ماهي المشاكل التي تواجهيها في العطلة ديال المغرب؟؟

---

lhid hglah;g hgjd j,h[idih td hgu’gm ]dhg hglyvf?? Hojd Hovn Ho,hjd lkih hggd hggi hgH,g hgl,q,u hgh,g hgfv] hg]hv hgsghl hgwdt hg.,[ j[vfjd fvkhl[ ph[m ohwm .,[d ugn ugdi ugd;l tdih k]dv

مممممم بزااااااف أول حاجة المواصلات ثني حاجة تدي اللي تدي من كادوات إلا ماتلقاي إنتقادات سبحان الله تشري حتى تعياي ومني تجي تفرقيهم مايبان والوا والناس إلا كنت في الشارع خصوصا اللي رجالهم أجانب غادي يفهموني مالين الحوانت غي مني ماكان يبغيو يقولبوك ومسكين راجلي غي يقول بشحال يبداو
وزيد وزيد وكله كوم وماما مسكينه ديما ديروا علاش ترجعوا شريو دويره والمشكله الديور في المغرب دايرين بحال الحلم المستحيل لأنهم الأثمنه أوووووووووووف وكثير تايفكروا اللي جايين من الخارج راهم تيلقاو الفلوس في الشجر

69 مشاهدة وجواب 1 شكرا لك ام ابنتي على المشاركة ديالك

موضوع زوين شكرا كنتمنى المغتربات يدخلوا باش كل وحدة تقول تجربتها والراي ديالها

حتا انا زيديني معاك
انا المشكل الاول ديالي هو الرحيل مني كنبغي نسافر تبارك الله مع الدراري عندي 5
كنوحل غير في اللبس ديالهم كل واحد آش باغي يلبس كنحشم والله العضيم
دابا وليت نخلي حوايجي وحوايج راجلي عند ماما وكندي غيرحوايج الاولاد والتربية الصغيرة
والدوايات خصوصا عندي ولدي الصغير عندوا الحساسية ديال الماكلة كناخدليه شلا دوايات
غير الكاضوات وتبارك الله جوج عائلات وعائلة زوجي كبيرة تبارك الله خصك مدخليش وايدك خاوية
هي صراحة مفيها عيب لان الهدية موصي عليها النبي عليه الصلاة والسلام
ولكن بعض الناس الله يهديهم كيصحبليهم انك ملزمة بهاد الشي اللي كتجيبي
والى معجبهمش او جاهم هاداك الشي قليل تبقاي تسمعي الهدرة عليك والغميز حتى تمشي
الله يهدي الجميع وخلاص
وتاني حاجة {خليوها من بعد ونحكيها ليكم}

شكرا اختي قمر على التدخل ديالك والله يخلي ليك الوليدات يارب

والله كيما قالو الأخوات نفس المشكل سبحان الله ،ماتخلي ما تشري ،وفالاخير لي ماعجاباتوش شي حاجة يبقى ينقر. وإلا مادتي ولو عاود واحلى خرى ،و عودتني واحد الحاجة ،،الصرف واخا متصرفي ماكايبانش تقولي مانعرف شنو ،حتى حاجة مكتبان ،كانكون معولا نشر شي حويجة نجيبهم معايا فالأخير كتلك راسك يدك ف جيبك خاوي،و عاد غي لكلاسس ف دار قليل فين ماكانخارجو لشي بلاصى،أولى إلى مشيت عند الوالدة مسكينة كاتشريلي و تعطيني الله يخليهم لي هي و لوالد ،،،، شي بعض المرات منين كانراجعو لدارنا كانهاسبو شحال خسرنا كانلاكاو بلي ديك لفلوس دوزي بها أحسن عطلة ف مصر أولى تركيا ،أولى شي بلاصة خرى ؟؟؟؟؟؟؟؟و الله يهدي ماخلق و صافي

