السلام عليكم ورحمة الله تعالى وبركاته
عيد مبارك سعيد
حبيبة عجبتني هد البلوزة او بغيت نصوبها لبنتي ان شاء الله بغيت تعاونيني راني باقة مبتدئة او تمشي معايا دقة بدقة ههههههههه
عبار الخصر 50 سنتيم
واشنخدم 37 سنتيم
بالنسبة للزواقة فهمتها لي مفهمت هي هد الفقرة
واشملي سليتي الزواقة جمعتي بمزلقة اولا اشنو هههههههههه
غدي نصدعك
ثم كنخدو سنسلة مكونة من 23 سنسلة
بالنسبة لسنة حتى ل3سنوات غادي تخدمو 11سنسلة
نفس الشئ نديروه للخلف ونخدمو 23سنسلة ونلاقيوها مع الجزء الامامي
والسنسلة ديال الامام نلاقيوها مع الجزء الخلفي باش نخدمو عليهوم التتمة ديال الجزء التحتاني
‘gf hgn hojd vh[dm psk hgohjlm hld pa,
هاهيا لكسيوة اختي مي عويشة
غادي نجاوبك بالنيابة على الاخت راجية حسن الخاتمة لانها في اجازة والله يرجعها لنا بالف خير ان شاء الله
اختي الى عندك في الحضر 50 غادي ان شاء الله تخدمي 75 سم وغادي تقسميها على 2 اي 38 في كل جهة, وفاش تكملي الزواقة غادي تخدمي 11 السناسل قي جهة, وتقطعي الخيط من الجهة الاولى,وفي الجهة الثانية متقطعيش الخيط حيت غادي تكملي به الخدمة ديالك وغادي يجيط بحال عاد الشكل
نتمنى الشرح يكون واضح عزيزتي والى موضحش نعاود حتى تفهمي ان شاء الله
المشاركة الأصلية كتبت بواسطة تيليلة 
اختي تيليلة الى لقيتي في عبار الحضر 47 وضربتيها في 1,5 غادي تعطيك 70,5 لكن انتي ديري 70 او 71 باش مدوخيش
حسب ماقالت اخت راجية الله يرجعها بالف سلامة
أولا غادي نبداو بقياس الخصر ونضربوه ف1.5
انا لقيت 60سنتيم منين ضربتها ف1.5 عطاتني 90(ممكن نزيد او ننقص على حساب واش بغيت الجزء التحتاني واسع بزاف ولا غير شوية)
يعني غادي نخدم 45للقدام و45للخلف
انا فهمت انه غدي نخدم الامام بوحدو عاد الخلف قبل دبا غدي نخدم 70 سنتيم دقة وحدة ياك او نديرزيادة من الجانبين واحد نقطع فيه الخيط او الثاني لا اوملي نسالي الوزاقة غدي نخدم 2 سلاسل
غدي نطبق هدشي او نجاوبك
دبا نخدم 35 ياك +الزواقة
من بعد اش غدي ندير
ارجو منكن صورة ديال الكسوة لي كتكلمو عليها
وفاش توصلي لسناسل غادي تمشي 3 السناسل حشو 4 المرات والخامسة ديري فها 5 السناسل حشو وفهاد 5 السناسل فاين غادي تكون الزواقة شوفي الصورة غادي توضح لك اكثر
وغادي تكملي على الزواقة ديالك ودبا متزيدي متنقصي حتى توصلي للطول ليبغيتي ,وغادي تغبر الطول من الحلمة حيت مازال الجهة الفوقانية ديال لكسيوة
نتمنى الشرح يكون مفهوم اختي تيليلة