الرضاعة الطبيعية قتلاتني . ارجو المساعدة

السلام عليكم ورحمة الله وبركاته

ولدي عندو ثلاثة اشهر ونص ومتيبغيش يرضع ليا ط§ظ„ط±ط¶ط§ط¹ط© و بزولتي تشقات وكلها حمرا ومنفوخة ليا والله العظيم دابا تنكتب وفيا السخانة و الرعدة مع العلم اني تنستخدم الجلدة اڤانت ولكن بغيت شي حل لهاد المشكل الله يجازيكم بخير مشيت لصيدلية قالو ليا كانت واحد البوماطة ولكن قطعوها وبوماطة ديال العينين مقداتش ليا
عافاكم عاونوني راني مبغيتش نقطع لولدي البزولة حينت باقي صغير

وشكرا*

---

hgvqhum hg’fdudm rjghjkd>>>>> hv[, hglshu]m rjghjkd

السلام عليكم ورحمة الله وبركاته
sinophile راه كاينة غير ولات ب100 درهم وزيدون دوزتي لكتير غير صبري راه كيبقاو يضروا حتى ل 6 اشهر سعداتك كترضعي شوقتيني لولادي فاش كانوا صغار

شكرا امال راهي اللي قلت ليك قطعوها بصح الرضاعة زوينة ولكن ليها اوجاع كل شي زوين ليه ضريبة الله يسمح لينا من واليدينا

معليك غير تغسلي بزلتك مزيان بالما دافي امبعد دهنيهم بالحليب ديالك هدا هو الحل الوحيد اخليها تنشف صبري 4 ايام اتهناي

الله يشافيك والله يهدي هاد الوليدات حتى انا ولدي محني

سعداااااااااااااتك يا اختي كترضعي كل واحد وهمو هههههههههههه الله يجعلها لك مغفرة للذنوب ويخلي ليك وليدك صبري احبيبتي واحتاسبي
الله يفرح قلبك ويقويك
ويرزقني ويرزق كل محرومة الذرية الصالحة

السلام عليكم اختي احسن طريقة يبرى صدرك وهادشي مع بداية الرضاعة كيكونوا مدغدغين وكينفع….. غسليهم بالماء الدافئ نشفيهم دهنيهم بحليبك وخليهم ينشفوا واحسن حاجة ماتلبسي والوا ديركت ليهم خسهوم يتهواو وكذلك حاولي تضعي الحلمة كلها في فمه لكي لا يكون الضغط على الراس والله يسهل امرك

شكرا ليك وياربي يرزقك الذرية وكل محرومة ويحقق ليك امنيتك

يعني نحلب وندهن بيه ونخليهم يتهواو،انا دابا غادي نجربها شكرا ليكم بزا

السلام ختي و الله يجعلها من مغفرة الذنوب إن شاء الله
ختي لحل هو لي قالت ليك الأخت tihiya و الأخت رحيق مختوم . حتى أنا كان وقع ليا فحالك و طبيبة هنا في أمريكا زعما خصها تعطيني شي مرهم ولكن قالت لي نفس الشيء دواك عندك و هو حليبك و ماشي كل مرة تغسليهم واخا بلا غسيل. و الله يهون عليك