حليب اصطناعي و نفر لي البزولة

السلام عليكم
انا ملي خرجت من الكلينيك كمن مريضة و ماكانقدرش نقابل ولدي مزيان ففليل درت له ط­ظ„ظٹط¨ ط§طµط·ظ†ط§ط¹ظٹ خصوصا انه ما عنديش حلمات في الثدي فدرت واحد البلاستيكة بحال الراس ديال الثدي كاتلصق على الثدي و كايرضع
لكن مؤخرا ولدي بدات كاتجيه الرضاعة الطبيعية صعيبة و الرضاعة ساهلة فبدا بنفر لي من الثدي و كايرضع غير مرة او جوج في النهار
و مرات غير مرة وحدة 5 ولا 7 دقايق و يبدا يبكي و يبدا يدفعها بلسانه
ما عرفتش شنو ندير ولدي عنده دبا شهر و نص

ساعدوني

---

pgdf hw’khud , ktv gd hgf.,gm

متفقديش الامل وحاولي ألف مرة الرضاعة الطبيعية ما كاينش فحالها
جوعيه وحيدي ليه الرضاعة ومنين ما غديش يلقا البديل غدي يحمد الله عليها
وحتا إلى غلبك وعطيتيه الرضاعة عطيه فيها الحليب ديالك جريه بالمصاصة اللي كتباع فالفارماسي

شكرا ختي
داكشي لي غادا ندير
و بالنسبة للمصاصة ولات كاضرني بزااااااااف لكن غادا نحاول
بارك الله فيك

akhti li nashak bih khali dari bi jou3 o 3tih bazola rah makaynch behaleha hawli tkray 3la alfark bin lwald li kayarda3 tabi3i o kifach katkon 3ando mana3a o dari li kayarda3 hlib pharmacien nasiha ba3di 3lih reda3a o daba yabda ychad lik bazola amma binisba li halamat hta ana waldi makanch kaychad liya wahed bazola mli wladt li darajat kont ghir kanajbad lahlib li fiha mli kathajar liya niht makanch kaychadeha walakin ghir dar chwiya o bda kayachedeha 3adi

عارفا الفائدة ولكن يا ختي كنت مريضة و عليها غلطت و درت ليه الرضاعة
هانا كانحاول كيفما قلتو لي
ولكن كايبدا يبكيييييييي و يدفع

أختي حتى أنا نفس الشئ واقع لي مع ولدي حتى هو دابا عندو شهر و نص كنت كانت فالأول كنعطيه غير الحليب الثدي ولكن ماكنش كايشبعو حيت الحليب قليل دائما فايق و كيبكي ليا فقررت نعاونو بالحليب الاصطناعي خصوصا مللي بدا كيفقد ليا الوزن بزاف صافي و طلع ليا الدم و بقيت كنعطيه لحليب فالرضاعة و كنعطيه البزولة فوق الشبعة و دابا ولا بحال ولدك غير احس بيها كيدفعها لي بلسانو و دابا خديت الشفاط كنجبد بيه لحليب و كنعطيه ليه ….المهم اشحال ما شرب راه مزيانة ليه حتى انتي ماعندك غير الشفاط و مللي تسالي دهني الحلمات حيت مع المدة كيتشققو مع داك الجهد ديال الشفاط

يا ختي هداك الشفاط كا يضر كايجبد لي عيني معاه
الله معانا و صافي

عندك الحق انا فالأول كان كايعدبني كانبقا نغوت مللي كنديرو ولكن الحمد الله دابا عادي مابقاش كايضرني كيما قلتي الصبر و صافي الأمومة ماشي ساهلة

خواتاتي انا ما زال ما ولدت و لكن عندي معلومات مرات خالي حتى هي كترضع بنتا عندا شهر و نص و كا مكتشبعشي من الرضاعة و كدالك حيت كيضروها بزاف و كدير الدوا باش ابراوليها و كتظطر تعطيها الحليب الصناعي غير هو الحليب لي كتعطيها حليب خالي من السكر طبيعي ما عقلتشي السمية حيت ادا البيبي ولف هداك العادي لي فيه السكر كينفر من الرضاعو و ما يبغيش يرضعليك حيت اتولف على مداق اخر لدلك خاص المرات تعطيع هداك الطبيعي بدون سكر باش اجيه بحال هدا بحال هدا كنتمتنى نكون فدت شي وحدة و الله اسهل علينا كاملين

شكرا ختي على النصيحة و المرور
و الله يكتب لك ولادة ساهلة ماهلة
انا دايرا ليه حليب كيفما قلتي بلا سكر ديال المواليد الجدد المشكل الرضاعة كاتجيه ساهلة و الصدر كايبدا يعرق بالجبيد