السلام عليكم ..ولدي عندو 3 سنوات ملي تزاد هو فيه فقر الدم .عطاني الطبيب maltofer..خداه 6 اشهر ا و وووالو بحال كتكبي الما فالرملة ..بدلت الطبيب عطاني fetofer..تبعتو او وااالو ….او كنعطيه العدس مطحون و الماكلة للي فيها الحديد…..ولدي مسكين قهرتو بالسيرويات ديال الحديد و خايفة عليه من التاثير ديالهم….عافاكم للي كتعرف شي نظام تغذية ينفع معاه
la;g lhgrdja gdi hgpg
ختي الله يشافي ليك ولدك ،لنصحك بيه هو مترخيش بولدك خاسك تعرفي أش من نوع ديال فقر الدم وسيري عند أخصائي حيت الى كنتي كتعطيه الأدوية ومنفعتش معاه راه صعيب الحال، عطيه لحم 2 مرات في سيمانة والعدس الى كنتي كتعطيه ليه راه مزيان،وحتى واحد العشبة كانت كديرها لية ماما في صغر حيت حتى انا عانيت من فقر الدم، سميتها الفوى كانت كديرها لية في الحسوة وعطيه حتى الباربا راه مزيانة. ولكن هدا مكيعنيش انك مترجعيش عند طبيب .الله يوعونك اختي
الله يشافيه ليك الحبيبة
الله يشافيه و الله يخليه ليك أختي
السلام عليكم اختي ماتنسايش الحلبة انا طبيب نصحني نعطيها لبنتي واخا كانت صغيرة واسال الله رب العرش العظيم ان يشفيه
بغيت نسولك اختي كيف هو في الحركة واش تيلعب عادي ؟
بغيت نسولك اختي كيف هو في الحركة واش تيلعب عادي ؟
اختي كيلعب مزيان و درتلو التحاليل كاملة عندو مزيانة الا الحديد للي ناقص
اختي كاين واحد المنتوج سميتو دبس الشمندر المركز راه مزيان لفقر الدم كتبيعو واحد الشركة فسلا سميتها بيليمان وتتعامل مع الصيدليات الى انت فكازا راه فصيدلية الحرية بشارع الحرية قرب البرانس
والى استعملتيه وجاب النتيجة خبرينا باش تعم الافادة ودبا نقلب ليك على الهاتف ديالهوم الى منت فمدينة اخرى تسوليهوم اشمن صيدلية تيتعاملو مهعا والله اشافي ليك الوليد
والى استعملتيه وجاب النتيجة خبرينا باش تعم الافادة ودبا نقلب ليك على الهاتف ديالهوم الى منت فمدينة اخرى تسوليهوم اشمن صيدلية تيتعاملو مهعا والله اشافي ليك الوليد
اختي انا كان عنجي فقر الدم وقالي الطبيب خودي الكبدة و طحال و العدس والباربا هادو فيهم الحديد مزيان و سيري عند اخصاصي ففقر الدم ديال الدراري الصغار والله يشتفب ليك وليدك
الله يشافيه و الله يخليه ليك
وفينك اصاحبتي