قتلني الوجع ماعرفت ماندير ليه

عافاكم البنات راني ما خليت لا عشوب ولا دوا وااااااااالللللوووووووووو الجناوا كنحس بيهم فكرشي فيدوني الله ينقي طريقكم من الشوك

---

rjgkd hg,[u lhuvtj lhk]dv gdi

لابأس عليك أختي. واش لوجع دالدورة؟ أنا ألى كان فيا كناخد شوية من عواد القرفة و شوية من القرنفل ماتكريش، كنديرهم في شي بريق أو براد مع كاس دالماء أو ندرهم إطبخو فوق العافية،كنخليهم شوية جهد لي نولي قادرة نستحمل السخونية في الفم يعني مايبردوش،كنشربو. أو كنتغطى أو نلبس مزيان حيث البرد كيزيد لوجع،كلما سخنتي داتك كلما مشا لوجع. نتمنى الوصفة ديالي تفيدك. خاصك تحتي من البرد طيلة الشهر،أو بعدي على الماء البارد في الوضوء. الله إشافيك أختي.

القرنفل صاين أو متكتريش.را كتبت غلط حيث ماعنديش كلافيي دالعربية. أستسمح

لهلا يخطيك الحبيبة غادا نوض دابا نجرب الوصفة ديالك الله يجعلهالك فميزان الحسنات

و حيت وصيتيني نسخن لبست زوج سراول و زوج تقاشر او عمرت قرعة بالماء سخون درتها على كرشي و فعلا الالم نقص مشكورة اختي على الوصفة و النصائح الله يرحم ليك الوالدين

اختي الله يشافيك فعلا كيما قالت الاخت القرفة مزيانة ودفي راسك مزيان حيت البرودة كتزيد الوجع

شكرا جزيلا اخت نسمة ورد علي الرد الله يجازيك بخير

آمين ألحبيبة ديالي.الله إجازيك كل خير على الدعيوة ديالك.الله إطولي عمرك. كنتمنى تفيدك الوصفة ديالي.

g

والله يا ختي ايلا عتقتيني الله يعتقك من النار و يرزقك الجنة الحبيبة

ههههههه.لبسي أختي وتدفاي،راه الرسول عليه الصلاة والسلام قال نحاربو البرد كيف كنحاربو العدو.أنا كنلاحظ ملي كنفرط،كيقبطني لوجع، أو ملي كنحاول على راسي ونرد البال من البرد،الحمد الله كيكون قليل. الله إشافيك أختي، فرحتيني حيث قلتي نقص. الله إعافيك