علاش المغربيااات ما كيتفاهمووش في الغربة ؟؟؟ علاش احنا دونا عن الجنسيات الأخرى ؟؟؟؟

---

ugha hglyvfdhhhj lh ;djthil,,a td hgyvfm ??? hpkh ],kh uk hg[ksdhj hgHovn ???? hgl]v[ hd,h pk,h

والله ياختي اش غانقولك انا تجربتي بسيطة دابا انا فالغربة هذي عام و 7 شهور وكنت كنتمنى نتلاقى مع مغربيات وتلاقيت مع 2 بنات من هاد المنتدى وبنات اخرين تعارفنا
المهم قلت غادي نعرض عليهم عندي فالدار هما 5 بنات وماخليت ماوجدت حتى من العشا درته وعلمتهم قبل باسبوووووووع ونهار العرضة جاوني 2 بنات والباقي ماكينش اللي هز حتى تلفون وقال لا ماغاديش نقدر تكرهت وتشوهت قدام الراجل واخر شي قلت هذي والتووووووبة نعرض على بنات من جنسياااات اخرى ع الاقل عندهم الكلمة الا قالوو غانجيوو كيجيوو
هذا موقفي البسيط مع بنات بلادي واللي خلاني نندم علاش تعرفت عليهم من الاول

اختي غير انتي و حظك مع المغربيات
انا الحمد لله تجربتي مع المغربيات مزيانة بزاف كنت غايشة في كندا و كنت مصاحبة مع مجموعة من المغربيات يعني عمر ني شفت واحدة بوحدها داءما مجموعين عند واحدة و كل واحدة ملي كتعرض على المجموعة كتحاول تعمل عراضة احسن و كنضحكوا و نتمتعوا بالهدرة مع بعض و داب وليت عايشة ما بين كندا و مصر و كيف ما كتعرفي انه مصر فيها الصداع داب بكيت مللي لقيت صحاباتي اللي في كندا عيطوا لي في التليفون قبل من عاءلتي و قلقانين علي و كل مرة تليفونات الحمد لله احنا بحال الخواتات كلنا مزوجين و بوليداتنا

سلام عليكم
فرحتك أ ختي بهاد صحابة.
أنا هادي 6 سنين أو أنا ف كندا ،مالقيت حتى عربية katfrreh ، كلهم غير نفاق أو صحابة حاجتهم ،مشيت غير vacance لمغرب ،ها lmkelka حيت ماديتش ليها شنو بغات لمغرب ،هادي مقلقة حيت مجبتش ليها …..
عاد بلا mangoul ليك لي شرات شي حاجة سبيسيال ما تجوولها ليك ،حتى نشوفها عندها .كلها غير راسي ،أو وحدة مرات صاحب راجلي لعام كل ماكاتعييييت ليا حتى لرمضان أو لعيد صغير أو تعيط تجول ليك أجي نعيده مجمعين .
مابقيتش نمشي عندها حيت صداقة على طول لعام l.
لقيت لخير ف جزائرية هي لي مصاحبة معاها لحد لآن.
لاحضت هنا لمغربيات شي خايف من شي ،معرفتش ماكايناش نية بيناتنا ، كتبت موضوع ف لمنتدى بغيت نتعرف مع مغربيات golt يمكن نلقى بنات ناس علاش لا ،ماشي كلشي خايب ، لموضوع لك إقبال ، كانت أجوبة كتيرا ، فرحت ، و لكن منين وصلنا لتليفون
حتى وحدة مبقتش طلت . معرفتش علاش …….خايفين من بعضنا …علش ؟
يالله له يسهل على لجميع ، خلتها ماما عندك ولدتك هوما خوتك أو shabatek .
شكرا على لموضوع .
.

