في بداية مسيرتي نحو الجمال والعناية من تساعدني؟

السلام عليكم ورحمة الله

أنا يالاه قلت بسم الله وبغيت قالاك نعتني براسي عاد طفات عليا الشمعة

ايوة وأنا بيني وبين العناية مسافات بحال ليبين السماء والأرض

مكنعرف والو وهملت راسي بزاف ودبا بغيت نتوكل على الله ونعطي لجسمي ولنفسي حقها

شكون تعاوني فمسيرتي لي يالاه بدات

بغيت دبا نعرف غي أسس العناية

شنو خص يكون عندي من مواد ومنتوجات باش نعتني براسي ونظافتي وريحتي يعني الأشياء الضرورية لي لاااازم تكون عند أي بنت وخا متكونش أصلا كتعتني براسها بغيت الاشايء الضروووووووورية في الأول لو سمحتم مزال الحال على الكماليات ومبغيتش نمل بغيت نبدا درجة بدرجة فهمتوني؟؟

وبغيت نعرف كذلك شنو ليخصني نهز معايا ديما فصاكي وقتما كنت خارجة؟

ليقدرات تفيدني متبخلش عليا وربي يجازي كل وحدة قدمات ليا يد المساعدة

انا كنسناكم عندكم طلو وتهربو راه عندي كاميرا مراقبة ههه

تحياتي

---

td f]hdm lsdvjd kp, hg[lhg ,hgukhdm lk jshu]kd? hgplhl

احبيبة اللي خصك مثلا نبداو بشمبوان على حسب شعرك جاف دهني وهكدا كتختاري
بالنسبة للوجه نفس الشء تشوفي بشرتك اشمن نوع وتقلبي على برودوي لترطيب
منياوش كونتر سولاي مرة فالسيمانة ديري ماسك مغدي للبشرة وللشعر
بالنسبة للجسم مرة فسيمانة ماسك وكوماج ولاسير مرة مرة من بعد كريمة مرطبة
بالنسبة للصاك تنهز معايا ريحة عكر كحلة فوندتان ريسي مراية وحليب وقطن مدكرة وستيلو وبزطام

أختي كنحيييك من قلبي منين بديتي بغيتي تتهلاي في راسك ، غادي نبديلك بالكريمات لي تحتاجي
شري أي مجموعة تعجبك ، كيكون فيها جيل غسل الوجه ، كريم الليل وكريم النهار وكاين لي فيها كريم يعالج الهالات السوداء ، أنا راني ندير هاد المجموعة nivea aqua sensation

، فيها كريم النهار كاين 2 أنواع لي يناسب بشرتك ، وكاين جيل غسل الوجه ، وعلاج الهالات ، مافيهاش كريم الليل لاحقاش كتدوم الفعالية ديالها 24 ساعة ، واش غادي نقولك نتائج ديالها رووووووووووووووووعة روعة ، وعاد أنا منديرش ديال الهالات عاد غادي نشريه
ندوزو للماكياج خاصل فوندوتان شري لي يناسب لونك وكذلك البشرة ديالك أنا نفضل ديال إيف روشي عندهوم زوينين بزاف ، أحمر الخدود ، القلم ديال الكحل ، شري الألوان لي يعجبوك وضروري الأسود يكون ديما عندك، شري الكلوص و أحمر الشفاه الألوان لي يعجبوك ، صافي هادو هوما الضروريات ، شري هاد الشي من إيف روشي ، أنا نشري كلشي من تما تقريبا روعة ، ماتنسايش مزيل الماكياج ، شري إيما كريم ، أو لانجيت تمسحي بيهم مزيانين
دابا نجيو للعناية الأسبوعية ، شري كوماج للوجه ، كاين هذا في إيف روشي رائع ، كيرد الوجه كيشعل ، ديريه مرة في الأسبوع
كريمات الجسم كاينين حتى هوما في إيف روشي ، أنا نديرflower party ريحتو زوينة بزاف ، وكندير dove، ولكن نتي شري لي ريحتو تعجبك كل واحد وذوقو
العطور كذلك شري لي يعجبك نتي
نتمنى نكون فدتك ، هاد الشي بزاف ، ولكن تيقي بيا ملي تبدي تهتمي بنفسك ، وتشوفي النتائج والله ماتبقاي تعكزي أبددددددا ، أنا كنت بحالك ديما مرونة كاع مانديها في راسي ، من بعد ما ولدت المهم حالتي ولات حالة ، ولكن دابا كندير هاد الشي لي قلت ليك راجلي لاحظ النتيجة ، وجهي ولا رطبببب ونقي ، ماتنسايش الحيار تحكيه ، وديريه في المكعبات ديال الثلج ، وديريه يجمد ، كل مايكون عندك الوقت خصوووصا الصبح ، تجبدي وحدة وتبقاي دوزيها على وجهك ، والله يولي وجهك واعر ، والهالات ينقصو بزززاف ، ديريه وتخليه شي ساعة ، من بعد مسحي بماء الورد

