الرياض 15 لأنيقات أمريكا مستقبلا

السلام عليكم اخواني …

عدت لكم من جديد بناءً على طلبات العديد من الأعضاء في ما يخص فيزا زواج التي تسمى ب-

CR1

المهم سوف اشرح بالدارجة أفضل للجميع هه

لمهم اخواني أول حاجة ملي تتزوجوا و تاخدو عقد الزواج الزوجة ديالك غادي تده معها ال USA

و تدي معها عقد إزدياد ديالك و هادشي ترجموه باللغة الانجليزية في المغرب عند محلف حيت نهار الانترفيو

متعترفوش بالترجمة ديال أمريكا لابد ديال المغرب و غادي تدي معها صور ديالك ديال فيزا أمريكا العبار ديالهم هو 5/5 و غادي ت

imprimiw فورم I-130 لكيخص معلومات عليك ديال فيزا زواج و تسني فيه نتا و فورم G-325A

سني فيه و عطيه لها تجمعو مع الورق لوخرين لي غادة تدي معها لامريكا انشاالله .
غدين تقول علاش أنا نقلكم حيت هاد signature ديالك مهمة بزاف و لابد خصك ديمة تبقى تسني نفسها حيت نهار انترفيو غادة تكون واحد فورم سمتها DS-230 فيها واحد بلاصة خصك تسني فيها نتا قدام القنصل ديال أمريكا و خاص هاد signature تكون مطابقال signaturat لوخرين.

لدرتي فل FORMS
ملي بغيتي تدفع لهم دوسي ….

هاد النقطة فهمتو ها إو ندوزو الشرح دبى ملي غادة توصل الزوجة ديالك لي أمريكا غادي تعمر هدوك
FORMS لي سنيتي

سنيتي فيهم نتا و خصهم ميكنوش مكمشين فهمتو نعاود نكتبهم لك FORMS هما:

FORM I-130 ديال زواج
FORM G-325A ديال معلومات عليك نتا
FORM G-325A وحدة أخرى فيها معلومات على مرتك
FORM G-1145 هاد الفورم خصها دير فيه ايميل ديالها و إسم ديالها و
NUMBER PHONE ديالها إلى بغات شنو لهدف من هاد الفورم هاد الفورم تيسهل على مكتب الهجرة بش يتواصل معكم عبر الاميل إلى درتو هاد الفورم ملي غادي يتوصل بدوسي ديلكم غدن يصفة لكم
ايميل ف نفس النهار بلي توصل به و غادي يصفة لكم معه
CASE NUMBER ديلكم بش تبقاو تبعو دوسي ديلكم اونلاين أما في حالة مدرتوش هاد الفورم ف غادي تاخد لكم 20 يوم حتى شهر بش يجوبوكم بالبريد بلي راح توصلوا بدوسي ديلكم و يصفة لكم ال
CASE NUMBER

شفتو عصر السرعة كيف ولا هههه

مهم نكملو

ملي غادي تعمر هاد أوراق او تسني فيهم حتى هي غادي تجمعهم مع عقد زواج مترجم بإنجليزية و كوبي ديالو بعربية و عقد زدياد ديالك و ديالها مترجمين بإنجليزية و صور زوج لك و لها حتى هي و تكتب ورى كل وحدة إسم ديالها و كنية بقلم الرصاص و صورك فيهم اسمك و كنية ديالك من الوراء و دير الصور في انفلوب صغير غادة ديرو مع لورق كاملين .

و دير معاهم فوتوكوبي ديال باسبورت بالألوان ديال الزوجة و ورقة ديال الجنسية الأمريكية ديالها يلى عندها و هدشي كامل ديرو في انفلوب كبير و تغلقو و تخلص شيك ديال
420$

هداك الانفلوب غادة ترسلو ف اكسبرس للعنوان ديالهم راح كين موجود ف السيت تاعهم.

ملي غادي يتوصل بدوسي غدن يشوفو الأوراق او الصور إلى كان كلشي MRIGUEL
غادي يرسلوكم عبر الاميل كيف قلت فل أول و يصفة لكم السيت ل غادي تبعوا فيه الدوسي ديلكم
ONLINE
مهم بلا منتول عليكم حق سيت ديال FORMS
لابد تكون م
instali pdf فل pc تعكوم بش تقدر تقراو هاد forms

hako لفورم i-130 w g-1145

https://www.uscis.gov/portal/site/usc…0045f3d6a1RCRD

https://www.uscis.gov/portal/site/usc…0045f3d6a1RCRD

وهدى FORM G325A

https://www.uscis.gov/portal/site/usc…0045f3d6a1RCRD

هدا هو السيت ل تصيفت لكم مع الوميل الأول ديال immigration
ديلكم و تشوفو إن مرحلة كتب9و تدخل ليه و تدخل case number

ديلكم و تشوفو إن مرحلة وصلتو
case number تكون على هاد الشكل او على حساب الولاية ل

محسوب عليها كبدة بي ثلاث أحرف و كنتهي بأرقام

متلاً

wac2148500697 واك تعني ولايات كاليفورنيا

eac 1589648521 هادي تعني ولايات بوسطن والنواحي

هاهو السيت كدخل فيه case ديلكم كامل و تكلكيو على
check statut و تعطيكم لمرحلة فين وصلين

https://egov.uscis.gov/cris/Dashboard/CaseStatus.do

مهم ما بن فش كدفع دوسي حتى كتجكم الموافقة غدن تحسب 5 أشهر و بعد المراة ملي تكون دواسة بزاف تتوصل حتى ال-8 أشهر matfouthach
من بعد مكتجيك الموافقة على دوسي ديالك لي إسم ديالها approval بل english تخبرو زوجة ديالك بي الايميل

و تصيفت الدوسي ديالك من هداك المكتب المكتب الفيزا إسم ديالو هو nvc

national visa center

هدوك بدورهم ملي تتوصلو بدوسي ديالك تخبركم بميساج و من بعد 15 حتى 20 يوم تصيفتو لكم بش زوجة ديالك تخلص 88 دولار بشيك أولى فلوس عادي و ملي تيخدو فلوس ترسلها بش تسيفط لهم واحد form سميتو
affidavit of support
ديال الضمانة بش دمنك بأنها قادة عليك إلى مشتي الأمريكا ملي توصلو بيه تشوفو وش لمبلغ ديال التاكس ل طالبين هو هداك التاكس هو الضرائب ل تتخلص فلعام إلى كان هو هداك المبلغ ل هو 18.000$
هو هداك إلى مكانش وصلة ليه زوجة ديالك تطلبو لها دير vواحد أخر ل يدمنكم
ل هو sponsor
من بعد واحد 20 يوم مكملش ترسلوا المرتك بش تخلص 404$ ديال visa dialk

ملي كتخلسهة كطلبو لها أوراق تصفيتهم ليهم و هاد الورق نتا لي خصك تجمعهم و
TSIFTHOM المرتك او هي بدورها ترسلهم المكتب
nvc

هاد الوراق هم :

نسخة كاملة من عقد إزدياد ديالك مترجمة بلغة إنجليزية

عقد إزدياد إلى كانوا طالبين الأصلي في بعض الولايات
صور 5/5 ديال
VISA لك طبعاً

سجل عدلي ديالك تجيبوا من محكمة

حسن السيرة تجيبوا من لبوليس

هادشي مع ترجمة ديالو بإنجليزية

photocopie dial passeport dialk nta aw nti
و ترسلهم ليها في فيديكس أو HDL AW CHRONOPOST
حيت هما أضمن و عندهم طائرات خاصة يواصلوا لك شغلك في خلال 24 أو 48 ساعة ملي تتوصل بهم الزوجة أو الزوج
YSIFATHOM بي دورو ليهم L NVC

و متنساش ت إمبرمي ورقة ديال DS-230
و تسني في لبلاصة المخصصة لك خليها خاوية وترسلها مع الأوراق و ملي توصل زوجة ديالك تعمرها و تسني ف بلاص مخصصة لها أيضاً و ترسلها مع أوراق لوخرين ديال سجل عدلي ….إلخ

ملي يتوصل بهم مكتب NVC
بعض 2 حتى 3 اسابيع غادي يكملوا لكم CASE ديلكم و يغلقوه و يرسلوه لي CASABLANCA MOROCCO

للقنصلية الأمريكية في الدار البيضاء من بعض 2 حتى 3 اسابيع غدن يرسلوا لك انفلوب كبير فيه أوراق لي غادي تحتاج لل انترفيو و نتا بدورك غادي ت إمبرمي ورقة الموعد ديال انترفيو من ايميل زوجة أو زوج ديالك هي بش غادي تدخل للقنصلية نهار انترفيو

مني غادي تتوصل بهداك انفلوب او تفتح غادي تلقى فيه أوراق لي غادي تدهم معك الانترفيو و أسامي أطباء لي غادي تمشي عندهم بش دير دوسي مديكال غادي تختار واحد فيهم او تتاصل بيه بش تحدد معه موعد قبل الانترفيو و تمشي دوز مع 8 صباح عند طبيب غادي تحتاج فلوس شي 1700 درهم و كارت NATIONAL
كوبي ديالها و صور ليك إحتياط

ودي معك ورقة لموعد ديال كونسل تقدر تحتاجها و متنساش تدي معك باسبورت ديالك الطبيب

ملي تكمل من طبيب غادي يعطيك دوسي كبير او يقولك متفتحوش بعض أطباء تقولو لا غير سير حتى نسفطو لكم دوسي ال CONSULA نهار انترفيو لكن أكد عليه باش تدي دوسي ديالك في يداك حيت كين لي مترسلوش او تيلقى مشكل هداك لي تيدوز انترفيو راح هداك DOSSIER MEDICAL
اخواني فيه كلشي هو مصيرك كامل

