عرس تطواني من الخطوبة لنهار العرس تقاليدنا وعادتنا .

أهلا وسهلا أنيقاتي العزيزات اليوم بغيت نعاود لكم على تقاليد مدينتي تطوان فيما يخص الأعراس
نبداو على بركة الله
بالنسبة للخطوبة ككون فيها غير عائلة العروسة والعريس جلسة عائلية كجيب فيها العروس شي هدية للعروسة والحلوى وبوكي د الورد العروسة شي برفان مزيون وسباط وصاك…وتفصيلة د الثوب د جلابة ودتكشيطا…كتلبس شي حاجة سمبل عادية قفيطن يكون متول وعادي…وناس العروسة حتى هما كوجدو حليوات والعشا وفهد الأمسية كتافقوا على جميع التفاصيل د العرس…
ضرب الصداق…شحال هدي كانو كعملوه حتى يقرب ط§ظ„ط¹ط±ط³ وكجو العدول لدار يكتبو الكاغط ويحتافلو بنتهم ككون ط§ظ„ط¹ط±ط³ قريب…
أما مؤخرا رجع ضرب صداق ككون حفلة كبيرة…العروسة كتلبس اللبسة الأولى كتكون عبارة عن تكشيطة وكعلقولا جوهر ولكن غير خفيف ماشي بحال د العرس…كتبرز البرزة الأولى…والثانية كتلبس فيها كسوة بلنكاصي ولا غوز ولا أي لون كتختارو هي…الكسوة كتكون سامبل ماشي بحال د العرس…وهنا كعلقلا العروس الذهب لجابلا…
في ضرب الصداق كجيبو ناس العروس الحنة لكتكون مزينة في إكسسوارت خاصة…وكجيبو الهدايا لكقدمو للعروسة وكلشي كتنزل في أواني خاصة وكبقى باين للحضور…
بالنسبة لضرب الصداق ككون غير الحلوات…وتارت…مكتكونشي العشا…
دابا ننتقل للعرس للككون 3 أيام…
اليوم الأول يسمى بالنقيش…في صباح د هذ النهار كتمشي لعروسة وصحاباتها وبنات العائلة للحمام بالزغاريد والصلاة والسلام…من بعد مني كجو في عصر هذ اليوم كتجي النقاشة تنقش الحنة للعروسة في يديتها ورجيلاتها والبنات كصلو على النبي ويغنو ويشطحو…ومني كتسالي النقاشة كنقشو البنات لكبغو الحنة في يديتهم…في هذ اليوم كتلبس العروسة قفطن أبيض خاص بالحنة…كاين لمخدوم بالصقلي..وكاين لمطروز بالطرز الفاسي أو الرباطي…وكتلبس في راسها فلار د الحياتي…مكتعملشي المكياج نهائيا أو غير كحل بلدي…

اليوم الثاني كتسمى النبيتا فيه كتعمل العروسة الفال…يعني كتجي أخت العروسة أو شي بنت خالتها أو عمتها…وكتعملها شوية د الحنة في أطراف أصابعها في أجواء مهيبة وكتغنى أغنية خاصة بهذ المناسبة العروسة كتبكي وكلشي كبكي معاها كتكون لابسا نفس اللبسة د النقيش…وككون الردا مطيح على راسها…البنات صغار هازين الشميعات…مني كتكمل مراسيم الفال كتشطح أخت العروسة بالصنية للكون فيها شمعات حنة وبيضة ودملج من الفضة وسبنية د سويسا مفرشا فيها…
من بعد كتعمل للعروسة الشدة التطوانية وكتبرز
اليوم الثالث ككونو فيه غير النساء…وكنسموه الظهر…كبدا الإحتفال منذ العصر كتكون فرقة جوق نسائية كتغني في الأول أغاني تطوانية وأندلسية وكتلبس العروسة أول لبسة تسمى التطوانية…كتكون مزينة بجواهر كثيرة…ولباس تقليدي جميل..المهم في هذ اللبسة لابد متكون العروسة حادرا عينها مخصهاشي تعليهم أو تبتسم كتمشي بوقار وتجلس وهي محدبا في عينا حتى تمشي…

اللبسة الثانية كتكون بيضة وتسمى الأميرة…مؤخرا مبقاوش كلبسو الأبيض رجعت ألوان أخرى بحال الأخضر والأزرق والأحمر…المهم على حسب ذوق كل وحدة في هذ اللبسة كتكون العروسة مبتسمة وكتشوف في الناس وتشيرلوم وتترحب بيهم…وبهذ اللبسة كتركب العمرية…وكدخول العروس مع عائلتو في وسط الزغاريد والصلاة والسلام على رسول الله…كجيبو بوكي ورد…كحطو وكسلم على العروسة بقبلة في الجبين…ومن بعد كتصعد العروسة للعمارية…وترمي الحلوى والورد على الناس…

​صور مخالفة

واللبسة الأخيرة هي الكسوة د الخرجة…كتلبسها مني ككون قريب يخرجوها…كقطع بها التارت ودابا رجعو كرقصو هي والعروس على إيقاع أغاني عاطفية…
بالنسبة للأكل مككونش في الظهر…كفرقو الدراجي ودابا كاينين بأشكال وألوان مختلفة كل واحد على حسب إمكانياتو…ثم المالح…(مني بيتزا…بريوات د الحوت أو الدجاج…سكار بالجبن…)مع العصير…ومن بعد في اللبسة الثانية كفرقو الحلوى وأتاي…هذا مكان…
إوا هذا هو ط§ظ„ط¹ط±ط³ في مدينتي مرحبا بيكم جميع…وكنتمنى منكون نسيت والو…

---

uvs j’,hkd lk hgo’,fm gkihv hguvs jrhgd]kh ,uh]jkh>>> lkihv yv. ,uh]jkh

تقاليد مختلفة شوي عالعادي وخصوصا في الأكل هههههه.
شكرًا أختي على الموضوع.

ههههههههههههههههههه ييه لا غلا على مسكين…حنا العروس هو لكتكون عندو البوجة بامكلا…اما البنت عندها غير حليوات والله يجعل البركة

تبارك الله على تطاونية ديالنا

شكراً لك سبقلي حضرت عرس ف تطوان او ملي دخلت لعروسة مهزش عينها مافهمت والو كنقلهوم مالها حشمنة والله هههه galoli لا لعروسة خصها تبقى حضرة عينها عاد فهمت
او هدرت عرس ف طنجة عادات كتبنلي بحالكم إلى مكدبتش ههه أنا من Nador او لعادات ديالنا بوحده
شكراً على لموضوع

الله يبارك فيك الحبيبة…واش حتى نتنا تطوانية؟

مشكوووورة اختي انك عرفتينا على تقاليدكم

ههههه وهانتنا كتشوف خصك تحدر عينك وإذا هزيتهم يقولو هد العروسة خفيفة…زعما اللبسة الأولى خصها تكون فحال حشمانة وهذو تقاليد ونتوما كفاش عندكوم التقاليد في الناضور…كنسمع ألعراس ديالكوم مزيونين كبقو 7 ايام واش بصاح

العفو ازين حنا هنا غير باش نتعرفو على تقاليد مغربنا الكبير ونتبادلو الأفكار…العرس المغربي تبارك الله غزال…غير هو كختلف من منطقة لاخرى وكول منطقة كتميز بشي حاجات كتخليها مختلفة….مشكورة على المرور العطر

أه