تاخر الكلام

السلام عليكم ورحمة الله وبركاته معرفش باش غد نبد ولدي عند عامين و نص وباقي مكيهدرش تيقول كلمات قلال وش في نظركم هدشي عادي وفي الانترنت قرت بان طھط§ط®ط± ط§ظ„ظƒظ„ط§ظ… يعنى تخلف عقلي وهدشي خلعني وتنفكر فهد الموضوع باليل وبالنهار الله اجازكم و احفض للكم اوليدكم عاونوني وشكون لعاشت نفس المشكل تفيدنا بالمعلومات

jhov hg;ghl

matkhafchi a khti ykon khir inchallah daba yrja3 kaytir flhadra kandon kayn likayt3atlo flhadra bl7a9 ila kan momkin dih ntbib bach ytmnk ktar
lah ysm3k khbar lkhir

ياك تيقول شي كليمات ان شاء الله خير انا ولدي ت دار 3 سنوات ونصف عاد بدا يهضروالان باقي بعض الكلمات متيقولهمش مزيان ربي معاك اختي

شكراً بزاف على ردود ديلكم اخواتي

ختي عادي ، بنت أختي حتى هي تأخرت في الكلام و كل واحد أش يقول و حتى درت عامين و شي حاجة و عاد ولات تكلم دابا راه كانبغيوها غير تسكت و والو الله يستر ، مستحيل تسكت ههههه
الله يحفض وليدك و يخليه لك

المشاركة الأصلية كتبت بواسطة tafokt2019

السلام عليكم ورحمة الله وبركاته معرفش باش غد نبد ولدي عند عامين و نص وباقي مكيهدرش تيقول كلمات قلال وش في نظركم هدشي عادي وفي الانترنت قرت بان تاخر الكلام يعنى تخلف عقلي وهدشي خلعني وتنفكر فهد الموضوع باليل وبالنهار الله اجازكم و احفض للكم اوليدكم عاونوني وشكون لعاشت نفس المشكل تفيدنا بالمعلومات

سالام اختي شوفي زيديني عليك ولدي عندو عامين ونص ومكيقول والو معدا بابا وانا كيعيط ليا طاطا كي جاتك هادي ومن غير هاد جوج كلمات متيقول والو غير هو تبارك الله منقولكش كيفهمها طايرة ومديريهاش بيه فاي حاجة ودابا ايلا بغا يطلب مني شي حاجة كيقولها بالاشارة وصافي كلشي عندو بالحركات وبعد لمرات كيجيب الله منفهموش كيبدا مسكين يبكي حتى كيقطع ليا قلبي حيت معرفتوش شنو بغا ومع العلم اننا راه حنا ثرثارين وكيسمع الهدرة بزاف وتنحاول معاه نهضر معاه وهاكداك اوالو واللي كيزيد يفقصني انو تبارك الله تزادو دراري من موراه وتيهدرو وحق الله وكيبقا فيا هو مسكين وكيف قلت ليك راه تبارك الله عيه ذكي ماشاء الله
وديتو عند طبيب باش نحيد الشك يكما عندو شي مشكل
ساعة قالي سيري ولدك معندو والو كيسمع كيفهم مزيان حيت طبيب جربو فشحال من حاجة وقالي ماغادي تحسي بيه حتى تلقايه كيهضر ونتي تقولي ليه سكت
غير هو نبهني لواحد الحاجة قالي ايلا كمل تلات سنوات ومهدرش فخطرة كاع
ديك ساعة عاد خاصو مراجعة طبية انا
كنقول ليك هادشي حيت جيتيني فجرح وراني حاسة بيك والله غير متخافي والو ونساي داكشي اللي قريتي فنت راه تانا بحالك درت
واخا باقا مفقوسة من جيهتو حيت مكنسمعش من عندو كلمة ماما بالكل
وكايعيط ليا قدام ناس فزنقة طاطا هههههههههههههههههههههههههههههههههههه
ومؤخرا دخلتو لروض غير باش يندمج مع دراري ويخرج الهدرة ساعة والو وتقووووووووووووووووووووووووووووووول ياختي
كنتمنى نكون فدتك شوية وخففت عليك حيت تانا عندي نفس المشكل
نتيا بعدا على مفهمت منك راه كيقول شي حويجة بعدا ههههههههههههههههههههههه
الله يحفضو ليك وتفرحي بيه كيف بغيتي نشاء الله
ومرة اخرى متعمريش راسك بزاف

المشاركة الأصلية كتبت بواسطة lfrougya

شكرا اختى بزاف على الرد ديلك بصراحة حتى ولدي ذكي و مكنتش تنفكر فهد شي حيت هو مزيان في نمو ديلو و معندوش حتى مشكل ملى كمل عامين دتو عند طبيب قل بان دراري فهد السن يقولوا200 كلمة و بان هد شي ممزيانش هدشي لوقع و من دك ساعة و االخلعة شدني و غير كنفكر و الله معرفت ندير والله اكون في العون

صباح الخير اختي راه كيف قلت ليك حتا انا كنت مشوشة من هاد ناحية ودابا الحمد الله تهدنت واخا باقي مكيقول والو راه الخوف كيكون ايلا مكانش كيسمع وميفهمش راه بزاف دلمرات سمعت هاد الهدرة عند الاطباء فبزاف دالبرامج وزاد اكد ها ليا طبيب ملي ديتو عندو
نتيا غير بقاي تهدري معاه ومتحبسيش
وهاد المسالة اللي قلت ديال 200كلمة راه بصاح كاينة وليني طبيب قالي راه هي هاديك التبجغيط ديال الهدرة حتا هي محبوسة وبينما راه كتبقى غير احصاءات وسافي كتختلف من طفل لطفل
هادشي اللي نقدر نقوليك اختي
والله يفرحنا بيهم ويكون معاهم ومعانا راه حتا هما مكرهوش يهدرو دابا غير الوقيتة اللي باقا ماجاتش ههههههههههههههههههههههههههه معكازيييييييين

المشاركة الأصلية كتبت بواسطة lfrougya

ولله يا اختي الا فرحتني و خففت عليا الله احفض لك ولدك وانت بعد طبيب ريحك بعد شوية اما انا خلعني ولكن
اسبوع القادم عندو وحد الفحص عاد غادي نعرف اش لكان والله اسمعني خبر الخير

يكون الخير نشاء الله يا ربي
متنسايش طمنيني معاك
راه خيتك كتعاني من نفس المشكل واخا راني مغلبة عليه شوية

اترك تعليقاً إلغاء الرد