شحال كيدير دمليج الدهب فيه 22 غرام

السلام عليكم ورحمة الله وبركاته
بغيت نعرف ط´ط­ط§ظ„ ظƒظٹط¯ظٹط± ط¯ظ…ظ„ظٹط¬ ط§ظ„ط¯ظ‡ط¨ فيه 22 ط؛ط±ط§ظ…
والله يجزيكم كل خير

---

aphg ;d]dv ]lgd[ hg]if tdi 22 yvhl wdhl uvhl

اختي الدهب حسب سعر اليوم و حسب اشمن عيار يعني 18 او 21 او 22
زائد كيزيدو عليك التصنيع دياله
و كاين موديلات كيحسبو حسب الشغل لي فيهم

ادا لازم انتي تنزلي عند الدهايبية و تعرفي شحال الدهب فداك النهار و اختاري الموديل و شوفي شحال يقدر يحسبو ليك
و الله يسخر

شكرا اختي على الرد ديلك
انا فالغربة وكنت شريت هدي عام دمليج فيه 22 غرام ب مليون و 1000 درهم وبغيت نعرف واش تمانو هو هداك ولا غلا عليا

علاه بشحال حسب ليك الغرام و اشمن عيار ما عرفتش جاني غالي شويه و لكن راه حسب الموديل و الخدمة و شحال من حاجة
المهم انا 5 سنين هادي خديت 3 براسلي فيهم 30 غرام ب 6200 درهم
ممكن نهار ان شاء الله تنزلي للمغرب سيري عند مالين الدهب دوري عليهم و شوفي شحال يجيب

اه اختي حتى انا استعجبت ولكن راه حتى جيت لداري عاد ضربت لحساب جاني غالي
عيار 18 ودابا انشاء الله نحط تصويرة ديالو

عيار 18 يعني اقل حاجة على قبل عيار 22 هو اغلى حاجة
غير الله يحفظك بلا ما تحطي الصورة دياله على قبل ممنوع وضع صور المجوهرات شكرا لتفهمك
المهم انتي المرة الجاية ردي بالك و سولي مزيان و شوفي شحال من دهايبي قبل ماتشري و عرفي كيفاش الدهب كيتشرى و اشنو المعيار و كلشي

بصاح ممنوع ؟ مزيان مين علمتيني
لي شريت عليه كان يحلف ويعاود ومعروف عدنا فالمدينة لكنسكنو ومين مشيت لمدينة اخرى سولت واحد مول دهايبي كان عندو نفس دمليج لشريت وسولتو على الثمان قالي مليون و6000 درهم يعني زايد على لي شريت 5000 درهم و حرت حتى نهبط ونعاود نسول
شكرا لهتمامك اختي قلب الحنين

يه اختي ممنوع و انا لغادي نمسح ليك الصورة ههههههههههههههههههه
اوى هانتي طمنتي انا الثمن مناسب اوى بصحتك و ماتبقاي شاغلة راسك بالموضوع
و المرة الجاية ان شاء الله سولي مزيان فالنت و فارض الواقع عاد توكلي على الله
و بالصحة و الهنا عليك

حتى انا بحالك خديت واحد السلسلة هد الايام فيها 7 غرام على ماقال ب 3700 درهم ومين جيت للدار عاد ضربت لها الحساب ورجعت لعندو سولتو شحال حسبتلي للغرام قالي حسبت لك جوايه 520 درهم للغرام قلت لو بزاف قالي راه الدهب كيتباع على حسب الموديل كل واحد وثمنو وسولتو على ثمن البيع قالي مين تبغي تبعي الثمن كيتساوى بحال بحال ايوا ياختي مشيت ساوت عند صياغة خرين لقيت المفاجاة بحالها باقل ولكن الدهب الاحمر انا لي خديت اصفر قالك اسيدي الدهب الاصفر غالي على الاحمر والله اعلم ولقيت شي موديلات من القدام خواتم براسليات سلاسل الثمن اديالهم ظايح بزاف مقارنة مع الموديلات اديال اليوم ادا شي وحدة فيكم كتفهم في هد شي تفيدنا واش هد شي صحيح ولا لا راه اختكم مفقوصة بغيت كاع ندير كروا روج على شريان الدهب .

صراحة دهب غلا بزاف و أنا هاد الأيام باغة نسفت ل دارنا ل فلوس يشريو ليا شي دهيب زعما إلى كان تمن تاح ولكن بان لي ما تاح والو هههه صاحبة الموضوع سارحة جاني دبليج ديالك غالي بزاف ولكن راه كيف قالت الأخت شوفي الخدمة تاني واش كاتستهل راه ماشي خدما ديال دهب كاملة بحال بحال بسحتك و الله يمتعك بيه