كنشكرك على المشاركة ،، والله يوفقك في حياتك ،،،
معليش الحبيبة أنا غادية نختلف معك بخصوص تجربتك ،،،
وموقف واحد مايعطيناش الحق نحكموا على جميع المغربيات بأنهن ما عندهمش الكلمة ،،،
كيف كيقول المثل ::: الغايب حجته معه ،،،،
وجربي أنت تتصلي وتشوفي آشنو هي ظروفهم اللي منعاتهم وتديري اللي عليك ،،، وفي حال حسيتي أنهن ما مرحبينش بالتعارف معاك ،،
اسحبي نفسك واعتبري بأنهم هوما اللي خسروا صداقتك ،،،
باين عليك بنت دار كبيرة وكريمة ،،،
وصدقيني بإذن الله مع الوقت ولابد تلاقاي مع مغربيات قريبات لأفكارك ولعقليتك ،،،،
غير شوية الصبر وطولة البال ،،،
تحياتي أم عبد االعزيز وتشرفت بمشاركتك واعتبريني صديقتك وغير وجدي لي شي قصعة سكسوو نجيك فينما كنتي الحبيبة هههههههههه

ماشاء الله تبارك الله على صداقاتك ،،،
الله يكمل عليكم الحبيبة ويخليكم ديما مجتمعات على الخير
أنت وصديقاتك نمودج يحتدى به لمعنى الصداقة الحقيقية والوطنية الحرة اللي كنمتازو بيها احنا المغاربة ،،،
فكرتيني بواحد المجموعة ديال المغربيات كنا بحال الشكل اللي احكيتي ،،،
لكن فرقتنا الظروف ،،،، دوزت معاهم أحلى أيام عمري ،،،
لكن الظروف أبت أن نستمر ،،،،،،

تحياتي لك وكنحييك أنت وصديقاتك على الروح الوطنية وعلى الصحبة المثينة اللي بينكم

الله يعوضك خير الحبيبة ،،،وحاولي ما تخليش بحال هذه المواقف تأثر عليك ،،
أنت ديري اللي عليك وحاولي وحاولي حتى تقطعي الياس ،،
وإمضي في حياتك وبإذن الله غادية تصادفي و لابد شي صديقات يفرحوك ويرجعوا ليك الأمل في معنى الصداقة الحقيقية
كنشكرك على المشاركة وما تفديش الأمل في بنات بلادنا ،،، راه الله يحسن العون كل وحدة وظروفها ،،،،

وحسب تجربتي
المغربيات لي لقيت هنا ف أمريكا كلهم مزيانات
تنتجمعو بالمناسبة وبلا مناسبة الحمد لله
وشحال من مرة وحلت ف شي مشكل كنلقاهم
الله يكثر خيرهم

اختي بنادم فيه الخيب والزين ومع كامل احترامي احنا مغربيات كنمضاو غير في بعضياتنا تلقاي الخير في البراني ما تلقايه في بنات بلادك وعن تجربة شخصية والله العظيم ما كاينة شي واحدة تحمر الوجه كتقطعي لحمك عليهم وفي الاخير يرجع ليك كلشي بالشر الله يهدينا وصافي انا اختي تكلمت هاكة حيت احتي صاحبة الموضوع بحالا حطيتي ايدك على الجرح سبحان الله

سلام عليكم
مشكورة أختي على الطرح المميز تبارك الله عليك
فعلا الغربة فيها صعوبات كتيرة و من ضمنها صعوبات إجتماعية كيجي إنسان لبلد جديد عليه ،ناس جداد عليه، واخا من نفس البلد أكيد كاينين مشاكل التأقلم في البداية لكن إنسان يقلب و يبحت أكيد يلقى ناس طيبين بحاله ويلا ملقاش يخلي قلبه عمار ب خير و ربي كيكتب لينا غير الحاجة المزينة
أنا كنت ديما هد دعاء كنقولو الله يلاقيني مع محسن مني دينا و أخلاق و كلشي ماشي ماديا للأسف كينين ف الغربة علاقات مبنية على الماديات ولكن أنا حمد لله كنت و لازلت على علاقات جيدا جدا مع مغربيات و جزائرية في الغربة لكن أكيد كينين ناس طيبين و ناس خبيتين أو لا لا؟

تحية ليك أختي أنيقة بيضاوية و يتبت الموضوع ب إذن الله