يثبت الموضوع من طرف
نسمة زكية
11-11-13
باسم الله الرحمان الرحيم,والصلاة على اشرف المرسلين محمد النبي الامين عليه افضل الصلاة والتسليم.
بطلب الاخوات في الموضوع الاول حملة ديكور المطبخ كل بالكروشية, وبعد الاتفاق على عمل هاد الموديل ديال السلة الي اقترحتوا شمس الهداية مشكورة
ان شاء الله غادي نبداو الورشة ديالنا
للانظمام للورشة وعمل الموديل
اولا اطلعي على الموضوع الصفحة 5,هناك فيديو يوضح طريقة الحصول على خيوط بلاستيكية من اكياس البلاستيك الموجودة عندك في المنزل(من الاحسن تقطيع البلاستيك عرض 3 سنتمتر لعمل سلة اكتر سمك)
الموضوع الاول=
حملــــــــة ديكور المطبخ كل بالكروشيه
تانيا كروشيه رقم 2 او 3 على حسب الي يساعدك في الخدمة
تالتا تجميع اكبر عدد من البلاستيك على حسب الالوان المتوفرة وعلى حسب دوقك
للمشاركة في الورشة المرجو الرد على الموضوع للانظمام.
تاريخ الورشة غادي يحددوه المشاركات معانا في الورشة على حسب استعدادهم وعلى حسب البلاستيك المتوفر عندهم
وشكر خاص لجميع الاخوات الي شاركوا معنا في الموضوع الاول سواء باقتراحاتهم وافكارهم وردودهم
المشاركة الأصلية كتبت بواسطة hindd 
قطعت البلاستيك غليظ جاتني الخدمة غليظة وواقفة
كنتمنى نشوف مشاراكتكم في الموضوع
انا وريتكم فين وصلت للتشجيع
المشاركة الأصلية كتبت بواسطة hindd انا جيت نوريكم فين وصلت
باقيلي واحد 3 اسطر وعاد نطلع السلة ديالي
انا بطيئة شوية فالخدمة السمحولي
محيت مكنخدمش بزاف فالنهار عندي اشياء اخرى كنديرها فنفس الوقت
المشاركة الأصلية كتبت بواسطة hindd انا كان كملي البلاستيك وجاتني هاد الفكرة
باش نخلف البلاستيك بلا مندير عقدة
كنقطع طرفي البلاستيك
من بعد كندخل واحد فالتاني
وهاكدا كنحصل على بلاستيك متصل
المشاركة الأصلية كتبت بواسطة hindd انا دابا غادي نوريكم كيفاش نطلعوا السلة ديالنا
اولا مين كنكملو القاعدة كنقلب الخدمة ونبقى نخدم بالعكس باش يكون الوجه ديال السلة برا
بحال الصورة
وباش نبدى السطر الاول كنخدم واحد السنسلة
ومن بعد عاد نبدى نخدم غرزة الحشو, كندخل الصنارة وسط العين فكل المرة فكامل السطر
باش يكون السطر طالع الفوق
مين كنكمل السطر الاول ونسد الخدمة في السنسال الي بدينا بيه الاول, كنطلع السطر التاني البداية واحد السنسال ومن بعد نخدم عادي غرزة الحشو
كنتمنى تكون واضحة الطريقة,والصور
المشاركة الأصلية كتبت بواسطة hindd كيف الحال و الاحوال, فين وصلتوا فالخدمة !!
المهم مين نساليوا الاربع اسطر ديال السلة
غادي نبداوا نخدموا الاسطر الي مزوقة
كنطلعوا ب 3 سنسلة وكنخدم عمود من بعد 2 سنسلة من بعد 2 عمود في نفس العين وكنخلي 3 ديال العيون والرابعة كنخدم بنفس الطريقة 2 عمود 2 سنسلة و2 عمود فنفس العين, وهكدا حتى نكمل السطر ونسد وكنطلع السطر التاني بنفس الطريقة
كنخدم تلات اسطر من بعد كننهي السلة ديالي بهاد الطريقة كنقص الخيط ونخرجوا من العين
من بعد نخرجو من العين التانية ديال بداية السطر
من بعد الخيط كندخلو فالداخل في العيون
وهادي السلة ديالي
باقي التزيين ديالها حتى الغد ونكملها ان شاء الله
,vam ulg sgm fhgfghsjd; ugl
غادي نزل الطريقة الي كنستعمل فالتقطاع ديال البلاستيك
اولا غادي تجمعوا اكبر قدر من البلاستيك المستعمل , المهم يكون نقي ومقاد وممقطعش , وبالوان مختلفة او لون واحد حسب المتوفر
اولا كنقطعوا الفوق ومن التحت ديال الكيس البلاستيكي
من بعد كنظوي بهاد الشكل وكنخلي 2 سنتيمتر
كنقطع بالمقص بمسافة مقادة ولكن منوصلش للاخر كنخلي المسافة الي خلينا
من بعد كتبقي لينا المكان الي ممقطعش
الصور معرفتش نوضحها اكتر
المهم كنقص بهاد الشكل
حتى للاخر
وكنحصل على خيط ممقطعش
حتى كنجمع الخيوط الي بغيت عاد كنبدي نخدم بيهم
بالنسبة لبترون السلة فهو تقريبا بحال هدا
القاعدة كتكون دائرية بغرزة الحشو X
شكرا على تواجدك في الموضوع
قطعت البلاستيك غليظ جاتني الخدمة غليظة وواقفة
كنتمنى نشوف مشاراكتكم في الموضوع
انا وريتكم فين وصلت للتشجيع
انا قلتلكم انني ماعنديش الكروشي رقم 2 وانني غانمشي غدا ان شاء الله باش نجيبو وكاين عندي غير الرقم 3 وبديت بيه واحد النمودج غنوريه ليكم فلموضوع الاول ايلا كتاب باش نخليو ههاد الورشة خاصة بسلة لي غانديرو بحول الله وقوته
تبارك الله عليك و ورشة موفقة ان شاء الله ,والى كنتي بغيتي تشرحي مرحلة بمرحلة الخدمة ديال السلة ويتبعو من وراك الاخوات ويحطو لك التطبيقات ديالهم هنا والحملة تبقا خاصة للردود والتساؤلات سوف اثبت الموضوع ؟
في انتظار الجواب عزيزتي هند ولك مني اجمل تحية
موفقة عزيزتي