عفاكم الشيب قهرني؟ شي حل !!

---

uth;l hgadf rivkd? ad pg !! hg.dj

اليوم وصفة غزالة كتيرلشيب
المقادير
الشاي الاخضر بمعدل قبضة يد
البابونج بمعدل قبضة يد
الحناء حسب حجم الشعر و طوله
الماء ساخن
الطريقة
ناخد الشاي نضيف اليه كاس ماء ساخن ونضعه في اناء محكم الغلاق كدلك بنسبة للبابونج
حتى يصبح عندنا منقوع الشاي والبابونج
نخلط الحناء بمنقوع الببوتج والشاي ونضعه على شكل قناع لشعر لمدة20دقيقة تم نغسل الشعر نتمنا تجربوهاوا لابد الحنا سمحيلي

شكرا أحبيبة على رد ديلك ، الله يعطيك متمنتي ف خاطرك ، غي نت مقولتيليش شنو لون لغيباًن منن غنديرة ؟ وواش مجربها ؟
الله يبارك فيك

أنا غدي نعطيك واحد الوصفة
أنا مجربتهاش ، بالحق أختي كان شعرها زعر
وملي بدات كتديرها ولا بني غامق
كنتوقع أنها تقدر تنفع حتى الشعر الأبيض

قرعة صغيرة ديال زيت آملا
فنجان صغير ديال القطران الخاص بالشعر
3معالق كبار ديال السانوج مطحون
3 معالق كبار ديال عظم التمر محمص ومطحون
و فنجان زيت العود
خلطتهم مزيان ودرتهم فقرعة
و منين كانت كتبغي تدهن بيهم كانت كتمخضها مزيان
وكتشق شعرها كله بيه حتى كيولي مغتر يعني تيقطر
و تنعس بيه ، و الصباح كتغسلو

انتي يلا كنتي مزوجة ومقدرتيش تنعسي بيه
ديريه من الصباح و خدمي شغلك و في العشية غسليه
على الأقل خص يبقى فشعرك 4 سوايع
اختي كانت تديرو 3 مرات كل سيمانة حيت شعرها طاح كلو وبغاتو يخلف دغيا
و ما شاء الله خلف و طوال شوية .

وصفة أخرى كتخلي الشعر كحل

خذي أوراق شجر الكركاع
جمعيهم ما بين 1 و 15 من شهر 7
لأن هذا هو الوقت اللي كتكون فيهم الفوائد بزاف
يبسيهم في الظل
وطحنيهم مزيان وديريهم لشعرك بحال الحنا
خليهم الوقت اللي تقدري عليه ، اكثر من 4 سوايع
وغسلي شعرك عادي
وراها مزيان حتى لجلدة الراس كتخليها متينة و كتقلل من تساقط الشعر.

دابا نشوف لك وصفات أخرى فموسوعة الدكتور جابر القحطاني و نكتبها ليك

ايوا دعي معايا يشافيني ربي و يسهل عليا

أي سؤال لا تترددي

كيولي الشعر عسلي مجربها الام تاعي

السلام عليكم ورحمة الله وبركاته
الله يشفيك أحبيبة و- يسهل عليك ماصعاب قولي أمين

امين وجميع المسلمين

أختي والله دخلت على قبلك حيث عارفة واحد الوصفة ساهلة ومن خبيرة تجميل واخى أنا عمري ما جربتها حيث باقي ماوصلنيش الوقت ديال الشيب.
الوصفة: عشبة المريمية راها عند العطار وكاينة خضراء عند موالين ليقامة دآتاي إلى كنت من الرباط والى النواحي راها عند واحد ديما كايحط في الحبيب العور في الملاح كيبيع الخزامة والورد..
أغلي نصف كاس من المريمية المجففة في كأس ماء لمدة 30دقيقة وبللي به شعرك مزيان وخليه حتى ينشف وأغسليه وديري هاذ العملية أسبوعيا حتى تخلصي نهائيا من الشيب إن شاء الله ومن بعد بقاي ديريها شهريا باش تبقاي محافظة على اللون، وشي دعوات من عندك. مانتسايش إلى لقيتي النتيجة مضمونة ردي علي الخبار باش نخليها للزمان.

السلام عليكم ورحمة الله وبركاته
الله يرحم بها لوالدين أختي ، والله يبعد عليك الشيب ،
غير أنا باينلي هاد لوصفة للي باقي متلطخاتش ب- الشيب ، زعما لبقى جديدة مع لبيوضة د الشعر ولا لا؟

لا أختي هذه ديال لي فيها الشيب بزاف وحيث عارفها قلت تعرفوها كاملات في سبيل الله راه كانقرى كل حاجة عرفتها غدى تفيدني سواء في الحاضر ولا المستقبل بمشيئة الرحمان.