السلام عليكن حبيباتي
أولا نبدا بنوعية الشعر: عادي
البشرة: مختلطة
لست حامل ولا مرضع
نبدى بتقريري لليوم الأحد 02 يونيو 2024
ليوم عملت حمامي غير فالدار ماقدرتش نمشي للحمام الزنقة إوا وجدت ماسك للشعر فيه طريفات ألوڤيرامع 2ملاعق كبار زيت الزيتون مخلطين في الطراب الكهربائي من بعد تنزيدو لهوم 2ملاعق كبار مايونيز نخلط كلشي ودرتووغلفت شعري ببلاستيك غذائي وخليتو لمدة ساعتين هاد الماسك تيغذي الشعر و تيرطبو
.من بعد هاد المدة دخلت للحمام غسلت شعري بشومپان من أڢون و درت لو ديميلور من كلوران
وجدت تخت القهوة لي تنديرو بحركات دائرية لمناطق السيلوليت راه القهوة معروفة أنها تتهرس السيلوليت .
*ملي عرق لي وجهي درت ڭوماج بنصف ماطيشة ومعلقة سنيدة من بعد شللت وجهي ودرت لي ماسك فيه خوخة محكوكة ومعلقة نيدو ومعلقة نشا خليتو 20د وسترخيت فالبينوار من بعد خديت صابونتي بالنخالة ودوزتها على كامل لجسم مزيا ا ا ا ان وبديت تنحك بحركات دائرية ون بعد شللت حالتي من الماسك و الصابون ودهنت لوجهي لعكر الفاسي وماء الورد لمدة 10د فقط وغسلت وجهي بمنظف من أوريفلام وزولت الشعر الزايد بجيل من أوليفلام و شللت مزيان بماء فاتر فيه جيل دوش البابونج من أوريفلام كذلك.
ملي خرجت من الدوش دهنت شعري بكريم روووووووعة من أفون ودرت باتشا مسحت وجهي بما ورد ودهنتو بكريم أوپتيمال من أوريفلام ودهنت جسمي بكريم للجسم باللوز ودرت مزيل العرق بالورد من أوريفلام . وشربت عصير منعش فيه خيزو وخوخ والليمون . وصاوبت دفيراتي ودهنت يدي بكريم من أوريفلام
ملي بغيت نخرج درت واقي الشمس من كلارين و قلم أزرق وماسكارا وفاراجو خفيييييييييف وأخيرا حبيب الجماهير لابيلو للشفايف ههههه
sk]vgh hgrg,f
هذا تقريري لليوم
فقت صباح دوشت بالخف مسحت وجهي بماء الورد بارد فطرت بدلت عليا ودرت ماكياج خفيييف وانطلقت للخديمة
ملي رجعت في المساء درت حمام زييت بزيت الفلفة وغطيت شعري ببلاستيك عذائي مادرتش ليوم ماسك لوجهي خليت البشرة ديالي ترتاح و مشيت نبالي بالكوزينة خملتها كما ينبغي ههههه ملي كملت التخمال مشيت دوشت
غسلت شعري بشمپوان اللوز ولاڤوكا من أفون روووووووووعة ودرت ديميلور كلوران جمييييييييييل جدا حتى هو و حكيت رجيلات بصابون بلدي بالعكر الفاسي وشللت ببان دوش البابونج من أوريفلام
ملي خرجت نشفت شعري ودهن ماسك لافوكا واللوز من أفون ودرت ديودورون بريحت الورد من أوريفلام ودهنت جسمي بكريم اللوز ويدياتي درت لهوم ماسك من أوريفلام
وصبغت ضفيراتي بهاد اللون
من بعد سترخيت وحطيت على عيني كمادات فيهم نشا و ماء الورد بارديييييييين من بعد زولهم ودهنت عويناتي ودرت لهم مساج خفيف بزويتة بلدية
وإن شاء الله ملي نبغي نعس غانحك سنيناتي وننمسح وجهي بماء الورد و ندهن داليبور فوق شي حبيبات ناضو لي بسباب الحيض هئ هئ هئ
ونحك سنيناتي بالمسواك غير ندوز عليهم بالخف و ندير مساج لركيبتي بزويتة السحرية لي قالت لي عليها لحبيبة mamachraf الله يجازيها خيرات الدارين و يحقق ليها كل ماتمنات
وهذا ماكان لهاد النهار
أحبكن في الله
