شعري خفيف في مقدمة الرأس

أخواتي الله يخليكم عندي مشكل فشعري خفيييف القدام شنو يمكن ندير باش يقوى وينبت الشعر و يكون عندي غرة كثيفة و عامرة ،خصوصا أنو عندي الزغبة رقيقة ،عفاكم متبخلوش علي بتجاربكم و حلول
و جزاكم الله خير

---

auvd otdt td lr]lm hgvHs

اختي غنقولك وحد الوصفة انامجرباها واختي حتى هي روووووعة

غير هي شوية تتشوك الشعر ولكن مفيدة

ااشدي الصبار او الصابرة وتزولي منها الشوك من الجناب وتقطعيها طريفات صغيورين او دقيها شوية وزيدي عليها زيت الزيتون وردي كلشي اغلي شوية في حماما مريم غير شوية وزوليها وخليها ليلة كاملة والصباح صفيها واحتافظي بديك الزيت وتبقاي تدهني شعرك 3 مرات في الاسبوع خليها من ساعة او 2 وغسلي شعرك

والله اختي الا من بعد 2 اسابيع فغتبقاي تشوفي الشعر تينبت لك
وكلن تبعيها

الصابرة مشي ديال الهندية لا الاخرى

السلام اختي الصبار كيما قالت الأخت مفيد للشعر الخفيف و لكن ما تنسايش كل وصفة خاصها مداومة يعني النتائج يالله تبدا تبان خلال شهر
المهم بالنسبة ليا انا ممتوفرش عندي الصبار كنستعمل القطران الرقيق مع الزيت(بالنسبة ليا كنعمل زيت جوز الهند بلاصت زيت العود) و كندفيهم في حمام مريم و نشقق بيه مزيااان الجذور فقط مع التدليك و الحمد لله دبا شهر و اسبوع تقريبا كيبان ليا شعيرات صغااار نابتين
كنديرها 2 مرات في الأسبوع
هادي تجربتي لاحقاش حتى انا كانت عندي مقدمة فيها الشعر خفييف و هادشي من كثرة السيراميك
و نزيدك هاد الوصفة كتغلظ الزغبة
و الله يشافي

أختي الغالية الله يجازيك كل خير على هاد الوصفة ،إن شاء الله نجربها بارك الله فيك

جزاك الله خيرا أختي الكريمة على ذكر تجربتك و على الدعوة الحلوة اللهم آمين

Up

ام هيثم درتي هادشي الي قالوا ليك زعما واش جربتيه

اختي واش ممكن تصوريه لينا الله اعطيك الخير حيت معرفتوش