السلام عليكم ورحمة الله وبركاته
اتمنى الملف يلقى اعجاب المهتمات بالاعمال اليدوية
لاني تعبت فتجهيزو و تجميعو و البحث عن الصور
و ان شاء الله الاخوات المحترفات ففن النسج و الصوف و الكروشي يشاركونا بالشرح
موضوع الملف بسيط و جميل لانه كيعطي افكار فمتناول و استطاعة المبتدئات و المحترفات فمجال الاعمال اليدوية
و خصوصا المحبات للنسج و التريكو و الكروشي … يعني كل ما يخص الصوف و الخيط و الغرز
النول او المنسج او التريكوتان
( knitting loom , tricotin … )
اسماؤو و اشكالو و احجامو كثيرة و متنوعة
كيف الاعمال للي ممكن تخدم بيه
و هاذي بعض الصور لاشكالو المتنوعة
[bimg]https://www.newenglandsimpleliving.com/images/Sock%20Looms.jpg[/bimg]
يتبع
lgt lj;hlg uk hgk,g , ha;hgi ‘vr hsjulhgi hgk,l
(لكن معندناش الجاهز للاسف ) متوفر فالخارج و فدول الخليج
او ممكن صنعو يدويا فالمنزل او عند النجار بالخشب و المسامر
يعني الافكار كيحدها فقط ابداع الانسان
ممكن تعمله بكادر او اطار قديم
او بمرمة او اي شي خشبي بشكل محدد
دائري مربع مستطيل مثلث بيضوي
كبير صغير متوسط…
المهم ان المسامر تكون متباعدة عن بعضها بنفس القياس
مثلا سنتيمتر بين كل مسمار و اخر
باش يكون النسج متوازن
و هادي بعض الصور للتوضيح
يتبع
و لذلك غتحناجو اشياء متوفرة فكل بيت
و هي :
لاستيك لتثبيت الاولي
سكوتش ( لصاق رولو) لتثبيت النهائي
4 اعولد خشبية ديال الكلاص
رولو خاوي ديال بابيي جينيك او اي خاوي ديال رولو
و طبعا ممكن تزيدو على ذوقكم و الحاجات المتوفرة عندك
المهم هي الفكرة
بعد تحضير المواد اللازمة
نمرو للعمل
كناخذو لاستيك و تدخلو ليه الرولو الكارتوني ديال البابيي جينيك
و نبداو ندخلو بين الرولو و لاستيك
الاعواد الخشبية الاربع ديال لاكلاص
و نتاكدو ان المساحة بينها متساوية
كيف مبين فالصور
بعدها كنتبتوها باللصاق السكوتش
و نزولو لاستيك لانه كان الغرض منو فقط تثبيت اولي و توازن المساحة بن الاعواد
يتبع
و لذلك غتحناجو اشياء متوفرة فكل بيت
و هي :
قرعة بلاستيكية نظيفة ( ديال العصير او الماء او الموناضة… )
مقص
سنتيميتر للقياس
ماركور او قلم حبر للتحديد
بعد تحضير المواد اللازمة
نمرو للعمل
كناخذو القرعة اليلاستيكية
و نعبروها بالمتر من جهة الفم ديالها
كيف كتبية الصورة
و بمساعدة المتر كنرسمو التحديد بمساحة محددة
بالماركور او اي قلم محدد
يعني بين المربع و الاخر 1 سنتيمتر مثلا
المهم ان القياس يكون نفسو
باش تجي الاسنان متماثلة
بعد ها منقطعو الجزء السفلي ديال القرعة
و للي مغنحتاجوهش فعملنا
لاننا غنحتاجو الجزء العلوي فقط
بعدها كنبداو نقطعو الاسنان او المربعات للي حددنا
على الشكل المبين فالصورة
و هكا كنحصلو على نول دائري للنسج
بهذ الشكل البسيط
يتبع
و لذلك غتحناجو اشياء متوفرة فكل بيت
و هي :
علبة مصبرات او كونسيرف
فاي حجم او شكل فارغة و نظيفة
شريط لاصق او شكوتش غليض
مقص
ماركور او قلم حبر محدد
سنتيمتر
مشابك جديدية بحال الفيليلات ديال الشعر (فليل4دريال)
مسدس السيليكون لتثبيت المشابك على العلبة
(للي معندهاش المسدس ممكن تشري غير قطعة السيليكون و تذوبو بالشمعة و تلصق)
نفتحو العلبة من الجهتين
و ندورو عليها الشريط الاصق كيف من الجهتين الفوق و التحت مبين فالصورة
و بمساعدة السنتيمتر
نحددو المساحة بين كل مشبك و اخر
كيف مبين فالصورة
و نبداو فتلصيق المشابك فالاماكن المحددة بالماركور مسبقا
بمساعدة لصلق السيليكون او بلصقة سبيسيال
و بعد منلصقو كل المشابك
تزيدو نتبتوها و نغطيوها بالشكوتش
و نتبتوها مزيان من برا و من الداخل
كيف مبين فالصورة
و ممكن نزينوها بقطعة ثوب او ورق مزين
يتبع
نول مصنوع من كادر خشبي الخاص بالصور
او اي قطعو خشبية
غنحتاجو كادر خشبي او ممكن لو بغيتوه دائري استعمال المرمة
او اي فقطعة من الخشب مناسبة
و مسامير
و سنتيميتر دائما لقياس المساحة الو الفراغ بين المسامير
و مطرقة لدق السامير فالخشب
قلم لتحديد القياس
بعد تحديد المساحات و القياس
كيف موضح فالصورة
نبداو بدق المسامير
كيف توضح الصور
ممكن تعملي المسامير داير مدار الاطار
او تعمليها في 2 جهات متوازية فقط
و لك حرية الاختيار في شكل و حجم الاطار
يتبع
لا اظن انه متوفر عندنا
هو سااااهل فالاستخدام لغير المحترفات بحالي هههه
يعني للي مكيفهمو فالغرز و النسج حتى حاجة
ممكن ينسجو بمساعدة النول الجاهز و متوفر فاشكال و احجام عدة
و لي كل معليك هو اتباع الخطوات المرفقة بالالة
و وضع الخيط فمكانو من الصنارة
و تبداي دوري الالة يدويا
و هي كتتكلف بالنسج
يتبع
بحال هذ الاشكال للي فالصور
يتبع
و يكون لتعبي فالبحث و التهييئ للملف عندو نتيجة
نتمنى تشاركونا بمعلوماتكم و خبراتكم فهاذ الفن
و ان شاء الله لو كان تفاعل منكم
نكمل الملف
و نزيد نواكبو بكل مفيد
من طرق النسج و الغرز
و الاعمال للي ممكن عملها بالنول
تقبلو مني اعطر التحايا
و لا تحرموني من دعائكم الصالح في ظهر الغيب
اختكن قمرة ليل
وعليكم السلام ورحمة الله وبركاته