أنا ليوم من مور ماجيت من لخديمة مسحت وجهي بمزيل الماكياج من ڭارنيي من بعد ماء الورد ووجدت البينوار درت فيه لخزامة وخليتها تطلق فالما جمعت شعري بالبوني من بعد دخلت للبينواروسترخيت من بعد درت لوجهي صابونتي بالنخالة خليتها لمدة 5د من بعد ڭوميتو بإيدي وزولتو بماء دافي و دهنت لوجهي ماسك النشا ولعكر الفاسي وماء الورد و دوشت خفيف وتوضيت بغسول مهبلي من سافوريل وخرجت من الدوش دهنت لكريم المرطب لجسمي ودهنت المنطقة بكريم سافوريل وتعطرت وطلقت السوالف ههههه
هذا ماكان 
تقريري لليوم:
************************************************** *
فالصباح قبل مانمشي للخديمة تندوز على وجهي مكعب ثلج بحركات دائرية من بعد مسحت وجهي بماء الورد و درت واقي الشمس من كلارين قلم رمادي فوق عيني حجباني متنقطعهمش تنمشطهم و تندير تحت منهم شوييييييييية فاراپوپيار بيض باش يبانو مقادين من بعد ماسكارا لشفاري وفاراجو خفيييف و في الأخير حبيب الجماهير لابيلو ههههه و مشيت للخديمة ملي رجعت مسحت وجهي بمزيل الماكياج من ڭارنيي من بعد بماء الورد و دوزت عليه طريف دالحامض لاحقاش بان لي وجهي طلق الزيت خصوصا من جهة الأنف و الذقن و الجبهة من بعد درت ماسك النخالة لي سبق لي وحطيتو فالمنتدى خليتو 5د كيف ديما من بعد زولتو بڭوماج وزعت فوقو شوية النخالة وبديت تانڭوفي بلطف من بعد غسلت وجهي بماء دافي ودرت لو ماسك الطين الأبيض وماء الروز خليتو 20د وغسلتو بماء دافي من بعد ماء بارد ومسحت وجهي بماء الورد بارد لغلق المسام من بعد درت ماساج بزويتة بلدية لكامل وجهي وعنقي
من بعد ملي نبغي نعس غنغسل سنيناتي بمعجون الأسنان و من بعد بخليط السالمية و النافع و الخبز المحروق والملح هاد الوصفة روووووووووووووووعة للأسنان تتجمع اللتة وتتحارب التسوس و تتقضي مع المداومة على رائحة الفم. إوا من مور مانغسل سنيناتي ندهن وجهي بزيت بلدية لاحقاش أنا ماتنولفش لوجهي لكريمات بزاف سيمانة تاندير كريمي الليلي وسيمانة زيت الزيتون تندير بيها مساج بهاد الطريقة باش أنا محافظة على التوازن ديال البشرة ديالي إيوا وندهن يديياتي بلكريم ورجيلاتي كذلك وركيبتي مسيكينة بوصفة لحبيبة الله يجازيها كل خير وندير كمادات ديال البابوجن لعويناتي لي كلاو لعصا بالخدمة و لپيسي ههههههه.
هادا ماكان
تقريري ليوم الأربعاء سمحولي مادخلث كنت مريضة الله ينجيكم
في الصباح قبل مانمشي للخديمة توضيت غسلت وجهي بالغسول اليومي و مسحت و جهي بماء الورد بارد و درت واقي الشمس اليومي وماكياجي كذلك ماكياج خفييييف ودهنت يدي بكريم فيه نسبة الحماية ومشيت للخديمة
ملي رجعت فالعشية بدلت عليا ومسحت وجهي بمزيل الماكياج من ڭارنيي من بعد دوزت على وجهي قطن مبلل بماء الورد من بعد درت تقنية التنظيف العميق للوجه بصابونة دوڤ وشيتة الأسنان تكون جديدة و رطبة تندهن وجهي مزيان من بعد تنبدى نحك وجهي بشوية وبحركات دائرية من بعد تنشلل وجهي بماء دافي وتنعاود ندهن وجهي بالصابون وندلكو شوية من بعد نشلل وجهي بماء دافي من بعد ما بارد من بعد مسحت وجهي بماء الورد بارد ودرت مساج لوجهي بزويتة بلدية ملي بغيت نعس حكيت سنيناتي بخليط السالمية و الملح وحبة حلاوة والخبز محروق ومطحون ومعجون الأسنان
ودهن يدي ورجلي بلكريم ونعست في سلا ا ا ا ا ا ا ام ههههه
تقريري ليوم الخمييييييييييس
في الصباح قبل مانمشي للخديمة توضيت غسلت وجهي بصابونتي دالنخالة وطرفت ودرت ستيك جورداني من أوريفلام و مسحت و جهي بماء الورد بارد و درت واقي الشمس اليومي وماكياجي درت فاراپوپيير باج وقلم دهبي وماسكارا كحلة وقاديت شفاري بآلة لمخصصة ليهم ودرت فاراجو خفيف من كيس بيوتي وفي الأخير لابيلو ومشيييييييييت للخديمة
