جبت لكم تقيشراااتي يا تقيشراتي . اخيرا طلعتهم والشكر لكم طبعا

السلام عليكم
هادو أول حاجة دالصوفة كنخدمها في حياتي لأني مبتدئة…
تقاشر ساهلين ..طلعتهم بالبوان موس بوحدها ..
حاولت نصور لكم كل المراحل اللي خدمتها …

الحمد ظˆط§ظ„ط´ظƒط± لله على نعمه علينا.

الأدوات:

الصوف
قطبان رقم 3.5

الآن ركزي معي جيدا…
أول حاجة غانعملوها هي أنك تنظمي 60 عين

[IMG]غاتخدمي هاد العيون بالبوان موس حتى توصلي ل 20 سطر[/IMG]

ال 60 عين الاساسية كنقسموها على 3...

بمعنى..غاتخدمي 20 عين الأولى…بعدها مباشرة ال20 عين الثانية
وتقلبي القطبان.. غاتبقاي تخدمي فقط فهاد ال20 عين الوسطى …
إذن ال20 عين الاولى والعشرين عين الثالثة غايبقاو بدون خدمة
حتى نكملو القنطرة ديالنا.

القنطرة خص يكون عندنا فيها 25 سطر ..تقدر تكون أكثر او أقل
على حسب قياس القدم عندك.

ملي تكملي القنطرة..
غاتجمعي العيون اللي فالجنب مع بعضياتهم
وتخدميهم مع العيون اللي فالقنطرة…
نفس القضية غاتعمليها مع الجهة المقابلة.

فهاد المرحلة العيون كلهم غايوليو عندنا في قطيب واحد…
غانبقاو نخدموهم حتى نحصلو على 11 سطر..

احنايا الآن خدامين فجهة أسفل القدم.

التقشيرة قربت تكمل…
كنخيطو اسفل القدم والجوانب بخيط الصوف…

وهاهي النتيجة النهائية

كنتمنى هاد الورشة المتواضعة تكون عجبتكم..