السلام عليكم البنات أنا محتاجة مساعدة ديالكم عندي شي أسئلة حولة العرس محيراني وخا نتوما متأكدة غادي تجيكم أسئلة غبية وبايخة ولكن بالنسبة ليا أنا والله مدوخاني حيت مع الأسف فعائلتنا معدناش خبرة في العراسات حيت أنا أول حفيدة غادة تزوج في العائلة عاد زاد كملتها عائلة راجلي ماشي مغاربة شرقيين وعداتهم مختالفة علينا بزآآآآآف يعني حتى هما ماعندهم فاش ينفعوني راني متوكلة غير على سيدي ربي وعليكم نتوما ط§ظ„ظ„ظ‡ يجازيكم بالخير لكل بنت مسكينة جاوباتني ط§ظ„ظ„ظ‡ يعطيها كل ماكتمنى يا رب
السؤال الأول : بالنسبة لصحاب الهزة ديال العمارية يعني دراري لي تهزو العروسة فوق العمارية وتطوفو بها واش هما تجيو مع نكافة وداخلين فالحساب مع النكافة؟ ولا هما فرقة بوحدهم خاصني نشدهم بوحدهم ؟ واش دراري لي تجيبو الدفوع والدهاز ديال العروسة وتدخلوه القاعة واش هما نيت الصحاب الهزة ديال العمارية ولا هادوك فرقة أخرى خاصة غير بالدهاز ؟
السؤال الثاني : واش خاصني نقول نكافة تمشي معايا الصالون ؟ حيت أنا شفت شحال من عروسة ملي كتجي من الصالون كتكون لابسة لبسة الأولى وكدخل مباشرة القاعة مافهمتش واش كتمشي معاها النكافة لصالون وكتلبسها تما اللبسة الأولى ملي كتسالي المكياج ولا حتى كاتسالي العروسة من الصالون عاد كدوز لمحال ديال النكافة وتما كتلبسها ؟ ولا حتى للدار ؟
السؤال الثالث : أشنو كتلبس العروسة في رجليها؟ حيت أنا جاب ليا راجلي واحد سباط في البيض غزآآآال ديال العريسات وصواري وكنت معولة زعما لبسو في الآخير مع لاغوب ولكن قبل ماعرفت شنو لبس مع التكاشط واش لبسو هو نيت وخا بيض ؟ ولا خاصني لكل لبسة الصباط يجي معاها ههههههههههههههههه
السؤال الرابع ولي أكيد غادي يجيكم غبي ولكن أنا بغيت نتأكد منكم قبل منمشي لعند تريتور ويشوفني ماعرفاش ونصب عليا المهم بالنسبة لسربايا واش داخلني مع الحساب ديال تريتور؟ ولا هما خاصني نخلصهم بوحدهم ؟
الله يجازيكم بالخير جاوبوني راه ربي العالم قداش محتاجة مساعدة ديالكم راكم عارفين النكافة والتريتور كيفاش تنصب على بنادم لي عارفنو ماعندوش خبرة وشكرا لكل البنات لي ط³ط§ط¹ط¯ظˆظ†ظٹ ط§ظ„ظ„ظ‡ يفرحكم ويحقق كل ظ…ط§ظƒطھظ…ظ†ط§ظˆ يا رب
fkhj hglyvf shu],kd hggi du’d;l lh;jlkh,
أختي سهام الله مبرووك وألف مبروك عليك
أنا غادا نفيدك بداك شي لكنعرف ومن خلال تجربة أختي وبعض الصديقات.
أختي هادوك ديال الهزة ديال العمارية أغلبية كيكونوا شي واحدين مع النكافة وبعض المرات كيكونوا البعض منهم سرباية في نفس الوقت.دابا نتي شوفي النكافة في الأول وسوليها واش عندها ديال الهزة ديالها حيت ضروري منين غادي تبداي تقلبي عليهم حتا هما .
أما أختي بالنسبة للتريتور ممكن تلقاي معاه السربايا ممكن يكونوا هادوك ديال الهزة نيت .
بالنسبة الناس ديال الدقة هادوك بوحديتهم .
المهم من تشوفي النكافة وتريتور سوليهم مزيان وحطي النقط فوق الحروف حيت أختي الله يهديهم إلا مارديتش البال ،بنادم كدير مابغا (حيت مع أختي داروا فينا النكافة وتريتور مابغاو .)مابغيتش نخلعك غير بغيتك تردي البال .ومن تفاهمي معاهم على التاريخ ديال العرس وتعربنيهم كتبي داك شي في شي أجندا والباقي دري كل واحد في ظرف وكتبي فوق الاسم ديالو مثلا :النكافة:……….درهم،التريتور :….درهم،المصور…………..
*بالنسبة للبسة الأولى على حسب كينا لمن كدير المكياج والمشطة كتلبس عند الكوافورة كيبقا غير شي مسائل بسيطة،كينة لحتا القاعة عادا تلبس ،شوفي مع النكافة.
بالنسبة للأحذية ولا صنادل ولا بلغة كتديهم معاك دياولك وكتبقاي تلبسيهم على حسب اللبسة .
المهم تشطري وحاولي تظبطي أمورك ويمشي معاك شي حاد كبير حيت أنا أختي مشات غير بوحدها معا راسها قاصح الله يهدها وقصحوامعاها،وحاولي تشوفي شي جوج أو ثلاثة باش تكون عندك حتا فكرة على الأثمنة وكذلك السمعة الطيبة ديال النكافة وتريتور،والله يكمل عليك بخير ويسهل أمرك حتا دوز أمورك كلها بخير
نتمنى نكون فدتك شوية وإلا محتاجة شي مساعدة أنا رهن الأشارة.
غير دعي معايا حتا أناربي يسرلي أمري ويكمل ليا ربي أمر زواجي على خير.
وها واحض زغرودة واخا راني زرقة مانعرفش يويويويويويويويويوويوووووووووو