مهم حافض على دوسي مزيان

غادي تبدا توجد ف أدلة لي هما صور لك مع زوجة ديالك و العيلة ط هي و صور لعرس إلى درتوه أو خطوبة هادشي كامل ديرو ف ألبوم منضم وجد RECU فلوس إلى كانت كتسفت ليك
وجد CONVERSATION
إلى عندك SKYPE OR YAHOO OR MSN OR …..ECT
وجد شي صور صورتيهم من
PC ديالك متلاً ملي كنتو كتهدرو او دايرين لا كام صور هديك صفحة من كلافي ديالك راح سهلا و خبيها عندك مهم أي حاجة كتعلق بالزوجة جمعها باش تديهة معك
VIDEOS وبورتابل متدخلش ال CONSULA نهار انترفيو و حتى ماجيك جاك لي عندو مكدخلش

عرف كل ما يخص زوجة ديالك خصوصاً ركز على FORMS لي عمرت لهم تسولوك منهم حفظم مزيان

ملي تجي نهار انترفيو خصك تكون حدا باب الكونسول مع 7.30 صباح

تكون هز معك أدلة كاملين و ورقة ديال انترفيو

توقف غادي تمشي عند واحد بوليسي يشوف لك
CONVOCATION ديالك او يبحت على إسم ديالك في اللائحة من بعض يقولك قطع الشارع و شد الصف مع الناس ديال فيزا زواج دكشي لي غادي دير تبدو يدخلوا ب-5 ب-5
غادي تدخل الواحد
BUREAU فيه بنت او ولد غادي تحت لهم دكشي لي هز معك بحال
PORTABLE CDS ……ECT

و تدخل معك غير لوثائق و ألبوم و أوراق لي جمعتي صافي

غدن يعطوك واحد رقم باش ملي تكمل انترفيو او تخرج تدوز عندهم باش ترجع لهم رقم و يعطوك دكشي لي خداو ليك

مهم غادي تدخل لقنصل كاملة بوليس ملي تدوز من حدا بوليس ضحك عادي بحل
ماكين والو غادي دوز من واحد باب كبير و باب تاني و باب
TALITH غادي تلقاه كبيرر بزاف ديال لحديد غادي تلقاه على ليسر ديالو SONNET
GHADI TSONI FIH

ديالو و تدفع باش يتحل و تدخل غادي تلقى كراسة بزاف و GUICHIYAT

غادي تجلس

غادي يعيط لك رجل أولى بنت يسولوك إنا فيزا عندك وش مرتك فايت فيها زواج أو لا باش مشت الأمريكا إنا وسيلة

غادة تغلق إنا عام فش مشت مرتك أمريكا هادي إلى مكنتش أمريكية من بعض غادة تصلك عطني أوراق نشوف تعطيها و متنساش تدي معك صور ديال 5/5

ديال فيزا نهار انترفيو غادة تاخد من عندك صور و تقدر تطلب منك
LES TAXES كوبي ديالهم و غادة تطلب منك كوبي
ACT ديال زواج بعربية وشي وراق و تصلك سير جلس ف بلاستك بن ما عيتات عليك الأمريكية
من بعض ساعة أو زوج على حساب قطعيات لك الأمريكية GUICHET

تصلك إنا لغة بغي تتكلم إلى مكانش عندك فرنسي أو إنجليزي كيجبو لك مترجم هدى في حالة أنا مرتك كتهدر هاد اللغاة

أما إلى كانت مرتك أمريكية الأصل ف لابد تتكلم باللغة أمريكية مكينش مترجم والو

مهم غادة تسولك نتا او زهرك او عند من تحتي أغلب اسئلة هي

إسم ولقب زوجة كيفاش ق YTNTA9

تاريخ إزدياد زوجة

كيفاش تلقتو إلى كان عن طريق الشات غادة تسولك إنا موقع دكشي معمرة زوجة ديالك فل FORMS و عندهم تيشوفو منو متكدبش عليهم حيت ماشي ف صالحك

إلى كانت مطلقة شنو إسم زوج سابق إزدياد ديالو عندهم ولاد سن ديالهم زوج تليق شنو كان لعمل ديالو ….إلخ

غادي تسولاك على لعمل ديال زوجة ديالك و فين

او وش رضي على هديك خدمة

واش ناوي دير ف أمريكا يلى مشيتي

العيلة ديال زوجة ديالك غادي يسولوك عليها بعض اسئلة عرف عليها كلشي

KHOUTHA ولديها …

إلى كان فريق سن بينكم كبير وش داركم قابلين على هاد العلاقة و فرق سن

و علاش بضبط هاد السن

بعض مرات تسولو على رقم هاتف و عنوان زوجة أو زوج

كيفاش بدات علاقة ديلكم و طورت حتى وصلت لزواج

أرى نشوف ألبوم صور ديلكم تعطيه يشوفو

و دلائل إلى طلبهم منكم و يقولك مبروك رجع خود
VISA بعد 2 أيام مع 3
لعشية و يعطوك
RECU

باش تخوضها و باسبورت تبقى عندهم حتى تترجع تاخد مع فيزا و دوسي ديالك

ملاحضة متبينوش انكم مخلوعين فل انترفيو جواب سوال جواب على قد سوال متبقاش تفلسف راح تجبها فراسك

و بتاسم متبقاش مكشر بحالة حازن على حرب عالمية
TALTHA

مهم ملي ترجع تاخد فيزا

و تقرر تمشي أمريكا خاصك ملي تطلع طيارة تبقى هز دوسي ديالك و حاول متفتحوش و حافض عليه مزيان ملي توصل مطار أمريكا غادي دوز من صف ديال ناس لي جايين جداد مع ترست تعطيهم دوسي و يصورك و تسني و دير بصمات

و تمشي مكتب أخر دير بصمات و تحط دوسي لهم و عنوان ديال مرتك فين غادي يصفة لك جرين كرد و تخرج باش تاخد BAGGAGE ديالك تكون DEJA عندك 5$ تمن ديال KAROUSSA لي غادي تهز فيها BAGGAGE
ديالك و

تخرج من مطار و هانتا في أمريكا هلو أمريكا

متنساش تدي معك عقد زدياد مترجم غادي ملي توصل أمريكا تدفعو بعد أسبوع من الاقامة ديالك فيها ال
SOCIAL SECURITY لي هو الضمان الاحتماعي

نتمنى نكون فدتكم OLAH حتى عييت او قتلني نعاس لكن قلت نكمل لكم هدشي انود نعاس في سبيل الله إو دعو معايا الله يجمع شملي بزوجي فالقريب يا رب و الله يسهل علي راح دعاء الغائب مستجاب تبركلة عليكم

هادو عناوين الدكاترة لتخطت منهم واحد تمشيو عندو

Dr. Alain Guidon
6 Rue Mohamed Ben Ali
(Ex. Jean Juares)
Quartier Gauthier
Tel: 522-26-71-53

Dr. Khadija Zirari
29 Rue Taha Houcine
Quartier Gauthier
Tel: 522-49-16-80/81

Dr. Abdelouahed Ambari
14 Bd Ain Taoujtate
Imm Riad 2eme Etage. Bourgogne
Tel: 522-26-89-73

Some doctors will forward your medical results directly to the Consulate but some will give you the packet to take to the interview yourself. The envelope will be sealed and instructions will be given NOT TO OPEN it.

واحد القضية ما قلتهاش

بالنسبة لمتزوج مدة ديال عامين لتحت غادي ياخد فيزا green card ديال عامين لكتسمة cr1

و لمتزوج أكتر من عامين هديك cr1 كتحول ل-ir1 لهي جرين كرد 10 سنوات

iwabsa7to li mtzwj ktr mn 3amayn

w hadoy lwatha2i9 li kadf3ou b anglais

Petitioner’s (USC) Documents:

1 Passport Style Color Photo (See Specifications)
Birth Certificate
US passport
Naturalization Certificate
Marriage Certificate
Prior Marriage Termination Documentation (Divorce certificate(s), Death certificate(s) etc. if applicable)
Employment Letter
Last 3 years of personal tax returns (i.e. Federal IRS Form 1040) Best to have tax tran–SS–s from the IRS
Last 3 years of W-2s
Evidence of Assets: Deeds, Bank Account statements, etc. (Needed if petitioner does not clear the poverty threshold and needs to count assets toward this threshold)

Beneficiary’s (Foreign Spouse)Documents:

3 Passport Style Color Photos (See Specifications)
Birth Certificate
Copy of current and valid Passport (all pages)
Police Certificate(s)
Prior Marriage Termination Documentation (Divorce certificate(s), Death certificate(s) etc. if applicable)
Military Records (if applicable)
Court and Prison Records (if applicable)
Deportation Documentation (if applicable)

بنسبة الهاد الموضوع ديال صديقة ديالي يالله تزوجت بأمريكي و هاد مراحل كلها

حتى على مغربي متزوج بأمريكية

لمساعدة البنات اللي مقبلات على الزواج من أجنبي في فهم الاجراءات و معرفة الوثائق المطلوبة فأنا عملت مشاركة شاملة على المراحل كلها من الألف الى الياء و اتمنى مشاركتي تفيدكم لاني استفدت بزاف من المنتدى قبل ما نبدأ في الاجراءات الزواج حيت راجلي أمريكي الجنسية من أصل سوداني لكن المهم أن عند جنسية أمريكية يعني أمريكي دبا

و أنا الحمدلله الان درت العقد, الاجراءات ماشي صعبة غير لازم الواحد يكون موجد أوراقه كلها, أنا عملت الاجراءات في 4 أيام, ابديت يوم الاثنين و يوم الخميس مع 12 خديت الموافقة, ولكن للصراحة أنا كانت عندي معرفة في المحكمة و عند البوليس, تقريبا عطيت 1000 درهم ديال الرشوة, ربي يسمحلينا, مكرهناش منعطيوش حتى ريال لكن الوقت كان ضيق و كان لازم نكمل كلشي في 5 أيام

بالنسبة للاجراءات, يمكن يكون اختلافات بسيطة من مدينة للثانية لذلك من الأحسن من كل وحده تتأكد في المدينة اللي هي ساكنه فيها واش الاجراءات هي نفسها, انا من مدينة الدارالبيضاء.

