نداء للخياطات و الحرفيات ديالنا الغزالات

السلام عليكم اخواتي و جمعة مباركة
الله يخليكم عندي استفسار و املي في الله انكم تجاوبوني ماشي غير طل و هرب هههه
بغيت نتعلم شي حاجة بسيطة اللي مطلوبة و نقدر يكون عندي بيها مدخول و لو بسيط و ما عرفتش فين نعطي الراس
انتوما كخياطات و حرفيات بنظركم شنو الحاجة اللي تقدر تعلمها الوحدة بسهولة و مدة وجيزة و تكون حاجة مطلوبة في السوق حيت كنشوف عند الخياطة شي بنات و عيالات كيجيبوا داكشي و كيعطوهم طلبيات اخرى و لكن ما عرفتش شنو داكشي
عاونوني الله يستر عليكم دنيا و اخرة

---

k]hx ggodh’hj , hgpvtdhj ]dhgkh hgy.hghj ]dhg,h

اختي حاليا موجود المكرامي هو اللي مطلوب بزاااف عند الخياطات وهادوك البنات اللي تتشوفي راه كل وحدة واش تدير كاينة اللي تتخدم العقاد وكاينة اللي تتخدم الطرز باليد وكاينة اللي تتفيني الجلابة او القفطان حيت الفينيسيون زوينة وساهلة وفيها مدخول حيت فيها تتركبي غير العقاد وتديري الضرس اللي تيكون في اليدين والقب والثمن كل مدينة وثمنها المهم بغيتي تتعلمي راه الورشات عطاهم الله غير دخلي لقسم الخياطة التقليدية وغادي تلقاي مبتغاك ان شاء الله

نزيدك اختي شوفي راه ديكورات الكوزينة والحمام تتدخلي فيهم احسن من الى خيطتي جلابة او قفطان خدمتهم ساهلة متطلبش الوقت ومدخولها سريع غير اختاري اثواب تكون تتجذب الناس وتفنني فالديكورات وراه المنتدى عامر بيهم المهم ي الله واحد الاخت حطات دياول الحمام بالاخضر والاحمر ما شاء الله عليه هذا اقتراحي وانت شوفي لاش تتميلي والله ييسر ليك ويفتح عليك ياربي امين

هانتي مثلا هاد الرابط شوفي الخير لي فيه
https://www.anaqamaghribia.com/vb/sho…d.php?t=366154

https://www.anaqamaghribia.com/vb/sho…d.php?t=337336
https://www.anaqamaghribia.com/vb/sho…d.php?t=339301
https://www.anaqamaghribia.com/vb/sho…d.php?t=235816

https://www.anaqamaghribia.com/vb/sho…d.php?t=367417

شكرا اختي على الافادة بارك الله فيك و سمحي لي تأخرت عليكم في الرد

اش غنقول ليك اختي سيري الله يبيض ليك الايام و شكرا بزاف بزاااااف على المجهود اللي درتي على قبلي باش تحطي الروابط و تفيديني الله يجعله في موازين حسناتك ان شاء الله

العفو اختي مكاين حتى مشكل
متقوليش هكاك المهم هو افدناك هذا هو الغرض وكل واحد وظروفو

الله يكبر بيك اختي شكرا بزاااف