التجمع هاهو

–الوزن لأينقص من المشاركة مداخلش فالتنقيط السبب هو انه معانا انيقات حاملات ادا ايتزاد ليهم وزن البيبي وكاينين اجسام بطيئة فالحرق واخة تكون الانيقة ملتزمة وهدشي غادي يحطمها
كل مشتركة تحط هاد البطاقة

الوزن:

الطول:

السن :

الهدف الاول:

الهدف الثاني:

نوع الرياضة :

الماء:

المشروبات للتخسيس:

نوع الريجيم:

هاد البطاقة التعريفية لكل مشاركة
خصها كل يوم اثنين تحط وحدة باش الا بغات تغير شي حاجة باش نعرفوا شكون معانا وشكون نسحب وكل مشاركة جديدة تحطها يوم الاتنين

التقرير ايكون كالاتي
العبادات=اتكتبيه بالتفصيل ممنوع كلمة تم للتشجيع اكثر بين الاخوات
التجميل=اتكتبي الماسك فين درتيه الا لا كتبيها
الرياضة=اتكتبي كذلك بالتفصيل
الرجيم= كتبي لتزمتي او لا
الحداكة=اتكتبي شنو درتي الا مدرتي والو كتبي لا
مكينش نص نص الا درتي نصف الواجب
اتخدي0وهدا لتفادي الخلافات

وانهاء التقرير بالقسم

* والله على ما اقول شهيد * ضروري هذا جدا حفاظا على المصداقية

وفي الاخير اقول كل الشكر للاخوات بدون استثناء لاثرائكن التعديل الجديد على المسابقة وربي يبلغكن مقاصدكن

بغيتكم تشكرو الاخت سمايل انجل مسكينة لي تعذبت معنا فالتصاميم وتدعيو لها في ظهر الغيب بدعوة خير

ومننساوش االخت شمعة كذلك مهما كانت اسباب انسحابها كندعيو لها كذلك بالخير وربي يشفي لها ولدها ويقر عينها به ويعاونها كذلك توصل لهدفها رغم ان اهم حاجة ماشي هي نبدا الرجيم والرياضة وانما العزيمة اخواتي لي حست بمشكلتها فعلا راه غدي تبغي تبدل للاحسن

وبغيتكم اخواتي تحافظو على هاد التجمع سوا بقينا ولا لا وتعتبروه كصدقة جارية فيه الخير للجميع وتعتبروه كبادرة تفريج كرب عن مسلم مع اخلاص النية والاحتساب

ربي يتقبل منا اجمعين وربي ييسر امرونا اجمعين وربي ينصر امة الاسلام والمسلمين يارب

اشددن الهمة أخواتي

رابط المسابقة هو الذي توضع فيه التقارير والبطاقات ممنوع الدردشة وممنوع وضع التقارير اليومية ديال الواجبات او البطاقات هناك

هذا رابط الجزء الاول من المسابقة

https://www.anaqamaghribia.com/vb/sho…d.php?t=409417

هذا رابط الجزء الثاني من المسابقة

https://www.anaqamaghribia.com/vb/sho…d.php?t=420743

واضافة اخيرة من عندي

يلزم كل اخت يوميا تحط تقرير ديال الاكل باش نبقاو نصححو لبعضنا ضروري وللتشجيع اكثر

بالتوفيق حبيباتي