نبدأ بالوثائق, هناك مطبوع كيتخاد من محكمة الاسرة بشارع الزيراوي فيه كل الوثائق المطلوبة, و انا نقلته ليكم حرفيا , أنا هذا خديته قبل بشهرين و بديت كنوجد الوثائق بشويا عليا و درت الترجمة و لما كملت جميع الوثائق ديتهم لمحكمة الزيراوي في مكتب الزواج المختلط و وريتهم ليهم واش كاملين باش ماشي حتى نمشي لعندهم فاش نبغي نبدأ الاجراءات عاد يرجعونا على شي ورقة خصوصا الى كانت هاد الورقة خاصه يجيبها الراجل معاه من برا, لذلك نصيحتي هو تجمعوا الاوراق كلها قبل و تتاكدوا من المحكمة باللي ما ناقصكم حتى حاجة ديك الساعة عاد ممكن تحددوا مع خطيبكم الوقت اللي يجي فيه و نقطة مهمة اخرى لازم كل الوثائق تكون التواريخ ديالها جديدة يعني ما شي اكثر من 3 أشهر

وثائق الزواج المختلط

بالنسبة للطرف الأجنبي

1- طلب موجه الى السيد قاضي الأسرة المكلف بالزواج بالمحكمة الابتدائية بالدارالبيضاء

2- شهادة الكفاءة للزواج مسلمة للطرف الاجنبي من طرف سفارة أو قنصلية بلده بالمغرب مصادق عليها من طرف وزارة الخارجية بالرباط ( باستثناء شهادة الكفاءة الصادرة من السلطات الفرنسية)

3- شهادة السجل العدلي المركزي الخاص بالأجانب, مسلم من المصلحة المختصة بوزارة العدل المغربية بالرباط

4- شهادة عدم السوابق العدلية مسلمة للطرف الأجنبي من السلطات الوطنية لبلده, أو بلد اقامته

5- شهادة تثبت دخله و مهنته

6- شهادة الجنسية للطرف الأجنبي مسلمة من طرف السلطات الوطنية لبلده او المصالح القنصلية لبلده المعتمدة بالمغرب أو بلد اقامته

7- صورة من بطاقة التعريف الوطنية للطرف الأجنبي مصادق عليها من طرف سفارة أو قنصلية بلده بالمغرب.

8- صورة من جواز سفر الطرف الأجنبي (6) صفحات الأولى و كذا الصفحة التي تثبت تاريخ دخوله للمغرب.

9- رسم الاسلام للطرف الأجنبي الذكر

10- اشهاد بالديانة مصحح الامضاء بالنسبة للطرف الأجنبي الانثى أو رسم الاسلام

11- حكم نهائي بالتطليق في حالة الطلاق أو رسم الطلاق

12- شهادة طبية قصد الزواج تتضمن رقم جواز السفر

13- نسخة كاملة من رسم الولادة حديثة العهد

14- أربع صور فوتوغرافية

بالنسبة للطرف المغربي</b>

1- شهادة ادارية معدة لابرام عقد الزواج

2- نسخة كاملة من رسم الولادة حديثة العهد

3- شهادة طبية قصد الزواج تتضمن رقم البطاقة الوطنية

4- أربع صور فوتوغرافية

5- نسخة من بطاقة التعريف الوطنية

ملاحظة: ترجمة جميع الوثائق المحررة بلغة أجنبية باستثناء الفرنسية

أول حاجة لربح الوقت المفروض كل وحده خطيبها مقيم في دولة أجنبية تطلب من خطيبها يبعث ليها بالوثائق اللي محتاجة ترجمة باش ترجمهم قبل ما يجي , كل الوثائق اللي من غير الفرنسية محتاجة ترجمة

بالنسبة لتكاليف الترجمة أكيد كتختلف من مترجم للثاني , بالنسبة ليا انا ترجمت شهادة العمل ب 150 درهم و السجل العدلي الأجنبي ب 200 درهم و شهادة الكفاءة و الجنسية ب 150 درهم و شهادة الطلاق ب 200 درهم

حيت راجلي كان مطلق.

بالنسبة ليا باش نربح وقت, راجلي كان سيفط ليا مع الوثائق ديالو توكيل رسمي باسمي باش نجيب ليه السجل العدلي من الرباط لان السفارة ديال بلاده كاينه في الدارالبيضاء و ما كانش ضروري نمشيوا للرباط, لان المصادقة على شهادة الكفاءة ممكن يديرها اي حد, بالنسبة لينا احنا ما مشيناش للرباط, سيفطنا الاخ ديالي هو اللي دار المصادقة

مع التوكيل غادي تدفعوا فوطوكوبي شهادة ميلاد الزوج و فوطوكوبي الباسبور الزوج الصفحات الاولى و صفحة ديال الاختام الى كان سبق ليه زارالمغرب و فوطوكوبي البطاقة الوطنية ديالكم و تنبر مخزني ديال 10 دراهم و غادي يعطيوكم ورقة تعمروا فيها معلومات عن الزوج: الاسم الشخصي, الاسم العائلي, اسم الأم, اسم الاب, المهنة, الحالة العائلية, العنوان في المغرب (غادي تكتبوا العنوان ديالكم),

غادي تدفعوه و غادي يقولوا ليكم رجعوا من بعد , انا دفعته مع 09.30 و خديته مع 11.45

و هذا هو نموذج التوكيل

توكيل رسمي

أقر أنا الموقع أدناه******, ******* ******, الجنسية والحامل لجواز السفر رقم ******* صادر من ******** بتاريخ ********* و المقيم حاليا في *********باني قد وكلت خطيبتي الانسة ********** الحاملة للبطاقة الوطنية رقم ********** المقيمة في العنوان التالي******************** وذلك في اتخاذ كافة الاجراءات اللازمة لاستخراج السجل العدلي الخاص بالاجانب باسمي لدى مصلحة السجل العدلي الوطني ( مديرية الشؤون الجنائية و العفو) بوزارة العدل بالرباط

حرر ب ******* **********بتاريخ *******

الاسم ****** ******

التوقيع

بالنسبة للطلب الموجه لقاضي الاسرة , هذا نموذج ممكن تستعملوه ,غير تطبعوه و تمضيوا فيه من غير ليكاليزاسيون و بالنسبة للنسخ اللي غادي ديروا للوثائق الاصلية حتى هيا ما تحتاجش ليكاليزاسيون

طلب</b> الإذن بالزواج المختلط

إلى السيد قاضي قضاء الأسرة

لدى ابتدائية الدار البيضاء الكبرى

سيدي القاضي,

:يتشرف السادة

الانسة **************** المغربية الجنسية, الكائنة ب *****************,

**************** الحاملة لبطاقة التعريف الوطنية رقم

السيد **************</b>, ************ الجنسية, الحامل لجواز السفر رقم ************* المقيم بالديار **********, الكائن حاليا ب =نفس عنوان الخطيبة=

: بأن يرفعا الى كريم عليكم ما يلي

أنهما يرغبان في اجراء زواج مختلط بينهما خاصة و أن الوثائق التي تتواجد بين أيديهما تثبت صفتهما و عنوانهما و كذا جنسيتهما.

و حيث أن العارضان وفقا لمدونة الأسرة يتقدمان بهذا الطلب من أجل الحصول على إذن بإجراء زواج مختلط بينهما.

و حيث أن الزوج يتوفر على الوثائق التي تثبت صفته, مما يجعل طلبه وجيه و له ما يبرره من الواجهة القانونية.

لهذا</b> و من أجله,</b>

يلتمس</b> العارضان من محكمتكم الموقرة بكل احترام,</b>

بناءا على الوثائق المرفقة

بناءا على قانون مدونة الاسرة

إعطاء إذن بـالزواج المختلط

إعطاء أمر بـاتمام الزواج المختلط

و تقبلوا سيدي القاضي فائق التقدير و الاحترام

الإمضاءات

الانسة****************** </b>السيد ****************</b>

بالنسبة للنموذجين , تعمروا مكان النجمات بالمعلومات الشخصية ديالكم

بالنسبة لليوم الاول الاثنين , اول حاجة عملناها, مشينا القنصلية باش ناخذوا شهادة الكفاءة,بالنسبة لشهادة الكفاءة للزواج راه كل قنصلية أو سفارة عندها القانون ديالها , يعني من الاحسن تتصلوا و تسولوا على الوثائق اللي خاصكم تديوها معاكم باش تاخدوها و كذلك الثمن ديالها و كذلك واش الحضور ديال الزوجة ضروري او لا

بالنسبة للحالة ديالي, في القنصلية الأمريكية الحضور ديالي مكانش ضروري, هو اللي دخل وحده, طلبوا ليه الباسبور فقط و 60 دولار اللي خلص اعطاونا ورقة وحده فيها شهادة الكفاءة و الجنسية و نسخة موثقة من الباسبور, خداهم في نصف ساعة

من بعد عطيناها للأخ ديالي هو اللي مشى للرباط باش يصادق عليها في وزارة الخارجية يعني انا و راجلي ما مشيناش للرباط, و هناك الامور تيسرت بسرعة لان الاخ ديالي كيعرف واحد السيد اعطاه 300 درهم و خذاها في نصف ساعة

بالنسبة لمكاتب التصديق التابعة لوزارة الخارجية فهي موجودة في مدن اخرى ماشي غير في الرباط, و هادي هي العناوين و ارقام التلفونات

الرباط 8زنقة تطوان حسان تلفون 037766102

اگادير عمارة بنك الوفاء شارع الحسن الثاني الانبعات الطابق الاول تلفون 048823819

الناظور عمارة درديز شارع الحسن الثاني الطابق الاول تلفون 056334322

بني ملال 33 شارع محمد الخامس الطابق الاول تلفون 023424619

طنجة 44 شارع طارق بن زياد عمارة بنك الوفاء الادريسية الطابق الاول تلفون 039956587

