مرحبا بكم حبيباتي ربي يدخل علينا هاد الشهر بالرحمة والمغفرة ولكل وحدة متمنات في حياتها يارب
j[lu lyjvfhj Hlvd;h vlqhk 2024 hg[]d] j[lu,h aiv
وصافي ماكاين لا تمر لا حليب صومو تصحو ههههههه
كتب بواسطة sambousa
اختي مبروك عليك الله يجيبيك على خير
حتى انا قالو لي جيبي تحميرة و القرفة و ندمت اللي ماجبتهمش فين ساكنة انا قليل العرب و المغاربة كناقضا اكثرية من حوانت امريكية عندهم القرفة مسحوقة بزاف كيف الغبرة , تحميرة مرة تطلع ليا مزيان مرة مداقها فحال الطحين والكمون ماكنشريهش بزاف ولكن اختي كيف قالو ليك البنات حسب الولاية اللي انت فيها , الى عندك الوزن الكافي وبغيتي تجيبي غير جيبي معاك التحميرة الكمون السمن الحر شريتو هاد السيمانة طلع حالتووووووو , كنور جيبيها معاك اختي ديال الدجاج و ديال السمن ديال الزعفران الى كتستعمليهم , جيبي معاك جرارة ديال الشباكية و شي تقاطع ديال الحلوة هنا اغلبية اللي كتلقاي أشكال ديال شجر او شي حاجة متعلقة بالكريسماس , جيبي المساخن او المروزية الى بغيتي ولكن كاين الولايات اللي تلقايهم فيهم جيبي معاك اعشاب اللي كتستعملي فحال فليو الورد الخزامى منشفة الزعتر البلدي اللويزة هادشي ماشي ضروري اختي حسب استعمالك انت راه الخزامى طرية و الزعتر طري كاينيني ازير حتى هو كاين , شوفي انت اللي غادي تستعملي الايام الاولى كتجيك قاصحة تقولي للراجل يالله نقلبو على هادي راه خاصاني هادي خصوصا الى كان خدام راه
خاصك تجبيبي معاك ولو شويييييييية من داكشي اللي هتحتاجي النهار الاول
الماعن جيبي شنو تقدي تهزي اختي وشنو كتستعملي ماتجيبيش الكوكوط راه من بعض الضربة ديال بوسطن تمنعات الكوكوط في الطيارة هادي شفناها في الاخبار واحد السيد سعودي مسكين جاب كوكوط لقاهم ضايرين بيه في مطار ديترويت
الحوايج , جيبي لبسة ديال الصلاة ديالك , فولارة حياتي الى كتستعمليها الى دايرة الحجاب جيبي فولارات و بانضات و الكمام و شي لبيسات ديال الحجاب , حوايج الشتا كيكونو هنا مونطويات زوينين حتى للتحت و محترمين , جبيبي عباية او جلابة الى كتلبسيهم و ماتكتريش اختي من التكاشط راه ماكاين في تلبسيهم الا الى بغيتي شي قفيطنات للدار و حسب مافهمت يمكن دار نسابك هنا ؟ الى كانو المغاربة والنساب حداك هادي حاجة اخرى اختي
الكيس الصابون البلدي ديال الطاسة , الحنة , مشطة ديال المغرب كيف قالو ليك البنات , كيس ديال الضهر , الغاسول بيض او شنو كتستعملي في الحمام
البومادات كلشي كاين هنا ولكن نصيحتي اختي جيبي بوماداتك و ماكياجك اللي مولفة بيه هنا حتى حاجة ماجات معايا بمرة وجهي كيبان مخنوق مازال مالقيت الفوندوتاه اللي يجي معايا , الا الى كتستعملي شي ماركة امريكية راه هنا ارخص و احسن بلاما تتقلي
بالنسبة لحوايج التحت كيعجبوني ديال المغرب على هنا إلى بغيتي هنا شي كاليطي زوينة خاصك تحطي فلوس صحاح ماشي فحال المغرب كتلقاي مازال السوتيان ديال 300 ريال والله اعلم هادشي كيختلف حسب كل واحدة فاش كترتاح
الصبابط انا جبت ليبوط عمري لبستهم هنا في الثلج خاصك صباط ديال الثلج قاسح ماشي فحال المغرب و الشتا خاصك لي بوط فحال ديال الميكة , كاين الصباطة هنا باثمنة و كاليطي مختلفة الصنادل كدلكو في امريكا اغلبية كيلبسو السبرديلة , الى بغيتي تجيبي معاك شي بلغة للبلدي ان شاء الله