السلام عليكم
شكرا اختي لاقتراحك هدا الموضوع الراااااائع غادي يفيدنا جمييييعا ان شاء الله
انا بشرتي مختلطة واش هاديك مجموعة ديال نيفيا كاين فيها اللي ينااسب نوع بشرتي وبشحال كتطلع ليييييك كلها في الثمن تقريبا
وكيفاش نعرف افضل فون دوتاه وواقي شمسي مناسب لبشرتي الله يجازيكم بالخير
وكنت جربت قلم الاسود لعينيا ماجاش معايا نهاائيا حينت عينيا صغار شويا وماعرفتش اي لون اللي ندير ومايكونش معيق

والا كانت شي وصفة طبيعية بغيت نحيد لون اسود واحمارار ايضا عندي في الشارب بسبب لصقااات لاسير مادونا خلاتلي المكان احمرومن بعد ولا اسود وحرش الا كانت شي وصفة تحيد لي هدشي
وباش كتحيدو شعر اللي في الشارب والوجه عموما

أختي ، أصلا هاد المجموعة ديال البشرة العادية إلى المختلطة ، وكاين كريم نهار واحد لي ديال البشرة الحساسة إلى الحساسة جدا ، الثمن كل حاجة وثمنها ، جيل شريتو 6 أورو ، كريم النهار ب 8.50 أورو ، وكريم الهالات كنضن يدير 11 أورو على ما نذكر ، وكريم انهار الآخر ديال البشرة الحساسة يدير 14 أورو تقريبا ،
بالنسبة لأفضل فوندوتان ، إختاري نتي اللون بحال بشرتك ، وإذا ماكانش فيها العيوب شري لي كرييمي خفيف يجي طبيعي ، هو لي كندير أنا

، وإذا كانت بشرتك فيها العيوب شري لي ثقيل باش يغطي
بالنسبة لقلم العيون ، أنا واخا عينيا كبار كندير التركواز كيعجبني حسن من الأسود ، الأسود كنديرو مرة في الزمان ، وكاين بزاف الألوان يجيوك ، بحال الأخضر ، شوفي هادا لي كندير ديال إيف روشي راه فيه عدة ألوان وشوفي

إيكرون ديال الشمس أنا مانديرش كاع ، ولكن هاد كريم النهار كاتبين فيه بلي كيحمي حتى من الشمس ، والله أعلم
ولي تراس لي فيك ديال لاسير ، والله ماعرفت ، نتمنى شي أخت تفيدك

اول حاجة اختي بداي بوجهك فالصباح محيت تفيقي غسلي وجهك بصابون الطاووس العادي ماشي بالروايح انا هو لكيجي مع وجهي و طبيعي احسن من الانواع التانية من بعد ديري كريم مرطب تمشي على هاد النظام كل يوم
كل اسبوع ديري كوماج لوجهك الى معندك كوامج لكيتباع ممكن ديري النخالة مع الحليب او ماء الورد او سنيدة مع الحامض و بداي شويه بشويه بحركات دائرية حتى تسالي وجهك كلو و ديري بخار لوجهك شدي كاسرونة ديري فيها الماء و شويه الخزامى او البابونج و محيت يغلي الماء طفي عليه و خلي البخار يفتح ليك المسام و انتي مغطية بفوطة شي 10 دقائق مسحي وجهك بفوطة نقية خاصة بيه و بداي حيدي النقط السوداء غير بشويه محيت تسالي ديري ماسك احسن ماسك هو ديال الحمص مطحون مع الرز مطحون مخلط مع ماء الورد خليه ربع ساعة من بعد غسليه و دوزي على وجهك قطن فيه ماء ورد باش تسدي المسام نشفي وجهك مزيان و ديري الكريم مرطب
كل 3 ايام ممكن ديري ماسك لوجهك

الملخص كل يوم غسليه بالصابونة و ديري كريم مرطب
كل اسبوع كوماج مع ازالة النقط السوداء مع ماسك
كل 3 ايام ماسك من بعدو مرطب
طبعا الى كتخرجي للشمس ضروري ايكرو ضد اشعة الشمس شوفي لمزيان لبشرتك و طبعا كل 2 ساعات لازم ديريه

الجسم ديالك ساهل
كل اسبوع ديري خلطة من الحنة و الحامض و الصابون البلدي و دخلي الحمام سخني مزيان و طليها و جلسي ربع ساعة شلي و بداي الحكان شويه بشويه حتى كلشي يولي منور و ركزي على الركابي و المرافق
غسلي جسمك بصابون الطاووس و قبل ما تخرجي ممكن تاخدي معاكي ماء ورد فرشاشة رشي جسمك كلو باش تسدي المسام و محيت تخرجي ديري كريم مرطب لجسمك كلو

الشفاه ديالك كل يوم قبل النوم ديري ليهم فازلين خاص بيهم

رجليك حكيهم دايما بالحجرة الزرقا و محيت تكوني فالحام ديري ليهم التقشير بالكيس مزيان
و قبل النوم دايما دهنيهم بفازلين خاص بيهم

