نتي مع العرس فدار او القاعة

---

kjd lu hguvs t]hv h, hgrhum ,fd

انا شخصيا كنفضل عرس ديال قاعة ماكتكونش روينة وتمارة بعكس دار كيبقى شي داخل شي خارج وتبقاي محيلتك لدار ما حيلتك لعرس هذا رائي

أختي والله اتى لعرس فدار ماكين فحلوا أنا درت عرس بسيط او كيكونو غي حبابك او حباب لعريس والله اتى دز حلو او زوين او مكتخسرش فيه لفلوس بزاف دكشي كيكون متول او مكتحسش براسك غريبة حيت كيكون فدارك لمولفة او كتبقة دكرى زوينة كتفكري فيها لبلاصة لبرزت فيها ، او مكيكونش قوة بنادم لغي زايد او مكيبغش لك لخير بغي غي تبركيك، او كل وحدة او شخصيتها ،كين لكاتسنا داك نهار بش تفرح براسها او يشوفها قاع ناس او كين لفحالي كتبغي لبساطة او لمهم هو لفرحة ديال داك نهار مشي لكبر ديال لعرس ،تقبلي مروري حبيبتي

شكرا على رد ديالك أحبيبة

حتى أنا معك فهاد شي والعروسة براسها كتحس بالمكان غريب عليها مكتكونش مرتاحة بحال فدارهم

أختي لمهم هو تبداي لحياة ديالك بلحب او تفاهم مع راجلك او بلا كرديات، حيت الأغلبية ديال ناس دبى والله اتى كيقجو راسهم بسلف او ف الأخير هدكشي لكيدير لهم مشاكل من بعد فحياتهم او كينغس عليهم حياتهم ،أنا كنقل لي عندو الله يزيدوا يدير عرس تا ف تيران ،أما لأغلبية راح غي كيتعلقو فن يتفلقو ،حتة كتلقي لعائلة كلها معصبة نهار لعرس أو كلشي مكلف راسو فوق طاقتها ، قليل لكتلقيه ناشط أو ولينا كنشوفو ناس مساكن تلفن ،نص ديال لحضور مكتعرفهوم غير قوة جار او مجرور ،او ف الأخير كيقولو لعجب على لعرس ديالك ،أختي المهم فزواج هو لفرحة او الإشهار او أنا كنضن أن لعرس فدارك بن حبابك يفي بالمطلوب ،

انا كنفضل العرس في الدار
مكينش احسن من التقاليد الوالدة مرة مرة طل على الطيابات ههههه و العائلة خارجة داخلة كتحسي بالعرس
من جهة اخرى العرس في الدار اقتصادي جدا و ممكن انك تمنعي الاختلاط حيت القاعات كيكونو الاغلبية مختلطين ماشي بحال الدار الرجال بوحدهم و النسا بوحدهم
انا درت عرسي في الدار و سبق ليا حضرت اعراس في القاعة و معجبونيش الحقيقة مكينش احسن من اعراس المنازل جيرانك و احبابك

أنا أختي غادي نديرها ف دار, القاعة مكنرتحش فيهم كولشي كيدخول من طرف أو كيكون الملل

انا بعدا كانبغي العرس يكون ف الدار اللهم ولا خسارة الفلوس و الملل ديال القاعة و دعيو معيا يجيب لي ربي شي ولد الناس قبلاتي لكم

أنا ره حضرت العرس 2 خواتات دارو فنفس سيمانة لولة درت فالقاعة و لباسي ومع ذالك كلشي طلع باسل وختها دارت فدار عرفتي ناس بقاو كيهضرو على عرسها فات غزال وأنا معنديش فكرة القاعة غادي ندير فدار ودعيو معايا والله يسهل على كاع البنات