في المساء ملي رجعت مسحت وجهي بمزيل الماكياج وغسلت وجهي بصابونتي دالنخالة ركزت عليها هاد الأيام بان لي وجهي فيه تراس ديال 2 حبيبات ناضو لي هئ هئ هئ إوا من بعد درت ماسك بفرماجة ولعكر لفاسي ماسك رووووووووعة تايخلي لوجه رطب وتنقيه من العمق من بعد غسلت وجهي بصابونة الطاووس ومسحتو بماء الورد ودهنت زويتة بلدية ودرت مساج لوجهي. ملي نبغي نعس إن شاء الله نحك سنيناتي بمعجون الأسنان مخلط بالخلطة المبيضة وندهن لكريم ليدي ورجلي ووجهي نعاود ندهنو بزويتة بلدية وندخلها مزي ا ا ا ا ان بمساج ونعس في أمان الله
هادا مكآن يا خواتاتي
الله ينورنا ويخلينا ديما مهليات فروسنا
تقريري لليوم
فقت فالصباح خديت دوش خفيف جمعت شعري بالبوني وغسلت جسمي بصابونة دوڤ بالليمون وحكيت رجيلات بصابون لعكر الفاسي زولت الشعر الزائد بالكريم لمخصص لو من أوريفلام تشللت بباندوش البابونج من أوريفلام و خرجت دهنت جسمي بحليب اللوز ورشيت عليا سپراي جورداني ڭولد من أوريفلام ولبست ملابس الخروج ودرت ماكياج خفيف وخرجت
ملي رجعت مسحت وجهي بمزيل الماكياج ڭارنيي وعاودتو بماء الورد من بعد درت الماسك الأسبوعي ديال الحلبة وبيضة بلدية خليتو 45د وزولتو بحركات دائرية من بعد شللت وجهي بالما دافي ودهنت وجهي بصابونتي بالنخالة وغسلت بيها وجهي مزيا ا ا ا ا ان وشللتو ودوزت عليه قطنة مبللة بماء الورد بارد 3 دلمرات ودهنت وجهي بزويتة بلدية كيف ديما
ملي نبغي نعس غادية نحك سنيناتي وندهن وجهي ويدي ببيافين لاحقاش شميشة دارت مابغات فيهوم ههههه ونعس في أمان الله
إليكم تقريري لليوم
اليوم مشيت للحمام قبل مانمشي وجدت حوايج الحمام تبريمتي فيها مغلي الحلبة والحنة والداد والصابون البلدي و لعكر الفاسي درت لشعري ماسك الزبدة مدوبة+زيت الفلفة +زيت الزنجلان ومعلقة زنجلان مطحون+زيت زريعة الكتان+مايونيز ماسك روعة للشعر المجهد ولي ضارباه تلفة هههه إوا وديت معايا 2 طريفات من صابونتي دالنخالة إيوا فطرت ومشيت للحمام دخلت غسلت شعري من الماسك بكوش وحدة من الشامپو من بعد درت لو الغاسول مخلط بمغلي الورد و الريحان والسالمية وجمعتو ودرت تبريمتي وبقيت 30د من بعد تشللت وآراك للحكان من بعد تشللت وعاودت درت الصابون البلدي بلعكر الفاسي ولودع ونزلت شعري للقدام وغسلتو من الغاسول ودرت لو كوش مرة ثانية من شامپوان من بعد درت لو ديميلور المونڭ من كلوران وخليتو بينما حكيت رجيلاتي وكفوفي من بعد شللت شعري ودرت ڭوماج لوجهي بصابونة النخالة ودوزتها على جسمي بالكيس دالصابون وتشللت ببان دوش البابونج وخرجت دهنت جسمي بكيم اللوز ورجيلاتي ڭذلك ولبست ورجعت للدار. دهنت شعري بكريم اللوز ولاڤوكا من أڤون وسرحتو بالسيشوار وتغديت ونعست نرتاح من عيا الحمام ملي فقت توضيت صليت العصروقاديت ضفيراتي صبغتهوم بغوز خفيييييييييييفووجدت راسي باش نخرج نفوج شوية درت ماكياج خفيف كيف العادة ولبست وانطلقت ملي رجعت مسحت وجهي بمزيل الماكياج المعتاد ڭارنيي من بعد ماء الورد ودوزت على وجهي طرف دالحامض من بعد شللت وجهي وخليتو يرتاح راه كلا لعصا فالحمام ههههه إيوا ملي نبغي نعس نحك سنيناتي وندهن إيدي ورجلي ونمشط شعري ندير لو مساج وندهن وجهي ويدي ورجلي لبلايص لي قاستهوم الشمس بيافين ونعس .
