بنتي نفرات لي البزولة

السلام عليكم
البنات ط¨ظ†طھظٹ عندها 5 شهور ما شاء الله
دابا شي 20 يوم مابقاتش بغات ط§ظ„ط¨ط²ظˆظ„ط© حيدتها ليها و لكن تايجيني تانيب الضمير هههه تانقول باقا صغيرة
هي اللي طلقاتها كان مرض ليها فمها بشي حبيبات و من تما ما بقاتش بغات تشد لي ط§ظ„ط¨ط²ظˆظ„ط© كانت غا تجي في فمها تبدا تركل و تبكي دابا غا تشوفها تادير حالة بالبكا و تعصب و ما تشدهاش

و اصلا انا ما فياش الحليب قليييييييييييييييييييييييييييل وخا نظل ناكل

دابا قالت لي ماما ما ترجعيهاش ليها صافي خليها بلاش وما عرفتش

---

fkjd ktvhj gd hgf.,gm

اختي انا ولدي نفرها لي ملي كانت عندو شهرين غير ذاق حليب الفارماسي حلف باقي يشدها وانا كان فيا الحليب حتى عييت وحيدتها ليه اش غاندير معندك متعملي

حتى انا كانت ضعيفة قالت لي الطبيبة ظروري عطيها الحليب بدلتو ليها لفات لا بقات شدات البزولة

السلام عليكم شوفي اختي غير حاولي معها الحليب الام مكاين ماحسن منو و الحليب وخا يكون فيك قليل ماشي مشكيل كولي وشربي مزيييان راه السواءل اللي كيديرو الحليب

وحاجة اخرى تقدري تعاوني بالحليب د الفارمسيان بالحق ترضعيهااولا فاش اكون فيها جوع من بعد عطيها الحليب الفارمسيان

الترابي في الوقت ديال 3 اشهر لفوق كتبدا تعرف وتفهم شنو الحاجة لي ساهلة
هو ماشي حليب فارمييان عجبها
هو انهم بالرضاعة كتجيهوم ساهلة مكيتعدبوش الحليب كينزل بلا ميبدلوا مجهود كبير وعاد الرضاعة مكتحيدش في فمهم ماشي بحال الصدر خصوم يحافظوا على راس البزولة وهوما كيرضعوا..خص الواحد وخا هكاك كيبكيوا ميتستسلمش وماشي ولد قد البز غادي يغلبك

حيت انا عملت هد الغلط في بنتي ورغم انه كان عندي الحليب كيهرق في صدري وساعة لاهي كتشرب حليب الرضاعة مزيان لاصدري غير كتمص وتحيد
اما في ولدي ساعدته بالرضاعة ولكن غير عمل 4 شهور بدا بنفرها فين منجي نعطيك يبقى يبكي ويجعر حتى مرات خالي كتقولي متعطيهش ملي يكون معصب ومافيه خطار
وانا عارفة انه بدا ينفرها وخصه الرضاعة حيت ساهلة بالنسبة ليه …
صافي قلت انا ولا هو حيدت ديك الرضاعة نهااااائي وخا يبكي وخا يبقى بجوع
دخلتله الماكلة كنعاونوا وملي كنجي نعطيه صدري كينفر هكاك بقيت قلت والو غنخليه ينسى الرضاعة ودكشي نيت لي كان حتى ولا يرضع صدري ونهار جيت نعطيه الرضاعة والو محملهاش صافي رضعته الحمد لله حتى علاين يكمل سنتين عاد فطمته
بعدا خليها حتى توصلك 6 اشهر وخا ترضع غير بليل حتى تبدى تشد عينيها ولصقالا ….وطبيعي يقلال منك الحليب الا مبقاتشي كترضع مزيان
الا باغية تزيدي ترضعيها راه كاين اعشاب وسوائل سخونة كتزيد من ادرار الحليب
مكين ما احسن من رضاعة طبيعية شتي حتى الجمعة لي فاتت خطبة ديال الجمعة في المغرب كامل كانت خاصة على اهمية الرضاعة الطبيعية …

دابا انتي 5 شهور عاونيها بالماكلة شوية وعطيها صدرك شوية شوية حتى تنسيها الرضاعة وتبغي تشبروا تاني ….

راه تادير حالة بالبكا و تجعرررررررررر تاتفظح درب ولما تشدهاش

اختي ما فياش الحليب من نهاري عييت بالحلبة و الرفيسة و المسمن وووو والوووو
اصلا كنت معصبة بالمشاكل قالت لي ماما راه تترضعيها غا السم

الله اربي والله الا بقيتي فيا وهنتي على الفريكيسة مفيها ميعدب راسها بالجبيد وختي معندك مديري منين مبغتهاش غير ديها عند الطبيب وشوفي الحليب لي غادي يجي معاها وبوسي لي الفريكسة ربي يحفضها

اه اختي حتى العصب راه كيخسر الحليب ويمكن عليها مكتبغيهلكش
راه قالك اي حاجة كتاكليها تقدر تمرر الحليب خصك تبدلي نوعية الاكل ومتعصبيش لانها حتى هي كتعصب
الرضاعة خصها نوعية الاكل يكون حلو مفهش المرورة ويكون الراحة النفسية يعني تكون بالك مرتاح وناشطة وانتي كترضعيها وتلمسيها بحنان وشرب السوائل
اختي مقصديش المسمن قصدي مغلى ديال النافع وحبة حلاوة على سبيل المثال …
راه شوفي انتي الا صافي مقدرتيش الله غالب ولكن كتبقى الرضاعة راهي مكيناش فحالا وكتقي الولاد من بزاااف دالامراض حيت كتزيد عندهم المناعة وعاد كيصحح العظام وتزيد في الوزن الا خدات قياسها وانتي تكوني كتنوعي الاكل ديالك وتاخدي فيتامينات تساعدك وتريحك

شوفي كاين حل اخر حنكيها يعني خودي تمر رطب او معسيه مزيان بصبعك مع شوية دالماء و دوزي صبعك على فمها باش تصمو ومن بعد ديري صبعك ف تمر تاني ومعسيه مزيان ودهني بيه راس البزولة وراه ان شاء الله تشدها ليك غير صبري شوية معها