في الوقت اللي كان الاخ ديالي في الرباط مشينا انا و راجلي لعند الطبيب باش ياخد شهادة طبية لاني انا كنت خذيت ديالي قبل لا يجي, خلصنا 150 درهم للشهادة, بالنسبة ليا انا كنت درتها في مستشفى ديال المخزن مجانا

من بعد مشينا للمصور خذينا صور ليا و ليه, كيعطيوك 8 و لكن ما غادي تحتاجوا غير ل 4

ماللي جا الاخ ديالي من الرباط, اتلاقينا عند المترجمة , اعطيتها الكفاءة ترجماتها ليا في البلاصة حيت هو نموذج واحد غير الاسماء و المعلومات اللي كيتغيروا

يعني اليوم الاول مع الساعة الثالثة كانوا اوراقنا كلهم جاهزين و لكن كان فات الحال باش نمشيوا ندفعوا في المحكمة

المهم عملت 4 نسخ للاوراق كلها بما فيها الطلب الموجه للقاضي , يعني في المجموع تيكون عندكم 5 ملفات, ملف أصلي + 4 ملفات نسخ, و ما فيها باس ديري 5 نسخ باش تبقى عندك نسخة تحتفظي بيها و لازم تكون الاوراق منظمة بنفس الترتيب اللي عاملين في ورقة الوثائق المطلوبة, انا الحمدلله كنت رتبتهم بلا ما يقولوها ليا و ماللي دفعتهم الموظف المكلف جاته القضية ساهلة و دغيا تأكد منهم, لاني شفت ناس اخرين تيقولوا ليهم رجعوا ستفوا الاوراق مزيان عاد دخلوا دفعوا الملفات, و كانوا ناس سابقينا في النوبة و لكن لان الملف ديالنا كان مستف مزيان اوراقنا تقبلت قبل منهم

المهم اليوم الثاني الثلاثاء مشينا للمحكمة مع 8 و ما خلاونا ندخلوا حتى ب 8.30, عطاونا ارقام كل واحد على حساب نوبته , ماللي عيطوا علينا دفعنا الملفات و تأكد منها الموظف واش كاملة و من بعد طلب منا نتسناوا في غرفة الانتظار, اتسنينا تقريبا ساعة و من بعد عيطوا علينا و طلبوا مني البطاقة الوطنية و منه الباسبور تأكدوا منهم و رجعوهم لينا و اعطاونا ورقة فيها المعلومات ديالنا وقعنا عليها و من بعد اعطاونا ظرف مغلق طلبوا منا نديوه لوكيل الملك لدى المحكمة الابتدائية قسم قضاء الاسرة و هي موجودة في الحبوس, المكاتب موجودة في الطابق الثاني

لما وصلنا لتما اعطيناهم الظرف و طلبوا منا نتستناوا تسنينا تقريبا نصف ساعة و من بعد طلبوا منا الهويات ديالنا تأكدوا منهم و رجعوهم لينا و طلبوا منا نوقعوا على واحد الورقة و من بعد اعطاونا ظرف ثاني نديوه لولاية الامن اللي موجودة في الزرقطوني

و مرحلة البوليس هي اصعب و اهم مرحلة, الى مكانش عندكم معرفة او شخص يوقف معاكم راه يمكن يبقى الملف ديالكم عندهم اسبوع كامل, المهم احنا الحمدلله الاخ ديالي كان تيعرف واحد السيد تماك و هو اللي وقف معانا

المهم فاش كتوصلوا لولاية الامن, تطلعوا للطابق السادس, تما كتبدا الخلعة, تيدخلوك لمكتب انتي و ياه , و تيطلبوا منكم نسخة من الملف و تيبداوا في الأسئلة, اشنو سميتك , فاش خدامة, واش فايت ليك تزوجتي, و حتى هو تيسولوه نفس الاسئلة و تيسولوه من أي جنسية و من بعد سولونا كيفاش تعارفنا و سالوا راجلي واش ماللي خرج من بلده الأصلي و مشى لأمريكا واش باش يقرأ و لا لاجئ سياسي و لا هارب من الحرب ومن بعد دوزونا لمكتب ثاني باش يكتبوا البحث على الكمبيوتر, لو ما كانش عندنا اللي يوقف معانا كانوا كتبوا الاجوبة في ورقة و قالوا لينا رجعوا من بعد باش يكملوا البحث و من بعد عاد يكتبوه في الكمبيوتر لكن احنا هداك اللي كمل معانا البحث كان تيسولنا و يكتب الاجوبة مباشرة على الكمبيوتر

المهم بدا بيا انا الاولى, الاسم, اسم الاب و الام, العنوان, اشنو درستي تيسولوك من الباكالوريا و امتى اخذيتي كل شهادة و من اي جامعة او معهد و من بعد فاش تخرجتي اشنو درتي, شحال ديال السطاج دوزتي و فين خدمتي و كلشي هادشي خاص تعطيهم التواريخ بالضبط و أسماء الشركات و سولوني شحال كنتخلص, و من بعد عاود سولني كيفاش تلاقينا و ماللي قلت ليه عن طريق صديقة ليا قالي اشنو سميتها و كتبوا سميتها في التقرير و سولنا شحال هادي باش كنعرفوا بعضياتنا

من بعد فاش كمل المعلومات ديالي داز المعلومات ديالو سأله نفس الأسئلة اللي سولني , و جاب الله كنت جايبه معايا السي في ديال راجلي لانه تيبغيوا التواريخ بالتدقيق و اسماء الاماكن اللي درس فيها و اشتغل فيها و راجلي كان تياخذ وقته باش يفكر فكنت تنشوف في السي في و كنعاونه باش يتفكر

بالحق هداك اللي دار معانا البحث كان ضريف و بدا كيمزح مع راجلي و قاليه ركز معايا شويا يا السوداني لان زوجي بعد المرات كان كيزلق ليه لسانه و تيبدا يتكلم بالانجليزية ومن بعد قاليه انا بغيت نعرف اشنو السر عند السودانيين, كلشي هدوك اللي درت معاهم البحث تبارك الله ناس مثقفين و عندهم شواهد عليا, فراجلي قاليه لان نظام التعليم عندنا مزيان

المهم فاش كمل كلشي المعلومات الشخصية, ايوا و هو يبدا في الأسئلة المحرجة, انا حشمت مزيان قدام راجلي, سولنا واش عندنا علاقة جنسية مع بعض, يكما انا حاملة قلنا ليه لا هادشي مكاينش حنا تنقلبوا على الحلال فقط و سول راجلي ياكما عنده علاقات في امريكا و راجلي قاليه استغفر الله , احنا ناس ديال الحلال ماشي ديال الحرام راجلي ماللي خرجنا من البحث قالي معرفتش علاش تيركزوا على هاد السؤال قلتليه ما عرفتش حتى راه بحالي بحالك تفاجأت ماللي طرحه عليا

و سولنا بأي طريقة كنهدروا قلنا ليه بالتلفون و الانترنت و من بعد سولني واش انا منظمة لاي جمعية أو حزب سياسي قلتليه لا انا اصلا السياسة مكنفهش ليها, سولني واش كتصلي في المسجد, قلت ليه انا كنصلي في الدار و المسجد كنمشي ليه غيرفي رمضان لصلاة التراويح و سول راجلي اشنو نوع الاصدقاء اللي عنده في أمريكا واش عرب قاليه تقريبا اصدقائي الاغلبية أمريكيين لان المنطقة اللي فيها مفيهاش العرب بزاف, و قاليه واش كتمشي المسجد تماك قاليه تنمشي الى كان عندي الوقت و نيت تنتلاقى فيه مع واحد المغربي و هو يسولوا وداك المغربي ملتحي قاليه راجلي لا ماشي ملتحي
صافي من بعد و هو يرجع عوتاني لداك السؤال المحرج و قلنا ليه راه ما كاين والو, صافي و طلب منا نتسناوا برا حتى كمل التقرير و طبعه, صافي و هما يقولوا لينا باللي مبقاش الوقت باش يصيفطوه لمحكمة الحبوس, حتى للغد مع 12 و نلقاوه في المحكمة.
صافي الغد يوم الاربعاء مشينا مع 12 للمحكمة, لقينا الموظفين دايرين اضراب و لما سولنا واش جا تقرير البوليس ديالنا قالوا لينا ما زال ما جا , صافي بقينا تنتسناوا شوية, و الاخ ديالي اتصل بولاية الامن قالوليه باللي التقرير خاصه امضاء واحد و باللي الشخص اللي غادي يمضيه عنده اجتماع , صافي و احنا نخرجوا من المحكمة و مشينا لولاية الأمن و تما بقينا تنتسناوا حتى ل 3 و مع ذلك التقرير متوقعش, فالسيد اللي تاما وعدنا باللي الغذ في الصباح غادي يسفطوه للمحكمة , انا تخلعت مزيان, قلت صافي الوقت مغاديش يقدنا بما انه المحكمة عاملة اضراب و البوليس مازال ما بعثوا التقرير, يعني اليوم الثالث مدرنا فيه حتى حاجه كله كان غير انتظار في تقرير البوليس

اليوم الرابع يوم الخميس مشينا للمحكمة مع 9 و لما سولنا على التقرير قالوا لينا غير تسناوا راه مازال ما جا الكورسيي ديال البوليس, تسنينا تقريبا شي نصف ساعة و هو يجي التقرير, صافي في البلاصة المحكمة صوبوا لينا شغلنا و طلبوا الهويات ديالنا و عطاونا وقعنا و عطاونا ظرف مغلق باش نديوه للقاضي المكلف بالزواج, خرجنا من المحكمة مع 10 و مشينا لمحكمة الزيراوي , تما عطيناهم الظرف و طلبوا منا نتسناوا و عطاونا ورقة ديال طلب الاذن بتوثيق الزواج عمرنا فيها معلومات عليا و على راجلي صافي قالوا لينا تسناوا حتى يطلع القاضي على الملف و يمضيه, ماللي وصلات 11.30 عيطوا لينا, و طلبوا الباسبور ديال راجلي و البطاقة الوطنية ديالي , اعطاونا مضينا على واحد الورقة, و من بعد عطاونا 2 روقات باش نعطيوهم للعدول اللي غادي يعقد لينا , ورقة اذن بتوثيق عقد الزواج و ورقة اذن بزواج معتنقي الاسلام و الاجانب , صافي و قالوا لينا على سلامتكم و الله يكمل بخير

و يوم الجمعة مع 10 الصباح مشينا لعند العدول و دينا معانا الملف اللي فيه الوثائق كلها وكتبنا العقد, بالنسبة للعدول خلصناه 600 درهم

صافي و يوم السبت درت حفلة صغيرة باش يكونوا عندي تصيورات الى بغيت ندفع الفيزا و يوم الاحد مع 5 ديال الصباح راجلي مشا المطار, يعني الاسبوع داز كله في جري عليا نجري عليك و لكن حمدت الله و شكرته انا كلشي داز مزيان و خدينا الموافقة بسرعة

هادي هي التفاصيل ديال الاجراءات كلها اللي دوزتها و نتمنى نكون فدتكم و امانة اللي دخلت تدعي معايا الله يسهل عليا امور الفيزا باش نلتحق براجلي في القريب العاجل ان شاء الله و الله يكمل عليكم ما نويتوا في خاطركم

المهم بعد الاضافات ؛

لكن خاص شرط ترودو ليه البال لي هو

الى كان السيد لي غادي تزوجوا بيه امريكي مولود في امريكا ماكيجيبش شهادة الاقامة .

