طفلي يعاني تأخر الكلام أرجو المساعدة

السلام عليكم اطلب مساعدة الأخوات بالمعلومات الكافية أرجوكم. ط·ظپظ„ظٹ عمره 4 سنوات و لا يتمكن من النطق يقول فقط ما لكنه يسمع ويتجاوب ببعض الحركات مع العلم ان لديه اختان اكبر منه ويتكلمان جيدا منذ الصغر اسكن منطقة البرنوصي بالبيضاء وارجو ان تقدمن لي اي معلومة تهمني

---

‘tgd duhkd jHov hg;ghl Hv[, hglshu]m

السلام عليكم ورحمة الله
اولا الله يحفظ ليك وليداتك
ثانيا علاش يا اختي خليتيه حتى لهاد السن كان عليك تديه للطبيب بكري لأنو كل ما كيكون التدخل بكري كيعطي نتائج اسرع وحتى دبا اختي خاصك تديه للطبيب لان ابنك غايكون محتاج للترويض الكلام (speech therapy)
اختي واش ولدك كيعرف الا سخرتيه
واش كينعت بايدو الا بغا شي حاجة واش كيعرف يلعب باللعب يعني الا عطيتيه puzzle يعرف يركبها
مرة اخرى خاصك تديه للطبيب والله يعينك

الا كان ولدك طبيعي شربيه الماء على الريق كاس كبير اسبوع وغدي يبدى يزيد الكلمات ستمري حتى يتحسن

السلام عليكم ختي كان عليك تدخل باكر المهم شوفي مع طبيب اختصاص طب الاطفال بش يرسلك عند اختصاصي النطق و خصك ديري اختبار السمع و خصك الصبر لأنه هد الشي كيبغي المثابرة والصبر والوقت و الإمكانيات لأنه طبيب النطق كيدير ليك حصص ولله يعاونك

فعلا اختي تعطلت عليه ديه لشي عيادة ديال تقويم النطق و بحتي في النت على رياضات مساعدة للنطق السليم انا كنديرها لبنتي مثلا ديري ليه قلم تحت لسانوو طلبي منو ينطق حرف الراء و حاولي تحركي ليه لسانو بجميع الاتجاهات بوضع نقط العسل مرة فوق الانف و مرة على اليسار و مرة على اليمين و هاكا بمساعدة المدرب غادي يهضر ان شاء الله

شكرًا لكم على الاهتمام وعلى المعلومات كنظن حسيتو بيا الله يعاوني

اختي ام كريم+ شكرًا على الاهتمام الحمد لله كيتسخر ليا و كيشير لأي حاجة بغاها زاعما عارف

اختي اول شي عليك بالطبيب و الافضل pédiatre و orl اختي راه يقدر يكون عندو نقص بسيط ف سمع و مترديش ليه لبال و أخصائي النطق موجودين فكازا بمستشفيات الدولة راه الخاص غالي شوية و الترويض كيحتاج وقت موشي جري بولدك و حاولي تبقاي تهدري معاه و بشوفك كيفاش كتنطقي الحروف الله سهل ليك ما صعاب

انا اختي سالتك حيت راكي عارفة دبا الله يحفظ وليداتنا ووليدات جميع المسلمين ولاو شي امراض ماكنا حنا كاع كنعرفوهم كيكونو تاهوما كيخليو الاطفال يتعطلو في الهدرة والمشكل انو في المغرب ماكاينش اهتمام كنقصد مادايرينش بلايص فابور يساعدو بيهم الوليدات.
مرة اخرى خودي ولدك عند طبيب لأنو محتاج للمساعدة.