السلام عليكم أخواتي المغتربات كانتمنى تكونو فأحسن الأحوال و كنحب نشكر أختي zawji dodi على طرحها هاد الموضوع اللي فالصراحة أنا من دابا هازة الهم للعطلة الصيف الجاي الا بقينا فالحياة …
أنا نتكلم ليك من تجربتي واخة قليلة حيت مرة واحدة هبطت للمغرب من بعد زواجي فالمشكل الأول اللي لقيت هو السكن بحكمنا نزلنا عند أهل الزوج فكانت شوية القضية مرونة واخة عندهم الدار واسعة ولكن كل واحد شاد بيتو و ساد عليه, و حنا مابقى لينا غير الصالون حاطين فيه حوايجنا و كانعسو فيه ومالقيناش راحتنا و ماكايناش الخصوصية بحال دارك . حتى حوايجك كايبقى اللي دخل يشوف شحال من باليزة جايبة معاك و ماشي بحال الا كانت شي غرفة خاصة بيك كاتسدي على ذهبك و فلوسك و حوايجك هادي من جهة و من جهة تانية كثرة التنقل بحكم أهل زوجي بالرباط و أهلي بسلا و بقيت غادة جاية فديك الطريق بحال شي حمقة كانمشي لدارنا كايبداو أهل الزوج و جيبي لينا ولدنا نشوفوه غير نجي عندهم كايبداو دارنا حتى هما وا داك الولد حنا كاع ماشافناه هاد العام هههههه اوا و أنا و واحد الباليزة الصغيرة جامعة فيها بيجامتي و حوايج ولدي ماكاتخرجش من الطوموبيل بحال دوك النكافات ههههه
اوا والمشكل الثالت هو أني ماستافدتش نهائيا من العطلة ماسفرت ما درت والو حدي دارنا و دار راجلي حيت مشينا فالعيد لكبير و كلشي ساد هدي من جهة و من جهة ثانية كان البرد و الشتا و مادرنا حتى شي برنامج من قبل لذلك العطلة خرجات مممممم مانقولش 0 حيت كسبت شوفت أهلي و خوتي ولكن نقول 1 هههههه

الاحتياطات اللي قررت نتاخد باش مانوقعش ف بحال هاد العطلة الزينة هو أول حاجة نوصيو شي حد اكري لينا شي شقة واخة تكون غير غرفة و حمام و كوزينة قريبة من الدار واخة نخسرو شوية ديال لفلوس و لكن غنربحو راحتنا بيدما يرزقنا الله شي دويرة ديالتنا
تاني شي ندير برنامج أنا و راجلي نحاولو نمشيو عليه و نقسمو العطلة بين أهلي و أهلو و شوية لينا بوحديتنا نسافرو فيها لشي بلاصة نبدلو الجو
والحل الأخير هو مانبقاش غادة جاية بين أهلي و أهلو غانبقى نكلس سيمانة هنا و سيمانة لهيه باش منها أنا نلقى راحتي منها يشوفو ولدهم حتى يطلع ليهم فالراس اوا هذا ماكان هاد الساعة الا تفكرت شي حاجة أخرى نجي نزيدها ,,,,,
وشكرا على حسن انتباهكن هههه

السلام عليكم ورحمة الله وبركاته
اختي اولا شكرا على الموضوع الاكثر من رائع و اللي جا فوقته
الصراحة اختي المشية للمغرب قاصحة بزاف و العوامل كثيرة و متعددة
اولا الطياة غلاا بزاف خصوصا انا هبطت في الصيف
ثانيا البعد انا قلت ندير 2 طيارات احسن من 3 لكن بحال بحال تكرفست بزاف
مع ولدي كان صغير و قنط بقا تيبكي الطيارة الاولة كانت بخير الحمد لله
لكن الثاني تبهدلت بالمعقول حيت ديال المغرب مكرفسة بزاف و ناسها مقلقين
لا المضيفات و لا كلشي تقول خدامين تما بالجميل و مغ خدات الوقت تعدبت
و زيد في المطار تيبهدلو ليك الشوانط و باسلين بزااااااف
لكن هادشي كله نصبرو ليه نهار واحد مادى ما جاب المشكلة فاللي جاي

كيف قالو الاخوات تعياي ما تشري فالهدايا و فالتالي تيبان بحالي ما درتي واااالو
العائلات تبارك الله كبار و خاصك تديري الخاطر لكلشي و ما تنساي حد
او الفلوس سبحان الله كتطير في المغرب ما فهمتش علاش و لا كيفاش
انا الوالد ديالي الله يخليه ليا و يطولي فعمره عاوني بزاف مع هبطت بوحدي
هز عليا شحال من حاجة مسكين و تيقولي مالك خدامة ابنتي تطايسي على راسك
انا اللي هلكني مزيان الطريق انا فخريبكة و عائلة راجلي ففاس و بقيت غادية جاية
و الناس ما كتقدرش الظروف غير كتجي تيقولو ليك ايوا امتى تجي عندتل
و وليد مسكين صغير و الطريق طويلة بزاف و كان السهد مسكين تيوصل مريض و سخفان
بقيت في التالي كناخد طوموبيل كورسة تديني حتال فاس كنحط فيها فلوس صحيحة
لكن كلشي على قبل ولدي مسكين و على قبل ديك هز حط حيت كنبدل القطار فكازا