الله يجزيكم الأخوات لما تنصحوني راني حايرة مع بنتي

---

hggi d[.d;l hgHo,hj glh jkwp,kd vhkd phdvm lu fkjd Hlh

اختي متخافي والو بنتك مزال صغيرة حتا انا بنتي تعطلت في سنان وديتها لطبيب وقال ليا عادي وخرج ليا كلسيوم بقيت كنعطيه ليها وفي مدة قصيرة بداو يبانو
يعني معندك مناش تخافي ان شاء الله

اختي كاع ما تخافيش وما تديهاش للطبيب كل واحد ودمو كاين اللي يخرجهم فيساع وكاين اللي كيبطاولو انا بنتي اللولة نوضات السنينات من 6 اشهر مين دارت عام كانت دايرة كاع سنيناتها وبنتي الزاوجة راه عندها حتى هي كيف بنتك عام وشهرين يا الله دارت 2سنينات التحت مع العلم انها من 6اشهر وهوما منفوخين مسكينة تعدبات بزاف كل مرة كنمشي نطل عليهم واش خرجو ولى مازال ودابا راهم باغيين يخرجو ليها السنينات اللي الفوق وراهم منفوخين اوا الله يجيبهم على خير وصافي ههه وبالنسبة لبنتك راها بحال بنتي دمهم تقيل اوا يا الله نشوفو شكون يسبق

عااااااااااااااااااااااااااادي فلا تقلقي كما قالت حبيبتي محبة الريان كل واحد ودمه غير صبري واش تقلقتي على العضان غير وجدي راسك هههههه دبا يخرجو ان شاء الله

أختي راه عاديييييييي ، أنا بنتي عندها عام وشهرين ، ويالاه عندها 2 التحت ، والفوق من هادي شحال وللثة ديالها منفوخة ولكن مازال ماخرجوش ، والسكاتة كديرها غير ملي تنعس ، وغير نشوفها نعست نحيدهالها ، راها السكاتة معندها حتي شي دخل ، أنا الطبيبة قالتلي عاديي ، كل طفل وقتاش يخرجهوم ، نتي شربيلها الحليب الكافي وعرضيها للشمس باش تاخود فيتامين د ، حيت حتى نقص الكالسيوم سبب ، وعطيها الفرماج ومشتقات الحليب

كيف قالو الاخوات معندك مناش تخافي .

شكرا بزاف يا اخواتي محبة ريان وقلب طيب ونبع لحنان وأم البنتين والله إلى طمنتوني بزاف عاد الله يصلح لكم وليدتكم وخى يا محبة ريان دبى نرد عليك لخبار بش نشوفو شكونا فيهم لأسرع ههه