الى كان السيد نصراني و عاد سلم كيجيب شهادة الاسلام ساهلة كتصاوبيها عند العدول كيقول ليه قل الشهادتين و كياخد 500 درهم او اكثر او اقل مع انه الشهادة مجانية في القانون و كياخد الصور و العدول اللي كيدفعها للمحكمة و يصاوبها . الى كان السيد مسلم من مدة كيدير شهادة تأكييييييييييد الاسلام ماشي اعتناق الاسلام كيسولو اسئلة بسيطة في الدين و صافي كتتسناي الشهادة تتصاوب ..

الى كان مطلق كيجيب ورقة الطلاق معاه احنا خداو لينا الاصلي .

الاوراق بالانجليزية كيكونو كثار ماتترجميش اي حاجة الا الورقة اللي مكتوب فيها الخلاصة ديال الورقة مثلا السجل العدلي اللي كيجيب من تما في اوراق بزاف و البصمات ولكن ورقة واحدة اللي مكتوب فيها باللي السيد ماعندوش اي متابعة قضائية هي اللي تترجمي للعربية و تلصقي معاهم الاوراق الانجليزية .

الى عند السيد الوقت لالالالالالالالاداعي يدير الوكالة باش تاخد السجل العدلي لانه كيوجد في 3 او 4 سوايع على الاكثر كتدفعي مع 9 كياخدو مع 11 و نص او 12.

نتمنى تكونو استفدتو من هاد الموضوع او زواج مبروك انشاالله نفرحو بكم فل فيزا.

yallah asshabat l interview ha l assila lli kayterho iwa arakom lfraja hhhhh
السلام عليكم ورحمة الله وبركاته
سمحو ليا البنات لي كيتسناوني راه ماكنتش في الدار البارح وتشغلت شوية عليكم
لمياء الزين راني قريت ايميل ديالك تسنايني غير نكمل شي شغال ونرد عليك
اسماء حبيبة سمحي ليا مدخلتش المسن مازال انا اليوم نحاول ندخل الله يسر
اخت نوها لي عندها الانترفيو راه جبت ليك تجارب ديال بنات دازو هنا الله يجازيهم خير ويسر امروهم كيفما شاركونا بالتجربة ديالهم
منهم بنات كنعرف قدام ومنهم بنات خرين
توكلي على الله وماتنسايش الدعاء هو السلاح ديالك باذن الله وراه كلشي ساهل الفيزا ديالك خديتيها من ميريكان دبا غير اجرالآت وصافي
هاهما ختي :

darli l’interview mirikani driyaf ba9i jeunne
9ali fin 3rafti rajlak kidayra verginia imta ja akhir mara imta darto l3a9ed ch7al aando dyal khoto imta mcha 2awal mara wachno ghadiri fach tamchi wach ghatwaldi hado homa l2as2ila lmohim ghidiw wra9ikom wl2aghlabiya li rafdo lihom visa aw kaykon fiha chwiya dyal l3adab li na9sah chi war9a aw li mzawjin 2ajanib hit wa7d lobnani rafdo liha wa7da felesteni hata hiya alah yasar 2omotkom whata tarjama li mtarjma f usa makay9ablohach

bi niseba les questions les ataweni 1achno ism rajelek 2 imta tezawejto 3 chehal men mara ja men baed zewaje wach kayessayefete lik les emails wach ja hedar sbou3 dyale bento safi dardacha kefifa ni questions pieges ni rien golte liha techoufi les emails et les reçus dyale flousse et les photos galtli blach
bqit kanatsana hta 3aytat liya amrikiya drifa bzzzzzzzzzzzzzzzzaf sawlatni kifach t3araft 3la rajli o3lach bdabt tkhtar itzawaj bik ofachno khadam fach kathadro ochhal mn mara ja lmaghrib wach 3amro ja mn ba3d zwajkom wach 3andak foto o3lach madarto 3ors maghribi kbir iwa safi ana kanjawab 3la qad soal l3ars madarto hit makan 3andna lwaqt safi hadchi li kayan ogalt liya aji lvisa nhar latnin m3a 12 o3tatni wahad recue bach nakhod passport dyali safi rah lomor kolha sahla bzaaaaaaaaaaf hta haja mas3iba khas ghir tkono tayqin fryoskom othadro bhtiram olibtisama marsoma 3la wjhkom allah iyasar lomor lkol wahda

دابا غادي نعاود ليكم كيف داز الانترڤيو المهم دخلنا مع 8 بخمسة بخمسة عطيت الباسبور الواحد السيدة و 2 تصاور شوية عيطلي واحد قالي واش هاد اول زواج ليك قالي واش راجلك فايت مزوج صافي قالي سيري تانعيطو عليك إيوا عيطلي امريكي ضريييييف قالي 1إمتى تعارافتو و كيفاش 2فاش خدام راجلك 3شحال عندو من خوتو 4 كيفاش كتواصلو 5 إمتى اخر مرة شفتي عائلتو 6 واش نتوما بزوج من كازا وإمتى خديتي الباك ديالك اسئلة بسسسسسسسيطة والله معندكم مناش تخافو انا كانت فيا الخلعة على والوووو ما قالي لا صور لا اوراق قالي شكرا حيت صيفطي لينا ڭاع الاوراق هوما هادوك [IMG]file:///C:/DOCUME%7E1/IBM/LOCALS%7E1/Temp/msohtml1/01/clip_image001.gif[/IMG]

الله يسلمك الحبيبة العقبال ليك شوفي غي حيدي الخلعة راه غي غادي تمرضك كلشي سااااااهل بحال الماء طلبي الله تجي عند داك الامريكي ضريييف كيوسل غي شوية و بالضحك والله كنت كندعي نجي عندو والحمد لله ڭاع البنات جاو عندو حنا كنا 3 انا واحد البنت خديناها و الاخرى قال ليها خاصك ترجمي لينا دوك الوريقات ديال حسن سيرة ….. إيوا الله يسمعك خبار الخير ah choufi anwar l’ihssan hfdi mzyan imta tzwjti, fin khdam rajlak, fach , wina mdina……wach ja l maroc mnin tzwjtou……lmouhim bhal hadchi hfdéh mzyan ……machi tb9ay tatftfi 3lihoum….ytftfou 3lik

1- chnou smit rajlak wknitou? 2- wach fayat tzawaj? wach fayta tzwjti? 3-fin sakan? wfach , wfin? 4- wach nti khdama? 5-kifach t3arftou? 6-manch’hal wntouma tat3arfou? 7-imta tzwjtou? 8-wach mnin tzwjtou wach dkhal rajlak l maroc 3awtani? ch’hal klass f maroc, imta dkhal , wimta rja3 3awtani 9-kifach mcha rajalk l USA wach lottery wla chnou? 10-ra9am dyala télé wl3onwan dyal sakna dyalou 11- wfach kan khdam 9bal man had lkhdma dyal daba 11-wach tayséfat lik lflouss 12-3téni chi preuve 3la anahou tayséfat lik lflouss? 13-chnou lwassila lé tatst3mlou for communication;matalan télé wla chat? 14-wach tathadrou kola nhar 15-chnou homa hiwayat dyala rajlak? 16- chnou houma les couleurs lé taybri 17- chnou dar lbarah 18-wach tatmchi 3and la famille dyalou 19-ch’hal 3andou man khotou 20-kifach dayra l3ala9a dyalak m3a walidih

salam lahla ywarik lmohim jawni chi wra9 fihom taw9it lamtihane oja nhare o mchite okante makhlo3a yrafdi lia lmohim dralte l9onsolia ob9ayte kanatsana hta 3ayto 3la smiti omchite l3ando kan hadak chakhsse kayatkalam 3arbia ohowa yabda ysawalni kifach t3arafti 3la rajlak?imta akhire mara ja fiha lmaghrib? kifach mcha rajlak lmerican? ojawabto matkadbich fil jawab kolchi 3andhom fi lhasoube omili jawabto kali siri tsanaye omchite wa ana fia lkhal3a b9ayte kanatsana ohoma y3ayto 3la smiti omchite l3and hadak lmaktab li 3ayatli kan fih kawri kali bach natkalam m3ak koltlo bil 3arbia lakin howa makaya3rafch l3arbia ohowa y3ayate 3la lmotarjima obda kaysawalni kifach tla9iti m3a rajlak?imta darto l3arsse?kanti katkhorji m3a rajlak 9bal mayatzawjak? fach khadam?imta mcha l merican?sawalni bazzaf lakin ma 39altch ah nsite kali achno lamara li n3arfo anaki mzawja bih ana konte madia m3aya tsaware l3arsse owarithom lih di m3ak tsaware darori kaytalbohom matansaych sawli lamjarab ma tsawli tbibe ok mili sala lasila 3tani wahade lcode bach nakhod lvisa olghad lih warithom lcod o3tawni lvisa chti mili takhdi lcod safi raki khdity lvisa ah nsite 3awtani tkoni mtarjma 3a9de zwaje o lkholo9 ok o ana nafrah odarna farho o ana nathana man lahrira 3o9balak akhti nti oli mazal amiiiiiiiiiiiiiiiiiiine hinte dazate 3lia ana hasa bikom akhti walah ysahal lkol wahda

