تحدير من كريم baby set

فات سمعت بهدا الكريم بزاف و قريت عليه في منتدانا الغالي و الكل كان تيشكر فيه وتينشد بمفعوله السحري في زالة السواد من بين الفخدين و تحت الإبط فقررت تجربه حتى أنا و فعلا مشيت شريته و بحتت مزيان و سولت باش يكون الكريم أصلي ستهلكت الجعبة الأولى كاملة و فعلا لآحضت الفرق و فرحت بزززاف شريت وحدة أخرى و بديت تنديرها……و لبارح الصباح فقت و حسيت بألم شديد تحت الإبط ديالي لدرجة و الله ماقدرت نحرك يدي أنيقاتي الله يناجيكم تقيت 3 ولسيس كبار ناضو ليا فقررت نصحكم راني مازال مامشيت للطبيب و مخلوعة بزززاف و الله و الألم شديد لا يطاق دعيو معايا بالشفاء الله يخليكم اللهم إني قد بلغت و الله يحفضنا كاملين

jp]dv lk ;vdl baby set fdodv

شكرا ليك اختي حتى انا كنستعملو

يا ربي السلامة و الله يحد الباس اختي سيري دوزي و بالي براسك قبل يفوت فيك الوقت انا كانت فيا غير ولسيسة وحده مشيتعند طفلتي عملت ليكوكرافي فاش لقيت ولسيسة وحده قلت مالها كلع الناس فيهم لاش نمشي عند الطبيب يبدا يخرج ليا في الدوايات دابا الله ينجيك راه ولدات ليا و المرض كبر و انتقل ليا لعنقي و عملت 2 عمليات و خرجولي الدواء ديال مرض السل قالي الطبيب انت رخيتي على راسك <<<< أنا حبيت نحكي لك مشكلتي باش مترخيش على راسك طبعا انا معمري عملت هاد بومادا و لكن عكوزتي عملاتها بزاف و حتى هي نفس المشكل و لكن فاش تبعات الدواء واحد 3 شهور دابت لها ردو بالكم يا البنات راه هاد الزبل ديال الولسيس داير فحال الزواق و متحسيش بيه حتى يفوت الوقت

الله يكون فعونك حبيبة و شكرا على التحدير راه حنايا النسوان الله يعفو علينا من الخلطات مزال كاع مكنعرفو حقيقة الحاجة كنبداتو نجلطو

راه حتى مزيل الروائح لي كيمنع التعرق راه كيضر فحال نفيا و شي عجب أخر أنتيفيوس أحسن مفيهاش المواد الضارة لي كتحبس التعرق وبالتالي سرطان

المشاركة الأصلية كتبت بواسطة كازاوية حره يا ربي السلامة و الله يحد الباس اختي سيري دوزي و بالي براسك قبل يفوت فيك الوقت انا كانت فيا غير ولسيسة وحده مشيتعند طفلتي عملت ليكوكرافي فاش لقيت ولسيسة وحده قلت مالها كلع الناس فيهم لاش نمشي عند الطبيب يبدا يخرج ليا في الدوايات دابا الله ينجيك راه ولدات ليا و المرض كبر و انتقل ليا لعنقي و عملت 2 عمليات و خرجولي الدواء ديال مرض السل قالي الطبيب انت رخيتي على راسك <<<< أنا حبيت نحكي لك مشكلتي باش مترخيش على راسك طبعا انا معمري عملت هاد بومادا و لكن عكوزتي عملاتها بزاف و حتى هي نفس المشكل و لكن فاش تبعات الدواء واحد 3 شهور دابت لها ردو بالكم يا البنات راه هاد الزبل ديال الولسيس داير فحال الزواق و متحسيش بيه حتى يفوت الوقت لهلا يخطيك أختي راني و الله مخلوعة لتكون شيء حاجة خطيرة ندمت أشد الندم على هدا الكريم

متاخفيش اختي غير وقفيه او متخافيش راه منين كاين الم راه ماشي ولاسس خطار غير وقفي الكريم او حاولي تشوفي الطيب

كنظن ما عندك مناش تخافي غير قطعيها فورا. كنطا الكريم عندها نفس مفعول مزيل الروائح من الابط وعملات لي 2ولسيسات كبار ويمكن شي 4 او 5 صغار بزاف والالم ما نعاودليكش ما بقيت قدرت نهز يدي ومناين شفت الطبيبة قالت لي نوقفها فورا+نمسح الابط ديالي بلالكول ايكزوميدين 3مرات في اليوم وبالفعل بريت وعرفت السبب انه كثرث منها وسدات لي المسام والعرق تحبس لازم الابط يتنفس دابا كنستعملها سنين هذي ولكن غير كديبة وكندهنها مزيان والحمد لله ما كاين ريحة خايبة بالحق ديما بعد الحمام وغير شوووية. دابا تفكريني ما يكون عندك باس اختي ماما نور

يا أختي حتى أنا كانستعملها بعد المرات تحت الإبط و لكن ماشي بزاف. ما كنت كاع كانعرفها من قبل و لكن شفت الأخوات كايشكرو فيها للمنطقة الحساسة و لكن أنا درتها شي مرات قليلة و حسيت بشي حريق وأنا نخبر الأخوات و حبستها خفت من شي مرض قلت كاع لا نبياض من حتى بلاصة. الصحة هي الأهم ماشي اللون. الله يشفيك أختي ما تخافي ولو راه الطبيب كايقول أن الله يستر الولاسس الخايبين كاع ما كايديرو شي ألم. إن شاء الله أختي طمنينا أش قال ليك الطبيب ما يكون عندك بأس و شكرا بزاف على الإفادة.

المشاركة الأصلية كتبت بواسطة mama nour كنظن ما عندك مناش تخافي غير قطعيها فورا. كنطا الكريم عندها نفس مفعول مزيل الروائح من الابط وعملات لي 2ولسيسات كبار ويمكن شي 4 او 5 صغار بزاف والالم ما نعاودليكش ما بقيت قدرت نهز يدي ومناين شفت الطبيبة قالت لي نوقفها فورا+نمسح الابط ديالي بلالكول ايكزوميدين 3مرات في اليوم وبالفعل بريت وعرفت السبب انه كثرث منها وسدات لي المسام والعرق تحبس لازم الابط يتنفس دابا كنستعملها سنين هذي ولكن غير كديبة وكندهنها مزيان والحمد لله ما كاين ريحة خايبة بالحق ديما بعد الحمام وغير شوووية. دابا تفكريني ما يكون عندك باس اختي ماما نور لهلا يخطيك ماما نور فعلا راني حبستها كنت تنديرها بززاف وغتكون كيف قلتي سدات ليا المسام دابا راني حبستها وإلا مفتني الحال غنستاشر طبيبة ضروري الله يخليكم ليا