حكي لينا كيف وجدتي العقيقة . وكيف دوزتيها .وأش حضرتي .

بسم الله الرحمن الرحيم

السلام عليكم ورحمة الله وبركاته

حياكن الله أخواتي الغاليات ومبروك على كل أخت أم جديدة بالمولود الجديد جعله الله لك من الذرية الصالحة التي تقر بها عينك

أظن أخواتي مازال كتفكرو ط§ظ„ط¹ظ‚ظٹظ‚ط© ديال وليداتكم كيف دوزتوها وايمتا لديتو التحضيرات وأش خيطو وأش لبستو وكلشييييييييييي بغينا نعرفوه

بغينا منكم نستافدو ونتعلمو

أرجوا من أخواتي ميبخلوش علينا بالتفاصيييييل

---

p;d gdkh ;dt ,[]jd hgurdrm>>> ,;dt ],.jdih>>>,Ha pqvjd>>> hgurdrm ],.jdih,Ha pqvjd ,p]jd

ما شاءالله موضوع شيق وممتع في نفس الوقت
ان شاء الله يتفاعلو معاك الاخوات
وانا معاكم لي عودة بحول الله
الله يفك وحايلك على خير

شكرا لوجودك بالموضوع وننتظر مشاركاتك ومشاركة الأخوات

بارك الله فيك

شكرا اختي على هدا الطرح اتمنى تفاعل الاخوات اختي مازال تندكر مللي كنت حاملة و انا نوجد بحال لا تنوجد لعرسي ههههههه شريت كلشي جديد من بيجامات فوطات ملابس داخلية بينوار جلابة و البلغة و حوايج البيبي من الف الى الياء تصوري مني درت 6 اشهر و انا نوجد كواش جداد و ليزار وساك للبيبي المهم ضروري اي حاجة طاحت ليا فبالي نشريها عاد خلي الماعن لانها كانت اول مناسبة غتكون فداري وليت نشري و نحط من طباسل للسفوف شريت تقريبا 50 واحد ههههه و المعالق الصغار و الكبار حتى الماس شريتهم زدت الماعن باش لا جات عندي العائلة مجموعة ما نطلب حد من الجيران ختكم ما تترضاش ههههههههههههه
ه

هههههه فكرتيني أختي في طباسل صغار وفي المعيلقات ههههه خاصني نشريهم

ايوا عاودي لينا كيف دورزتي العقيقة وايمتا دبحتي وامتا عملتي الرفيسة

راه بغينا نستفيدو منكم

شكرا لك

s

تبارك الله عليك أختي زنوبة كازا

الله يخلي ليك عائلة زوجك لقيتيهم في هاد المناسبة

الله يصلح ليك وليدك يااارب

حسنا
اختي العقيقات ديالوي كانديرهم حتى ل21 يوم من الزيادة حنت كانولد قيصري المهم بالنسبة للتوجاد ماما الله يخلليها لي كاتصاوب لي السفوف هادا كانحيدو علي كاشري 2بجامات 2سراول 2 بيرميدات +2 دونيات +2 حمالات الصدر مفتوحين من الامام للرضاعة وريحة وستيك كحل ههه مكانساهش ومسائل ديال النفاس +درة حياتي.+فوطة.+"مانطة ومخدة وليزارعندي في الدار".
بالنسبة للبيبي 1لبسة مع طريبيشها لون موحد لي كوش باكية 2 طرطاقات 2 بيكيني للرضيع علبة معدات النظافة للمولود رضاعة سكاتةهههه من الاول لبوشون 2فوطات صغار وهادشي كولو مجموع فصاك لبيبي وفوقو لمينطة الصغيرة ديالو+ليزاز مطروز او عادي انا عندي مطروز.
كانجمع هادشي حتى يبقى لي شهر على الولادة حينت مبرمجة من قبل وايلا لاحظتي مكانشريش لحوايج للبيبي لانهم كايجيوا كادوات هوما والكونة والفراشة والحمال كايواعدوني بيهم العائلة المقربة حيت كانفرق عليهم المهام هههه بلا حشمة بلا حيا هوما للي بغاو.
ايوا مني كايفك الله لوحيل ولله الحمد كايديرو الرفيسة نهار للي كانجي فيه للدار حينت عندي 3 ايام واخا مكاناكولهاش هههههه ضحكي علي كاياكلوها غير للي جا يبارك واهل لبيت.
نهار 21 يوم العقيقة كانكون خفيت ولله الحمد كانقوم بشغالي من تستاف بلاطوات الحلوى وتهيئ السفوف في العلب وندور عند الطيابة ومالين الكوينة المهم بشوية علي بالنسبة للحلوى كاندوموندي عليها اختي واحد لمرا ثقة وفنانة وحتى مقاداش على روينتها بصح ديال قبل العقيقة كانتكلف بيها حينت ساهلة 3الى4 اشكال بكمية قليلة ايوا الله يفك وحايلك على خير
الله فكرتيني فلبيبي والولادة الله يصلح الوليدات

ما شاء الله عليك اختي ام محمد ياسين

عليك وعلى تاويلك بسم الله ما شاء الله

استفدت منك كثييير وحتى أنا عندي مشكل أنني كنولد بالقيصرية

الله يفك وحايلنا على خييييييير يااااارب

وشكرا لك كثيييييير

ماشي مشكل اختي القيصري المهم غير الفكاكة
ربي يخلليك اختي
الله يكمل عليك بالخير