السلام عليكم ورحمة الله وبركاته
بسم الله الرحمن الرحيم
الحبيبات الانيقات الغزالات مدة ظ‡ط§ط¯ظٹ و انا ديما كنمر من قسم السمنة و النحافة و ديما كيثير انتباهي مواضيع عن بنات و نساء يحاربن من اجل بلوغ الهدف و الهدف تيكون اما الرشاقة او محاربة النحافة
قصتي كالتالي انا الحبيبات كنت اسمن بنت ف الطفولة ديالي و حتى المراهقة دوزت اتعس ايام حياتي كانت في الابتدائية و الاعدادية و السنة اولى و ثانية ثانوي البنات كلهم كانو يلعبو كيف بغاو يتحركو كيف بغاو يلبسو كيف بغاو انا ديما كان عليا نتحرك بالقاعدة و نجلش بالقاعدة و مع دلك كنت كنثير انتباه الاخر
المهم الحبيبات من الابتدائي للاعدادي سنة اولى اعدادي شافني مدرب ديالي قالي عندك فورما ديال دوك الحداده نيت ختكم فاخرة بزاف اوى شدني بدى يدرب فيا بحال دكشي ديال غاديا ngagé الحرب كتنوض ف الكوليج و يغوت انا كنت حمقى كيسحابلي غاديا نضعاف اما انا عطاني نظام غائي كيزيد يفورمي و الحديد يوميا اوى ختكم ولات شوهه راه الغلض فيه و فيه انا وليت دري كيتمشى ف الكوليج لدرجة اللي مسمعش صوتي و شافني كيتخلع مني بديك القلده حتى من البنات كانو يتحاماو فيا مع 6 منين يكون الضلام اوى الحبيبات ديالي دازت عليا و مالين الدار كيغوتو عليا و العائلة كلهم ماكينش اللي مهضرش اوى السنة الثالثة اعدادي بديت نشارك ف les compitions ديال lancer du poids /disc et javlot بيني و بينكم عجبني الحال بزاف و ليت كنحس براسي معروفة و مدربين كلهم يبغيو يدربوك نسيت راسي واش غليضة دخلت عالم فيه غير اللي بحالي و ليت عايشة عالم بوحدي يعني بكلمة اخره صنعت لراسي عالم في اولى ثانوي خديت بطلة ديال المغرب في الرياضة ديالي و كدلك ثانية ثانوي و عاد السفر كل مرة ف مدينة ثالثة ثانوي قاليك غاديين يختارو 2 يمشيو الدزاير بطولة ديال افريقيا كنت انا منهم صاوبت باسبور ديالي و كلشي عرفتو اش وقع ف المقاطعة سمعت كلمة غيرات حياتي كلها اقسم لكم بالله الى ملي كنتفكر الموقف كتجيني البكية واحد خيي لاح ليا الكلمة ف ودني قاليه اي شوف اصحبي دايره كي الحيط ظ‡ط§ط¯ظٹ راها طيح الطيارة بعباد الله محملتش راسي مشيت تخليت على كلشي قطعت الصلة ديالي بالفريق ديالي و بالعاب القوى مع العلم كنت كنوزن 117 و انا ديك الساعه باقى عندي غير 18 سنة اوى تخيلو
صافي جلست ف الدار واحد الاسبوع حتى تلاقيت بواحد الاخ كان كيطريني معانا ف نفس الفريق غير هو كيدير الجري قالي شوفي اختي نتي راكي سبور و راه هاد كحل الراس غير تيضحكو علينا نهار الطيحي ماكاينش اللي يقوليك حتى تفو عليك هاكي باش تشري الدوا لقيت كلامه على الصح اوى و بديت الحبيبات مسيرتي مع الضعف ما قلت لحتى واحد راني باغيا نطيح تسجلت ف صال ديال ايروبيك و فنفس الوقت بقيت شاده ف الحديد على ود الترهلات مشيت قلبت على نظام غائي كينقص بالزربى بديته دازت عليا و لكن الارادة هي كلشي بديت واخا غليضة نتخشى مع المدربة و نتسنطح و نسول و نجري هنا و هنا يوميا الرياضة بعد مرات كنلعب سبور 4 سوايع ف النهار اوى الغزالات طيحت من 117 ل 75 في 3 اشهر 
سمعت بلي كاين شي سطاج ديال ايروبيك بيه تقدري تولي مدربة مشيت حفضت حتى انا مع المدربة ديالي مشيت سطاج خديت دبلوم ديالي و الحمد لله اللي وريت ليه الصور ديالي كيف كنت كيتعجب والله و حتى العيالات اللي كانو عندي فاش كنت مدربة دارو العزيمة و كلهم تبارك الله الرشاقة ختكم دابا حبست التدريب وليت كنطريني راسي حيت عرسي قرب 
ف 1 شهر 5 دعيو معايا الحبيبات راه فيا الخللللللللللعه خخخخخ
اللي بغات اي مساعدة والله حتى نعاون باللي قدرني عليه الله انا بعد طھط¬ط±ط¨طھظٹ ظ‡ط§ط¯ظٹ وليت عايشة غير باش نعاون الناس اللي سمان رجال و لا عيالات عندي كيف كيف خص غير الارادة تصنع المعجزات
البنات اللي باغيين ينقصو و الله حتى كون شفتو كيف كنت و كيف وليت تخلعو دابا وصلت 70 اللي هو الوزن المثالي الحمد لله
و كنتمنى التوفيق لكل الانيقات
احبكن في الله
gfkhj hgsldkhj d]og, dslu, j[vfjd lu hgslki 11 skm ih]d
الله يبارك فيك و يناولك ما تمنيتي
يسلموووووووووووووووووووو
الحبيبه امة الله الريجيم اللي كنت عامله هو قاسح لكن عن تجربة كيضعف خصوصا اللي الوزن ديالو فايت 90 كنتمنى نعرف الوزن ديالك من بعد نعطيك الريجيم اوكي
تبارك الله عليك وعلى رشاقتك تاعقبا لنا جميعا