شعرك شري ليه شمبوان مناسب ليه و غسليه 2 مرات فالاسبوع مرة فالحمام الاسبوعي مرة وسط الاسبوع
و قبل ما تمشي للحمام ديري ليه ماسك من الزييوت و راه الحنة و زيت العود و القرنفل و العطور احسن حاجة للشعر باش تحافظي عليه

هادشي لفبالي دبا ان شاء الله نكون فدتك و لو شويه

اكيييييييييد استافدنا بزااااف من نصائحكم
الثمن ماعرفتوووش حينت بالاورو الله المستعان
حليب مرطب واش كاين شي نوع منااسب للبشرة المختلطة بغيت شي ماركات نقدر نشريها مجربة
وايضا وصفات طبيعية يعني كريم مرطب نديرو طبيعي منظف للوجه مبيض فعاااااال للبشرة طبيعي برنامج كامل للوجه بوصفات طبيعية ايضا حتى هي غادي نحتاجوها
ايضا شي وصفااات مجربة لزياااااااادة الوزن اختكم نحييييييفة جدا الان كندير فقط ماء ديال الحلبة كنشربو طول اليوم لكن النتيجة بطييئة بغيت شي وصفات اخرى طبييعية نعاون بيها

اخواااااااااتي فيييينكم فيدوونا الله يجازيييييييكم بالخير باللي عرفتو وجربتووووو

ماشاء الله عليييييك
اعطيتنا برنامج كاااااامل راائع الله يجعلو في ميزان حسنااتك
الا ممكن نعرف افضل الكريمات المرطبة للبشرة المختلطة وللجسم ايضا شي حاجة تكون موجودة في المتاجر والثمن….
واللي عندها ايضا فكرة اشنو هو افضل واقي شمسي للبشرة المختلطة وايضا فون دوتاه واش هما اللي نقدر نحتاج فقط

أختي أنا اللي نصحك هو تمشي la pharmacie aw para، وتقولي لهم على نوع البشرة ديالك. وطلبي منهم يعطيوك جيل منظف+ كريم مرطب واحد لليل و واحد للنهار+ كريم الخاص بمنطقة حول العينين+ كريم واقي من أشعة الشمس+ بلسم للشفاه + كريم مرطب لليدين و آخر للرجلين+ كريم مرطب خاص بالجسم+ منظف خاص بالمنطقة الحساسة.
وكذلك تقوليلهم على نوعية شعرك و المشاكل اللي تيعاني منها وتاخدي ليه شمبوان+ ملين للشعر + ماسك للشعر+ سيروم للشعر عند الضرورة.
كاينين بزاف ديال لي مارك الزوينين بحال vichy، avène، la roche posay،naturalia …
هادشي غادي يkلفك شوية، ولكن تقدري تنظمي ميزانيتك كل شهر تاخدي حاجة، مثلا شهر تاخدي مستحضرات الوجه، شهر الشعر، شهر الجسم…
بالنسبة للماكياج خودي الأساسي؛ قلم أسود للعينين، ماسكارا سوداء، كَلوص للشفاه.ويلا كان وجهك ما صافيش خودي فون دو تان. أو كريم الوقاية من الشمس ملون, كيحمي من الشمس وكيصفي الوجه من البقع… وكاينين بزاف ديال لي مارك معروفين و اقتصاديين بحال avon , yves rochey, nivea, oriflamme…
نصيحتي ليك آختي ما تاخديش المستحضرات ديالك من مالين الماكياج لأنها فالغالب كتكون مقلدة و جودتها خايبة. خصوصا الحاجة ديال الوجه ما معاها لعب.
أحسن حاجة خودي من لافارماسي أو بارافارماسي أو المحلات الكبرى المعروفة.
بالنسبة لavon , oriflamme, yves rochey خودي نهم غير المكياج شي لاخور مانصحكش.
أنا هادشي اللي رجعت كندير فالسنوات الأخيرة،
غير منتوجات الصيدلية، وأقسم لك بالله إيلا فلوسها حلال وجهي بلا مانشكر فراسي "مراية"، لدرجة فينما كنمشي كيضربو بيه الأمثال، وكيسولوني دايما آش كندير ليه.أنا كناخد بالنسبة soins; vichy les و الماكياج من yves rocheyأو avon
بالنسبة لشنو دي معاك فصاكك، مراية زوينة، مناديل مبللة، كريم للشمس، كريم لليدين، كلوص، وعلى حسابك نتي.
بالنسبة لي كندوز النهار كامل خارج الدار، نصو للخدمة، ونص للجامعة، دايرة فصاكي 2 ديال les trousses صغار، وحدة دايرة فيها صابون صغير، فرشاة أسنان و معجون صغار، كلينكس. والتانية تندير فيها مناديل مبللة خاصة بالوجه، كريم للشمس،بلسم للشفاه، كريم لليدين.
ويلا بغيتي نعطيك بrنامج للعناية بجمالك مرحبا، لي عودة.