خويا بغا اخطب اجي عاونيني اختي العضوة

السلام عليكم خواتاتي العضوات……
خويا صغر مني بغا اخطب انشاء الله…………بغا ايدير خوطوبة رسمية…
اوكلفني انا نشري لو اللوازم ديال الخطوبة………
اوا غنقوليكم شنو شريت ويلا خاصة شيحاجة فكروني فيها الله يرحم بيها الواليدين……..
هادشي والله حتى كيتلف…….
بسم الله…..
خديت ليها لبيجامات………….كاينين ليبسراولهم كاينين ليعاديين……..
خديت ليها الفولارات…………4
ليشوميز دو نوي………….5
سلة عامرة بليبغودوي ديال ايفغوشي…………والعطور…
بانتوفة………….
فكرت ناخد ليها ش ثوب ولكن ماعرفت واش ناخدوه دابة ولا حتى لصداق……….
كومنديت عتلى بوكي ديال الورد………..او كارطونة ديال السكر………..
او الدهب هو والخاتم قلنا لو حتى لضريب الصداق……….انشاء الله………
اما بالنسبة لباها ومها واش كاياخدو ليهم شي حاجة ولا ماشي دابة………..
ساعدونيييييييييييييييييييييييييييييييييييي عافاكم…….
وشكررررررررررررررا

---

o,dh fyh ho’f>>>>>>>>>>>>>>>>>>>>>>>>>>h[d uh,kdkd hojd hguq,m ho’fh[d

أختي خذي لأمهآ شي كووولووونيه تكووون غزآآآلة من عند إيفغوشي ولبآآآهآ مآيحتآآآآجشي هآدي غير خطووووبة وشي طووورطه صغيييره تكووون همآوية هآدي إختيآريه وتبآآآرك الله عليييك والله يكمل بالخييييير

ربي اخليك لهلا اخطيك

أختي كل منطقة و العادات ديالها دي معاك الحنة التمر الحليب خودي ثوب جلابة بلغة الفواكه الجافة الكركاع اللوز

بقالك الصباط والصاك وتقطيعة الجلابة وتقطيعة ديال اللبسة
وماماها خديلها شي تقطيعة دالجلابة او عطر
وباها بلغة وصاافي كنضن

كل منطقة و عاداتها
هههههههههههههههه في خطبة اخي ما دينا لا حوايج و لا والو غير براسلي ديال الدهب و خاتم الخطوبة وتفصيلة طورطة مكتوب فيها مبروك الخطوبة و اسفلها اسم الخطيبين و مشموم الورد كبيرو الحنة في كمامس و الحليب و التمر معمر بعقدة اللوز و 3 بلاطوات من الحلويات مشكلة و ليدراجي فيهم بطاقات مكتوب عليهم تاريخ الخطوبة و اسمي الخطيبين === هادشي لي عقلت عليه ههههههههههه
الى لقيت الصور ننزلهم ليك و هاد شي لي قلت ليك عليه ديال ناس اسفي هكدا الخطبة ديالنا الرسمية لاهل العروس
الله يكمل بالخير و عقبال العرس ان شاء الله و الله يكمل على البنات كاملين

شكررررررررررررررا لجميع العضووووووووووووات لهلا اخطيكم

أمين ياربي شكراااا بزاف

ماتنسايش لحليب و الثمر و شي بلغة لباباها و لماماها شي شربيل و هي خودي ليها شي تفصيلة باش تلبسها فنهارها و مادام هذه غي خطبة ومافيهاش تركاب لخواتم او اي حاجة من الذهب خودي ليها شي ساعة تكون مارك زوينة كافية… هدشي لي وليت تنشوف الناس تيديرو دابا .. والله يجعل الخير و البركة