السلام عليكم ابنات انا عاد جيت من كازا دوزت انترفيو نهار الجمعة عطوني فيزا الحمدلله مصعبوش معيا جيت مع واحد امريكي طريف صراحة سولني علي فين تعرفت علي رجلي فوقاش غادي تمشي امريكا هل سبق ليك زواج عل سبق رجلك زواج الا كان مطلق غادي يسولك تاريخ ديال طلاق فوقاش اما اوراق كيكون عندهم ملف لي صوب رجلك تماك كيشوفو اوراق لي ناقصين بحال انا رجع ليا اوراق ترجمة امريكا ممقبولاش قالي سيبر ترجميهم انا الحمدالله ديرا احتيطات معيا معيا اورق قولت جبتهم معيا عطيتهم ليه حسن سلوك سجل عدي عقد زدياد بنات ديو معاكم اورقكم مترجمين عقد زواج مترجم كولشي هنا احسن مترجعكم تعطوكم وقت اخر فيزا كولشي غادي يخدها لي متزوج امريكي ولا مغربي امريكي
radi ngole lik soualate li momkine ysawlok fine 3taftih o kifach ch7al daba bach tzawajto btarikh nhar wa chhar w sana ch7al bara twaldi m3ah wach bara ta9ray fach tamchi fach khdam o momkin akhir mara ja ina wilaya wa lamdina hta hiya wanti matkhafich jawbi adi fhamti hadchi li b9it 3a9la alih akhti ah akhir mara ja imta hh ila tfakart chi haja radi ngole lik
llah ysahal alik

دبا نعاود ليكم على نهار الأنترفيو وصلت للقنصلية مع 7 و 10 دقائق لقيت 2 صفوف فالجهة الأخرى من الشارع صف طويييل للي عندهم فيزا سياحة ودراسة وصف قصير ل لي فيزا إيميغرنت شديت الصف مع الناس ديال الفيزا إيميغرنت لي كيكونو فيها الزوجات وأصحاب القرعة من بعد 15 دقيقة تقريبا جاو 2 كيديرو واحد لاباراي كيدوزوها على كل واحد ويشوفو باسبورو ومالين فيزا سياحة والقرعة كيفيريفييو ليهم لوراق حنا لا كنقولو لهم غير سمية كيشوفوها فالائحة لي معاهم ويديرو قدامها علامة من بعد تحولو الصفوف لواحد الجهة أخرى وكيبداو يدخلو ب 5 ب5 كل مرة كيقطعو 5 أشخاص الشارع أنا دخل مع المجموعة الثانية من بعد مادخلو مالين فيزا سياحة كلهم طبعا حيت كيسبقوهم هوما دخلنا كيشوف لينا واحد الأخ الباسبورات ديالنا ومن بعد دخلنا للداخل وتم كيزولو أي حاجة من المعدن ك ساعة أو خاتم أو أو وكدوزي من تحت ديك الألة وكتحطي ساكك والدواسا لي جايباهم فألة أخرى لي كتبين شنو داخلهم من بعد دخلنا ل لاصال لي فيها الكيشيات كانت ديجا عامرة باصحاب فيزا سياحة تسنينا حتى جات البنت لي كتكون فلاكيس وشدينا الصف مالين القرعة كيخلصو ويحطو الباسبور وحنا كنعطيوها الباسبور و2 صور والكونفوكاسيون من بعد جلسنا كنتسناو حتى يعيطو لينا تقريبا من 9 حتى ل 11 عاد عيطو ليا مشيت عند المغربي طلب النمرة د التلفون سجلها فالدوسي وطلب الدوسي ديال الطبيبة رد لي البلاكة ديال السدر ومن بعد خدا لي البصامات وطلب لي الترجمة الأصلية حيت راجلي كان مسيفط ليهم غير الفوطوكوبي قلت ليه نعطيك القدام أو وحدين جداد قالي إذا كانو جداد أحسن عطيتهم ليه رد لي الوراق لاخرين طلب الأصلي ديال الترجمة ديال عقد الزواج عطيتو ليه سولني واش راجلك من لافامي وفين تلاقيتي بيه فاش خدام … ومن بعد بقا كيشوف فالوراق شحال وجمع الدوسي وهز الباسبور ومدو ليا قالي راه مزال خاصينا شي وراق ناقصين [IMG]file:///C:/DOCUME%7E1/IBM/LOCALS%7E1/Temp/msohtml1/01/clip_image002.gif[/IMG]
صدمني حسيت بالدنيا دارت بيا قلت ليه علاش شنو خاص ( أنا كنت متأكدة راجلي رسل ليهم كلشي) قالي خاص الطاكس ديال 2024قلت ليه راه رسلناهم وأنا نجبد ليه واحد الدوسي عندي كبير فيه الوراق كلهم لي رسلنا من الأول فكل مرحلة وقلت ليه أنا عندي كوبيي من كل حاجة رسلناها إيوا وأنا نجبد ليه الوراق شافهم قالي هوما هادو دبا مزيان وقالي صافي سيري جلسي حتى نعاودو نعيطو ليك وعاد رجعت فيا الروح ولكن بيني وبينكم بقات شاداني الخلعة لي مكانتش فيا من قبل حيت قلت فراسي هادو واقيلا كيقلبولي على سبة [IMG]file:///C:/DOCUME%7E1/IBM/LOCALS%7E1/Temp/msohtml1/01/clip_image003.gif[/IMG]
إيوا ومشيت جلست وعيطو ل 4 ديال البنات لي دوزي المرة الأولى من قبلي وعطاو 3 منهم الفيزا وحدة مسكينة ردو ليها الباسبور ديالها ومن بعد جات نوبتي مشيت عند الميريكاني وغير حطيت قدامو دوك الدوسيات لي جايبة معايا شافهم وقال أووووووو حيت جاه داكشي كثير واقيلا [IMG]file:///C:/DOCUME%7E1/IBM/LOCALS%7E1/Temp/msohtml1/01/clip_image003.gif[/IMG]
هضر معايا بالأنجلزية قالي واش تهضري أونجلي أو فرونسي أو العربية وأنا نقولي إتز أوكي تقدر تسولني بالأنجلزية إيوا وأول سؤال ليه كان فين قريتي الأنجلزية من بعد قالي فين تلاقيتي براجلك شاف الوراق ديال الخدمة ديال راجلي قالي واش راجلك خداك ف شيس قلت ليه إييه قالي شنو البوسط ديالو قلت ليه شنو وقالي إمتا تعرفتي عليه واش كتعرفي عائلتو إمتا تزوجتو إمتا زايد راجلك منين هو وعاود سولني للمرة الثانية قالي شنو قلتي ليا راجلك كيخدم فشيس قالي منين متخرج وشنو التخصص ديالو إيوا وفالأخير قالي واش ممكن تعطيني الألبوم نشوفو عطيتو ليه بقا يشوف فالتصاور وقالي very nice [IMG]file:///C:/DOCUME%7E1/IBM/LOCALS%7E1/Temp/msohtml1/01/clip_image004.gif[/IMG]
إيوا وردو لي وقالي مبروك أجي غدا خودي الفيزا ديالك مع 3 إيوا وفرحت الحمد لله مع 11و30 دقيقة خرجت من القنصلية لاغد ليه مشيت نجيبها ولقيت الصفوف عاوتاني تقريبا كاع الناس لي دوزو معايا خداو الفيزا وخا كان الصف طويل قدامي ولكن بقاو يعيطو للأسماء دازت بنت وعيطو ليا موراها عطاوني أونفلب مسدود ماخاصنيش نفتحو حتى نعطيه ليهم فالمطار ملي نوصل إن شاء الله ل أمريكا و الباسبو مطبوعة فيها الفيزا وعقبال البنات كاملين لي مزال كيتسناو إن شاء الله
wsselna m3a 7.20 l9it 2 sfoufa sewelt lboulissi gali we9fi hna iwa safi chedina nouba ltla9it wwa7ed lbent driyfa meskina safi b9ina lass9in fb3diyatna chwiya dekhlo 5 b 5 kay9et3ohom chari3 iwa ana kent f 5 taltin li ana mnin mchit l9it nass wa9fin 9bel mandekhlo b3da dewzou 3lina wa7ed lappareil ze3ma lankono hazin m3ana les bombes hahahahaha dekhlona men b3d 7etina les portables o 3tawna nmari, iwa dekhlo sac ta howa fwa7ed la machine rej3ouhliya lmohim dkhelna la caisse 7etit lwer9a dyal l’interview o 2 tssawer o pass men b3d galetli kherji tan3eytou lik ana dert bnassi7a dyal nirmina l7biba dyali allah inewerha makhrejtch men dik la salle chedit blassti otkemecht, o dak lkhel3a li kant fiya sob7ana allah mchat wellit galssa kangol fou9ach ghir nekhrej nemchi nechreb kent wak7a. glesst wa7ed 30min 3eyetli wa7ed maghribi men guichet 6 sewelni finghadya? wach faytlik tzewejti? wach rajelk ayetlih tzewej? iwa gali smiytek zwina ze3ma kaysympathisé m3aya, sewelni rajelk fach khedam? gali aray dossier dyal tbiba 3tito lih reje3li blaca dyal sder men b3d reje3li ga3 dak les photocopies dyal les originaux odyal terjama li sifet l nvc, iwa ana 3assa 3lih nawya 3la khzit ghir igoli ziri 3awdi sawbi had lewra9 nsedmo ngolo hahoma daba nit, sa3a matlebli walou jani ana driyef kayed7ek m3aya o gali fin chafek rajelk b9ina kanhedrou 3la florida gali zwina bezzaf kan mchaliha iwa safi gali bach bghiti dewzi l’interview geltlih bach mabghito ya bl’anglais wla francais wla l3arbiya tachel7a ila bghiti b9a chad lm3aya jmou3 gali ta chel7a nti mnin o wach kathediri chel7a mezyan, safi gali siri gelssi tan3awdou n3eyou lik safi mchit glesst 3adi chwiya 3eytat li miricaniya galetli bach bghiti thedri geltliha li bghiti galetli nhedrou english geltliha wakha sewltani smiyt rajli o fin tla9ito o fou9ach ja lmeghrib o 3awdili 3la nhar fach ja ldarkom o wach kathedrou kolla nhar o fach kathedrou oach bagha ditri mnin temchi o chno 3endek mchabeh m3a rajlek owach katebghih o 3lach tele9 ex wife dyalo? o fo9ach ana sre3tha 3titha kolchi bles details o galetli wach ja rajelk mour zwaj? safi geltliha 3endi les preuves wach bghiti tchoufihom galetli la safi mabrouk 3lik aji ghda m3a 4 takhdi visa chofo alebnat wallah ila d7ekt 3la rassi mnin tekhle3t rah makayen lach bnadem itekhle3 kolchi sahel makaydelmou ta wa7ed, kolchi b reasons 3endhom. oelekher galetli good luck cute lady

