عاونوني المعلمات

اخوتي زعمة لدرة في هاد لخير .بغيت ربي يفتهلهة بيبان جنة

بغيت شي أخت تعطيني طريقة بش نقري والدي لعربيةأولى بتدئي

.راح عندي الكتب .ولكن طريقة لا .مكنعرفش امتى نفوت لحرف لاخر .أو شحال مدة لنبقى نعود نفس درس .

إلى ممكن شي معلمة تحتل لمدكرة ديالها .هداك دفتر لكيكتبو فيه المعلمين اش خاص يقري هاد أسبوع .
نتمنى تكونوا فهمتوني

---

uh,k,kd hgluglhj

اهلا اختي
انا ماشي معلمة غير عزيزة عليا اللغة العربية و كنت مجتهدة فيها و خصوصا الاعراب وخا راني علمية

المهم بداي معاه بالحروف و كل حرف غادي ياخد ليك يومين يوم للدرس وهو يبقى يقول وراكي و كيفاش يكتبه و الحركات يعني الفتحة و الضمة و الكسرة و التنوين الخ فوق الحرف
و اليوم التاني مراجعة للحرف مع تصحيح تمرين خفيف
و فنهاية الاسبوع يعني اليوم 7 ديري مراجعة للحروف الثلاثة مع اعطاء امثلة لكلمات تتضمن الحروف نفسها و عطيه تمرين خفيف كل حرف يكتبه بالحركات دياله وهكدا

و تبعي الكتب ديال التحضيري و شوفي الدروس و تبعي معاه
و الله يسر امورك ان شاء الله

أنا أختي معلمة وقريت تحضيري 5 سنوات ..المهم را عندك كل أسبوع فيه حرفين ماشي 3 ..وكل أستاد وكيفاش كيقسم الأسبوع ديالو ..تقريباً يومين ف الحرف الأول و-2 ف الحرف التاني واليومين الاخرين ديل تقويم الحرفين ..متلاً الاتنين كيقراو تعبير لي منو كنخرجو الجملة القرائية ديل الحرف لغنقروه..كنقراو الجملة ولحروف مع الحركات طبعاً ومن بعد كندوزو للكتابة ..معرفتش وش فهمتني ..وأي سؤال أنا رهن الإشارة

شكراً بزااف وربي ينورلك طريقك .لعطيتيني من وقتك.الله يجعلها في ميزان حسناتك

فهمتك أختي الله يجعلها فميزان حسناتك .نزيد غي وحد سؤال القرأن ورياضيات شحال من مرة في أسبوع

السلام عليكم اختي نحاول نعاونك باللي تفكرت انا معلمة ولكن قريت الاول غير عامين المهم كنصحك اولا تحطي اعصابك فالتلاجة هههه وتركزي على العاب الذكاء متلا تكتبي ليه كلمات وحروف مختلفة ويتعرف على الحرف اللي فالكلمة ومتقلقيش الى كان كينسى او كيغلط لان مهمتك تعلميه وتحببيه فالقراية وتدعميه فالدار اما القراية راه اقرى فالمدرسة انت ديري الدعم لعب وقراية ونوعيلو الحروف وتبتي الحركة بلا ما تقولي ليه ضمة او فتحة انت تقراي او هو يعاود والعكس تبتي الحرف وبدلي الحركة وقراي وهو يعاود ديري ليه تمارين اصل بخط حتى هي كتنمي الذكاء نتمنى نكون فدتك والى عندك شي استفسار مرحبا

اختي حتى الرياضيات نقس الشئ 2 دروس في الاسبوع و تقويم و دعم الدرسين في الاخير ديال الاسبوع ..را كلشي موضح قالكتاب.بالنسبة للقران على حسب السورة قصيرة او طويلة و لكن دبا باقين في السور القصار كتكون سورة في الاسبوع ..و انا رهن الاشارة..
ادا كنت فدتك و لو بقليل اختي امانة دعيلي مع ولدي بالشفاء التام

كون كنتي ساكنة فاسفي ندبر ليك على شي مدكرة قديمة تاع شي معلمة نعطيها ليك
ولكن لاش باغا تقريه انتي مالو ماشي فالمدرسة

اخواتي أنا في فرسا ؛أمكينش جهتي مدرسة ديل لعرب؛لهدا ضروري أنا نعلمو ؛مسؤلية كبيرة والله ؛ولازم لخاطر ؛ربي يعاونا

شكراً بزاف ختي أنا فلغربة