بيجامات , بصراااااااااحة كيعجبوني ديال المغرب , هنا كاينين دوك القصار زوينين في الصيف ولكن كاليطي ناقصة بزاف , سراول البيجامة ديال الفوطة حتى هوما زوينين , بينوارات خفاف و غزالين ولكن ماشي فحال المغرب خصوصا ديال مراكش كيجيو زوينين و مبردين في الدار اختي وانت ودوقك عاود
الى كتستعملي الديكاباج هنا مازال مالقيت فحال ديال المغرب كاين جولين ماشي مجهد كيخلي ليا حجباني حمرين , اما الصبايغ و ليميش و الترطيبة هنا كاينين زوينين و تصاوبيهم راسك في الدار , بروديوات ديال الشعر ماتهزيش ليهم الهم هنا
قران و حصن المسلم و كتب خفيفة ديال الطبخ و الديبلومات و عقد زواجك و الترجمة ديالو ماتنسايهمش و جيبي نسخة على الدوسي اللي دفعتي للفيزا كإحتياط و صافي
اه نسيت والى بغيتي تجيبي معاك دوا موالفة تشربي وقت الدورة , باكية ديال الويز اختي انا جاتني الدورة في المطار قبل من وقتها بسيمانة و تعدبت مزيان ولابسة كسوة , ديري حسابك اختي , و الى بغيتي تجيبي معاك انتي بيوتيك للضرسة حيت هنا خاصك تمشي للطبيب باش تشري انتي بيوتيك
الى هتجيبي لراجلك كادو ماتنسايهش اختي هههه شي حاجة بلدية
اه جيبي قرعة صغيرة من الزيت اللي تحتاجي اختي وبيني وبينك مالقيتش زيت بلدية ديال التغماس هههه ولكن سديها مزيان وممنوع تطلعيها معاك للطيارة خاص تبقا مع الباكاج , السفوف او الشباكية او حلوة اللوز ديريهم في كرطونة ديال لاطارط و هزيها في يديك الى ماعندكش التقل , هاكا شفت الناس دارو .
تضحكي عليا الى قلت ليك دابة شنو بغيت من المغرب هههه بغيت سي دي ديال الوندوز خاصني نفورماطي البيسي او نلوحو و مالقيتش السيدي هنا كاين غير لوريجينال او تمشي تخلصي زبالة فلوس عند المعلم . و بغيت السواك و المسواك و المسك و خمارة و فاني هههه هادشي كله كاين في امريكا ولكن فين انا ماكاينش خاصني نشريه اونلاين او نساين اختي تجيبو ليا ان شاء الله , راه عمرك تعرفي شنو ناقصك حتى تجي لهنا وتحتاجيه
سمحي ليا طولت عليك اختي و ديري في بالك انا عمري سكنت حدا العرب يعني يمكن تلقاي هادشي اللي قلت ليك جيبي في كونيكيتيت غير انا اللي ماعارفاهش كاين
هههههههههه واقيلا كل واحدة بقات تساين الثانية تفتح الدار وا تشردنا هههههههههه
لوفلي
تبارك الله عليك اختي مزيان والله تتلاهاي في حاجة مزيانة منين كتشري المواد هنا ؟
فريالة
ههههههه باش تشهيتيه بالتفاية ولا بالخضرة
مشكورة سمبوسة ، وإلهام على إفتتاح التجمع
عرفتي من داك النهار وانا نفكر في كلامك على اللحم ديال والمارت و خفت نهضر وتتقلقي ولكن ماقدرتش نسكت اختي و الى انا غلطانة صححو ليا و فيدوني , راه كنظن داك اللحم حرام اختي راه فحال الخنزير فحال اللحم اللي مامدبوحش شنو الفرق بينهم ؟ اللي اللي يمكن يكون حلال واقيلا هو الدبيحة يعني واخا يكون ديال نصارا او يهود خاصو يكون مدبوح ماشي ميت بطريقة ثانية هنا كيضربوهم بالضو او القرطاس و واخا يلقاو الدجاجة ميتة غادي يريشوها و يبيعوها , ماشي عذر انه الحلال بعيد عليك بساعة الا ربع حيت العذر هو نكونو كنموتو بالجوع وماكينش البديل اما راه كاين الحوت و البيض و الطون الله يجعلنا ناكلو غير العدس اختي ولا ناكلو ماكلة مدكور في القران انه ماشي حلال عافاك ماتقلقيش مني اختي راه هضرت حيت كنظن ماعرفتيهش حرام و الى كان عندك دليل انه حلال عتقيني بيه ديري فيا خير
يالا كاين شي شهيوات