حتى أنا الحمدله سليت من طبيبة او تلاقيت أنا او بشرى او دز كلشي مزيان الحمدله غير هي حيت ما كينش سكرتيره لقديمة عندها كنجي كين وحدة جديدة كتفصس شوية باقى ما فهمش لخدمة كاين شي ناس ما قلتلهومش شرو جلبة صباح خلتهم حتى سد صيدليات او بقاو حتى تلاتة عد خدوها لنصحكم به هو ملي تمشيو صباح ديرو أول حاجة تحليلا ديال دم او خلوها تكتب لكم لبرا عد سيرو ديرو ديال صدر تسناوها حتى تخرج لكم من بعد خدو لبرا راح طبيبة غادي تديرها لكم عندها صافي في لعشية غادي تقول لكم رجعوا خدها

السلام عليكم ورحمة الله وبركاتة

البنات مشيت دوزت الطبيبة المهم غنقوليكم كيف دوزت باش البنات اللي مزال لربما يستافدو من تجربتي
مشينا بالسيارة بالنسبة اللي غيمشي بالقطار ينزل في كازا بور هي القريبة من بعد ياخد طاكسي صغير يقول ليه زنقة طه حسين كارتيي كوتيي في حالة قالك ماعرفتهاش قولي لو مختبر كاليلي راه معروف
اما الى مشيتي بالسيارة فغتقلبو على كروازمو ابن نصير مع طه حسين
وفي نفس البلاصة غتلقاي مخبزة اسمها "مخبزة المنصور" مقابلة معاها غتلقاي اقامة اسمها "اقامة اسماء" غطلعي الطابق الاول غتلقاي الدكتورة الزيراري المهم دخلت لقيت الممرضة عطيتها الباسبور ديالي و3صور عادية وسولتها على اميرة واش حتى هي دير لي فاكسان وخا عندها الباسبور والجنسية الامريكية قالت لي لا هاديك ناضية مفكوكة من هاد الصداع صافي عطاتني ورقة باش ندوز التحاليل ووحدا اخرى باش ندير الراديو قلت ليها ماشي مشكل الى سبقت الراديو قالت لي لا سيري التحاليل هما الاولين مشيت وفي نيتي الى كانو التحاليل عامرين غنمشي نسبق الراديو ساعة ملي طلغت الطابق الثاني فين كيديؤو التحاليل لقيتو خاوي صافي عطيتهم فوطوكوبي ديال الصفحة الاولى من الباسبور و دارو لي التحاليل في البلاصة وخلصت 360درهم من بعد مشيت ندير الراديو كيتواجد في ساحة واد المخازن الورقة اللي غتعطيك الممرضة فيها شيما ديال الطريق ملي وصلت دخلت بلاصة الراديو خلصت 40درهم وعطيتها ورقة الطبيبة ولاكارت ناسيونال صافي وقالت لي هبطي التحت حتى تسمعي سميتك لقيت الدنيا عامرة كانو حتى الناس ديال الحج تسنيت تقريبا شي نصف ساعة عاد عيطو لينا مجموعة ديال 4 بنات دخلنا قالو لينا زولو السوتيان واي حاجة فيها الحديد صافي زولت ودوزت الراديو وقالتلي رجعي مع 12 و30د
مشيت عند الطبيبة خلصت 830 درهم للممرضةتنقصات علي 1000درهم لاني مزال كرضع اميرة ودخلتني عند الطبيبة بقيت كنتسنى عيطات لي الطبيبة دخلت قالو لي البنات را قالتليخم زولو حوايجكم ولكم ملي دخلت انا حيدت غير البودي الفوقاني وبقيت بلاغوب سميتات ضرباتلي 2شوكات في يدي اليسرى ووحدة في يدي اليمنى وقالت لي ماتحمليش حتى دوز 3اشهر صافي جبت الراديو وعطيتو ليها وقالتلي رجعي للدوسي نهار الاثنين "انا دوزت نهار الخميس" قلتليها را بعيدة مانقدرش نمشي ونجي وهي تقولي صافي اجي غدا مع 3 عندي نعطيه ليك
ملي نزلت لقيت واحد البنات مساكن من فاس والحسيمة مساكم قالتليهم ماعندي ماندير ليكم حتى الاثنين رجعو ليه
صافي مشيت الغد مع 3لقيت واجد قالتلي كلشي مزيان الحمد لله
بالنسبة للشوكات ماحسيتش بيهم غير شوية دراعي حسيت بيه ثقيل وبلاصة الشوكة زراقت لي شوية ولكن الحمد لله كلشي داز مزيان

ختي أنا طلبات ليا الطبيبة تصاور يكونو 5/5
وديتي غير 2 كيف قالت
وملي وصلت قالت ليا 3
وكانت عندي وحدة زايدة عادية ماشي 5/5
قالت لي ماشي مشكل هادي العادية نديروها فالورقة لي غادي ندي للراديو ولكن الدوسي لي غادي يمشي للقنصلية ضروري يكونو فيه 5/5
هادشي لي قالت ليا الكاتب

البنات الفحص الطبي كلشي داز على خير دوزت عند الدكتور عبد الواحد عمبري كاين في بوركون بالضبط في شارع تاو جطات فوق من شركة ميزا ملي مشيت طلبت مني الكاتبة الأوراق ديال الغنديفو وفوطوكوبي ديال الباسبور و4صور عاديينو1500درهم عطاتني منهم 150درهم باش ندير تحاليل ونعتاتلينا بلاصت تحاليل عطاتنا ورقة وطلبات منا نديو معنا فوطوكوبي ديال الباسبور داكشي لي درت خرجت من عندهم ومشيت طبعت الباسبور ودرت تحاليل ورجعت لعند الطبيب بدات تدخلهوم عل حسب النوبة ملي وصلت نوبتي دخلت عبر لي الوزن والطول والنظر ودوز لي وبدا يعمار الاوراق وطلب مني نسينيهم وقالي نمشي ندير الصورة ديال الصدر ونرجع باش يدير لي الجلبات ويدوز لمروى خرجت لعند الكاتبة عطاتني ورقة فيها الصورة ديالي والعنوان ديال الراديو مشيت خديت طاكسي حمرا قولت ليه واد المخازن حطني حداه دخلت لقيتهم دايرين الصف وصلت نوبتي عطيتها الورقة وبطاقة التعريف و40 درهم عطاتني واحد الورقة فيها الصورة ديال الصدر وقالت لي رتاحي حتى توصلك النوبة عايطو علينا كيدخلو البنات بوحدهوم والرجال بوحدهوم دارو لينا راديو وقالو لينا تسناو واحد ساعة بما يخرجو لينا ملي خرجو ليناههههه داكشي عندي بالتفصيل الممل ههه عايطو لينا كل واحد باسمو وعطاونا الورقة لي فيها الصورة ديال الصدر رجعنا للطبيب وعطيناه للكاتبة وقالت لينا راه تحاليل وصلونا لقينا الطبيب خرج قالت لينا رتاحو شوية بما يجي الطبيب داكشي لدرنا ملي جا الطبيب دخالنا أنا ومروى ودارلينا الجلبات أنا دار لي 2 جلبات ومروى 3 جلبات إوى صايب لينا دوسي وعطاتو لينا الكاتبة والصراحة عجبني تعاملهم والحمد لله كلشي داز على خير

Salam 3likom albanate kif dayrin kolchi mzyan twhchtkoum had 2 jours lmohim hmdolah rah dazete visite medicale mzyana hmdolah ana ngolikoum detaile kamlin kidazo lmohim mchite 3nd tbiba m3a 9h kont tma d9ite haltili infermiere swlatni 3lach jti gotlha visa de usa gatli 3tini 3 foto ykono ri noramle wasfi w passeport lmohim 9ydate les informations 3ndha drte dossier li radi yb9a 3ndha fih foto whad wra9a darte fiha foto dyal les analyse fo9 mnha nite wr9a khra fiha foto hadik dyal radio sadre lmohim khdite dok 2 wra9 tl3te drte les anlyses 3tithoum dik wra9a li 3tatni infermiere foto copie dyal passeport ykon m3akom drte les analyse khrgte khlste 200 dh khdite taxi la boratoire oued makhzine hwa fin kayn radio boulvard algere lmohim tatdkhli tatl9ay nase tma bzaf tat3ti f whad chabak tma dik wra9a li 3tatk infermeire dyal khadiaj zirari tatkhlsi 40 dh thbti thte tsnya noba dyalk tay3tolk tatdkhli tagolk whd bnte hydi souteime wla konti lbsa chi kobte fih chi haja bhal chi tnbate wla hajr bach mayjich bayn f radio tadiri radio tatkhdi recu taygolk whadf 1 h rj3i morah lmohim drbte dwira rj3te l9ito wjd apres khdit taxi mchit 3nd kahdija zirari l9ite shab les analyses hbto laha tahalil swlte bnte gotlha wach mzyanin gatli oui mzyanin lmohim khdite noba dyali kano chi nase sb9ini 3ytatli khdtli poids dyal w la taille wachftli nadre apres swltani wach hamla wach tatrd3i wach 3ndk chi haja wla chi marad hak wla haka gotlha la safi drbatli chi 3 dyal vaccin wgatli rah kolchi hmdolah mzyan mais tahblich had 3 mois hit dok les vaccin tyatro 3lma haml safi gatli haki dossier mathlich tal nahre interview w3tatnti wr9a dyal dok les vaccins lidbte gatli dihoum usa ila tlbhomlk f chi khdama w f 9raya sfi wlayshal 3la bante kamlin azza li raha moraya yarbi bisou 3likom kmlin

