السلام عليكم
اليوم قلت نوريكم حتى انا البعض من مستضراتي ظ„ظ„ط¹ظ†ط§ظٹط© بنفسي و نقولكم على احسن حاجة الي عجباتني و كنتمنا من كل اخت حتا هي جربات شي منتج و رتاحت ليه او اعطاها نتيجة ابهرتها تقول لينا عليه و حبدا لو كان مرفق بصورة باش تعم الفائدة على الكل
باسم الله
هادي صورة جماعية لكلشي
هدا منضف للبشرة 3 في 1 يعني منضف قابض للمسام و مرطب بالزنجبيل ديال افون انا بشرتي عادية و الحمد لله جاني غزااال و حنين على بشرتي
و كاين كريم الليل و النهار من اوريفلام بصراحة مابيهمش مكيخلوش البشرة مزيتة و لكن ماشي شي حااجة
هادو طبعا غنيين عن التعريف و الي لا استغناء لي عنهم ابداااااااااا لانهم غاية في الروعة و ترطيب كيدوم مدة طويلة و انا اصلا من المعجبين بمنتجات فازلين كنحماق عليهم
الي فالوسط ديال اليدين و الرجلين و الي فالجناب ديال الجسم
هادو كريمات مرطبة للجسم واحد من اوريفلام بخلاصة اوراق الشاي والثاني من افون بخلاصة زهرة الكاموميل حبوب الشوفان و بجوجهم كيعجبوني بزااااف و ريحتهم خفيفة و منعشة
هادو كريم لليدين و الاضافر ريحتو غزااالة و كريم مرطب للجسم فيه بحال البريو كيعطي لمعة للجسم بالحق ريحتو مزويناش غير تصيدت فيه عنداكم تشريوه شي نهار من افون هانا علمتكم هههه
هادو حبايب قلبي الطالك ديال جيوردني الي كنموت عليه و بصراح احسن ما كدير اوريفلام هوما هاد لي كام ديال الريحات روعة حيت كيزيدو يتبتو الريحة فالجسم
و حداه سيروم للشعر بصراحة كلمة رااااائع قليلة فحقو لانهو هناني من داك التشواك ديال مورا الدوش و الله يكفي انك ديري نقيطة او زوج على الشعر منين يقرب ينشف و تبرعي لي بالرطوبية خلاص ايلا دورتيه منعاودلكش
للعلم هو لجميع انواع الشعر و راه ماشي سائل هو عبارة عن زيت
و اخيرا هادو ستيك من فوريفر الغنية عن التعريف مابيهاش و خلاص
و الثانية ريكسونا كتعجبني بزاف بالحق كتقلقني ديك اونتي ترونسبيرونت مكرهناش شي حاجة تكون ايفيكاس و ماشي اونتي ترونسبيرونت الي عارفة شي حاجة زوينة تقولها لينا
و داك لمغيصيب الي الوصت هم مرطب للشفاه من فوريفر حتا هو مابيهش كنديرو بالليل كيرطب الشنايف بالحق ريحتو ماشي تال تماك يعني لي مزوجة بلاش مديرو بالليل هههه
هادشي لي كاين هاد الساعة ازوينات
و كيف قلت الي جربات شي حاجة و كتاشفات انها رووووووعة تقولنا عليها و تصورها لينا باش كلنا نستافدو ان شاء الله
في امان الله ^^
lsjpqvhjd hgfsdddd’m ggukhdm fktsd>>><=== fktsd<
تبارك الله عليك
فازلين الغني عن التعريف حتى يانا كيعجبني بالحق عندي ديال الكاكاو
ليبستيك ديال فرفر روعة مجربه
عجبوني مستحضرتك بصحتك
عندي اختي واحد السؤال هاداك السيروم شنو اسمو وتمن ديالو الله يجازيك الف خير –
المشاركة الأصلية كتبت بواسطة نور الشموع 
تبارك الله عليك
فازلين الغني عن التعريف حتى يانا كيعجبني بالحق عندي ديال الكاكاو
ليبستيك ديال فرفر روعة مجربه
عجبوني مستحضرتك بصحتك
الله يبارك فيك اختي
اسعدني مرورك^^
المشاركة الأصلية كتبت بواسطة " ام ايمان " عندي اختي واحد السؤال هاداك السيروم شنو اسمو وتمن ديالو الله يجازيك الف خير –
ربي يخليك ازين ديالي
بالنسبة للسيروم
سميتو
Advance Technique
daily shine
وراه لومبلاج ديالو نقرية و فيها الاخضر ايلا كتبتيه ف google تلقاي تصاورو واضحين كتر
اوا الله يعطييك شي نقرة مصرية فاش يغبر نحاسك ههه
المشاركة الأصلية كتبت بواسطة رضا ربي غايتي اوا الله يعطييك شي نقرة مصرية فاش يغبر نحاسك ههه
الله يبارك فيك ازين ويعطيك مكتمناي حتى نتي
نورتي
المشاركة الأصلية كتبت بواسطة مرضية واليديها الله يبارك فيك اختي
نورتي موضوعي
المشاركة الأصلية كتبت بواسطة قوتي في صمتي امييين اختي
نورتي
الي مافيها الي تكتبها تقولها غير فخاطرها و مدخلوش و تخرجو بلا والو