مساعدة الطريقة الامثل لفطام الطفل

بغيت نفطم ولدي عمرو عام وسبع شهور كنت باغا نكمل ليه عامين.لكن مقديتش كيصدعني في الليل بزاف وكيخليني بلا نعاس. وهو متيقدرش يتفارق معايا لدر جة انه تيخرج مع باباه كيوصلو نص الطريق كيقول ليه بغيت نرجع عندماما. ولا ندخل الحمام تيبقى يبكي حتى نخرج خفت الى فطمتو توقع ليه شي حاجة.اشنو رايكم الامهات .

---

lshu]m hg’vdrm hghleg gt’hl hg’tg

السلام عليكم ورحمة الله وبركاتهاختي راضية انا بنتي فطمتها بالحنة حطي الحنة وقولي له انها فيها خيخي كل ما تحسي انه يبغاها حطي الحنة حتى هو باللي تقولي له بغيتي ترضع يقول لك لا فيها خيخي

فكره زوينه اختي الله يعونكم

السلام عليكم اختي غادية نجاوبك واخا ما زالا ما مزوجة معندي ولاد حت مشكلتك جات فالحديت الاسبوع لي فات منين كنت مسافرة لدارنا وحد السيدو و امها المهم هد السيدة ولدها الاول و كان باقي متفطم قرب يديير عامين و كيعدبها مكيخليهاش تنعس بالليل المهم تمارة و ديا تفطم امهاا عطاتها واحد الوصفةكف ما قالت على لسانها حطة ببطلة شدات المرارة و دوزتها على السدر ديال بنتها و منين الوليد بغا يرضع ماحملهاش فقما كتبغي ترضعو كيتهرب و ديباا نساها فمرةةةة نتمنى نكون فدتك

السلام عليكم ورحمة الله تعالى وبركاته
حتى انا مازال مامزوجة ولكن واحد المرة كنت مع خالتي فالدار وكانت باغا تفطم بنتها ودارت الملحة ذهناتها فمكان الرضاعة فين ماتبغي بنتها ترضع حتى كرهاتو وبقاتش كتحمل ترضع من عند ماماها

شكرا اخواتي بزاف على تجاوبكم
اله يعطيكم مكا تمنو

حتى أنا بنتي كانت فحال ولدك بالضبظ …ديما لاصقاني و فين ما مشيت خاصها ترضع حتى في الطاكسي ويلا ما عطيتهاش كتفضحني …و لكن أنا كنت فتحت و دخلت للصبيطار 5 ايام و كانت كتقابلها اختي و مين كانو كيجيو يشوفوني كتبغي ترضع و لكن كنقولها في ديدي صافي مسكينة كتسكت صافي بقات هكداك حتى نساتها ….و الله العظيم الى كنت هزالها الهم كيفاش غادي نفطمها…
أحسن حاجة ويلا كانو داركم حداكم ديه عندهم يضل و يبات معاهم … شي سمانة حتى ينساها واخا غادي يصدعهم شوية و لكن ما عندك ما ديري …