الفحص الطبي,كنت عند الطبيبة خديجة كاينة فالطابق1 عمارة أسماء,تتقول ليك ديك البنت عطيني pass + 3photo
,تتدير الصورة 1 مع ورقة لي غديري بيها تحاليل ديال دم,الصورة 2 تديرها مع الورقة لي باش غتدوزي راديو ديال صدر ولي مكتوب فيها العنوان ديال بلاصة الراديو والصورة 3 تتخليها عندها فالملف طبي ديالك.
تتطلعي الطابق2 تماك بلاصت التحاليل تتعطي ديك الورقة لسيدة لي فالاستقبال وتكلسي حتى تعيط عليك باش ديري تحليلة ديال الدم من بعد تترجعي لعندها تتعطيها copie ديال passوتخلصي 200dh ومنين تيخرجوا االتحاليل هما تيهبطهم لعند الطبيبة.
من بعد تتمشي ديري راديو ديال صدر غير تخرجي من العمارة على يديك ليمن زنقة الاولة على ليسر تقريبا واحد 10 min ديال الطريق تمشي طول حتى تفوتي واحد صيدلية كورو وتزيدي حتى تلقاي ثانوية ابن تومرت علي ليمن و بلاصة راديو ديال صدر على ليسر الفحص بالاشعة واد المخازن.تدخلي عند السيدة لي فالاستقبال تتوريك الباب لي تدخلي منو تعطيها الورقة و 40 dh وتمشي تكلسي حتى اعيطو عليك باش ديري راديو و من بعد ساعة ترجعي على النتيجة.
تديها لعند الطبيبة و تعطيها راديو و غتعطيك الورقة ديال جلبات لي غديري باش ديري عليها copie مقابل مع عمارة أسماء,تدخلك عند الطبيبة تتعطيها passوتدير ليك الفحص عادي + 3 جلبات و تتأكد عليك باش مايكونش حمل حتى دوز 3 شهر,تتخلصيها 1256 dh وتتخرجي ديك الساعة تتعطيك copie +pass ديال جلبات تحتفظي بيها + الملف الطبي ديالك.
و بالتوفيق للجميع

bon, mchit l3and tbib fesbah bakri, dkhalt 3tito passeport + wahed taswira, men ba3d bda kaysawelni: wach dazni bochwika? wach kankmi? wach 3amarni ftaht awla dert chi 3amalia, wach mrida bel9alb, wach fia sokar, safi men ba3d 3ber lia tension+ toul+wazn o3amer wahed lwar9a osniteha, okhalasto 500 dhs
men ba3d galia namchi ndir tahalil dyal dem, na3at lia mokhtaber, rah hdah nit, 3tithom photocopie dyal passeport + wahed taswira dert tahlila okhalast 200 dhs
men ba3d mchit dert radio dyal sder , 3tithom soura okhalast 40 dhs
iwa tsanit wahed 1 heure okhdit natija dyal radio d sder , men ba3d mchit chrit jalbat men la pharmacie (2 jalbat) 326 dhs bjouj safi orja3t l3and tbib daguithom hahahah ogalia raj3i m3a 4 fle3chia bach nakhod rapport dyali liradi ndi m3aya l consulat nhar interview
wahed nasiha, siro bakri l3and tbib bach takhdo rapport fnafs nhar si non rah igolo likom raj3o lghadlih
iwa touta touta kemlit elhadouta

شديت طريق من رباط لكازا مع 6ه ديال صباح او صرف ام صلنا لعند طبيبا khadija zirari مع 8. زحام بزاف فطريق بزاف. دخلت تنلقا 3 دراري او بنت سابقيني. كتعطي لپاسپور+ 3 foto ديالك لفرمليا او كتسايني. كتعيط لينا واحد بواحد او كتعطينا پاس او ورقا ديال تحاليل ديال الدم. لي زوين مع هاد طبيبا هو الا لبورتوار عير فوق منها فالطابق 2. طلعت عطيتها لوراق او بقيت كنساين. كانت 8.15 كانو سبقوني لوخرين. اوصلات نوبتي حيت دم. لترجعي عبند لفرمليا او كتقوليك خلصي 200 درهم او سيري ديري ليا فوتوكوپي دپاس.طبعا انا موجداها شحال هادي. نزلت عند طبيبا . او فطريقي هادوك لي سبقوني عاد دارو فوتوكوپي او طالعين. بقيت كساين انا او المجموعة عند طبيبا. واحد 15 دقيقا. عاد ديطات لي انا لولا او هاديك لبنت لوخرا لي كانت معايا. دخلت انا لولا. عبراتني لفرمليا ، شفت طول، او شوف ديالي بحال طبيب ديال لعنين. من بعد قالتلي حيدي حوايجك او تسناي طبيبا. بقات طبيبا كتقيد فشي وراق. من بعد قاتلي : واش داك تريكو لي لابسا كيطلع اولا لا؟ بواحد قسوحيا. قتليها اه. انا حسابلي واش من لكرش. ونا نطلعو. شويا بقات كتصايب ليباري لي عادي دوك ليا. ونا عير سكتا. جات عندي . او هيا هزا ليبرا. انا شفتها و نا نفهم. نزلت تريكو علا كرشي، ونا نطلعو بزربا من دراعي. بلا متشوفيا حتا شوفا واحدا. دكات 2 تما. او هيا دير ليا براسها عطيني يدك لوخرا. عطيتها ليها من سكات. او هيا تعطيني بضهر. او هيا تقولي تحمليش 3 شهور. او من بعد قتلي بهاد لعبارة: لخلاص هنا.. بحال اi معا شي خداما. خلصتها من سكات 1250 درهم. رجعت لقاعة الانتضار. جات لفرمليا او قاتلي ساليتي كلشي سيري ديري راديو ديال صدر. رداتلي لپاسپوي او قاتلي رجعي معا 12.30 باش تخدي دوسي كامل.
راديو دوزناه فواحد لبلاصا مبعيداش بزاف خديت طاكسي ب10 دراهم. هاد لابوراتوار واحد لي كاين محلف فكازا. يعني كلكم البنات عدي تمشو ليه. انا كنت فيه معا9.30 كان شويا خاوي عطيتهم لورقا لي عطاتني + 40 درهم فواحد لكيشي عاد نزلت لتحت كنتسنا. او معا هادا سعا ونا كنسنا نوبا. دوزت قالولي سيني ساعة باش تخرج نتيجة. جوايه 10.30 منعاود ليكمش علا زحام لي ولا تما. واقف كتر من جالس.
المهم خديت راديو ديالي. شديت طكسي. او رجعت عند طبيبا. عطيتو لفرمليا. كانت 11.30 قاتلي 12.30 عاودي رجعي. نزلت جلست فواحد لقهوا قريبا . حتي وصلات لوقيتا ونا نطلع عندها. عاود قاتلي لفرمليا اري پسپور ديالي. او عطاني واحد روجيستر سنيت فيه. او هيا تعطيني جوا دلبرا مسدود قاتلي كلشي مزيان. الحمد لله سليت. رجعت بحلي لرباط.

تجارب الرونديفو

darli l’interview mirikani driyaf ba9i jeunne

9ali fin 3rafti rajlak
kidayra verginia
imta ja akhir mara
imta darto l3a9ed
ch7al aando dyal khoto
imta mcha 2awal mara
wachno ghadiri fach tamchi
wach ghatwaldi
hado homa l2as2ila lmohim ghidiw wra9ikom
wl2aghlabiya li rafdo lihom visa aw kaykon fiha chwiya dyal l3adab li na9sah chi war9a aw li mzawjin 2ajanib hit wa7d lobnani rafdo liha wa7da felesteni hata hiya
alah yasar 2omotkom whata tarjama li mtarjma f usa makay9ablohach

bi niseba les questions les ataweni
1achno ism rajelek
2 imta tezawejto
3 chehal men mara ja men baed zewaje
wach kayessayefete lik les emails
wach ja hedar sbou3 dyale bento
safi dardacha kefifa ni questions pieges ni rien
golte liha techoufi les emails et les reçus dyale flousse et les photos galtli blach

bqit kanatsana hta 3aytat liya amrikiya drifa bzzzzzzzzzzzzzzzzaf sawlatni kifach t3araft 3la rajli o3lach bdabt tkhtar itzawaj bik ofachno khadam fach kathadro ochhal mn mara ja lmaghrib wach 3amro ja mn ba3d zwajkom wach 3andak foto o3lach madarto 3ors maghribi kbir iwa safi
ana kanjawab 3la qad soal l3ars madarto hit makan 3andna lwaqt
safi hadchi li kayan ogalt liya aji lvisa nhar latnin m3a 12 o3tatni wahad recue bach nakhod passport dyali safi
rah lomor kolha sahla bzaaaaaaaaaaf
hta haja mas3iba khas ghir tkono tayqin fryoskom othadro bhtiram olibtisama marsoma 3la wjhkom
allah iyasar lomor lkol wahda