السلام عليكم الأنيقات، جيت نستشركم في فراش الصالون، أنا يالله بديت نفرش فيه، حيت نجار يالله كمل لينا العود على عام هه (شفتو الفقصة هههه)، ماعلينا، أنا عندي العود ديال l’acajou، السلك والعضم بحال هدا 
و درت زربية حمرة بلدية،( قلت حتى نكملو ونزلو في موضوع بحدو انشالله)، او المضارب درت mesidor، دبا لبقى ليا هما طلامط او les rideux، او لحايف. بالنسبة لطلامط أنا حايرة كنت بغيت ندير البهجة عاجبني بزاف، ولكن العائلة ديرنو في الصالون، أنا كنبغي نبدل على العائلة، بش يبان إختلاف، بغيت شي حاجة بلدية او مديموداش، فهمتني! مبغتش الموبرة، تاني عائلة راجلي كلهم ديرنو،(قولو ليا شحال فيك ديال الشروط)، ولكن طامعة فكم تساعدوني، بغيت نوركم شي طلامط او قولو ليا رأيكم، عفاكم، 
أنا لعاجبني بزاف هما طلامط ديال الصالون الأول، بغيت نديرو في dorée او rouge، اش بان لكم؟ و بالنسبة للحايف، أنا بغيت نديرهم على شكل متلت، الخياط قال ليا، دريهم rectangle، أنا غادي نحط صور بجوج لحفة وعطوني رأيكم، احتى لمقهى صغيورن ولاو darjin الدائرين او rectangle إنا واحدين ندير عفاكم، اللحايف على شكل مثلث 
اللحايف على شكل rectangle 
الخديات الدائرينٍ 
والخديات rectangle 
وأخيراً، سمحولي بزاف، خديت لكم وقتكم، ولكن رأيكم يهمني كثيراً حبيباتي، أحبكن في الله !
Ysjahvm td ]d;,v whg,kd fhgw,v
ماعرفت ما نقول غير بشوية عليك حتى تلقاي اللي يناسب صالونك انشالله يطلع كيف تمنيتي والله يجيب الرزق وتصيبي شئ حاجة ماديراش عند العائلة هههههه ولكن المهم هو اللمسة الأخيرةالأخيرة
أنا بعد تنزهت مزيان فدوك صالونات لغزلٍين أو كلهم كيحمقو او عجبني بزاف هداك لبالحمر او صفر حيت أنا دايرة سلوني بالحمر او نوار ولكن ج غزال مع صفر مزيان ديري شي حاجة خارجة المألوف
الله يسهل عليك وتفرشي فراش غزال ,انا عجبوني اللحوفا متلتين راه تيبانو راقيين بززاف,والخدادي الدائريين جاو تيحمقو
حيت الخدادي الكبار مربعين مغاديش يجيو الصغار حتى هوما مربعين.وفالاخير لك واسع النظر.
انا اللي عجبني هو الصالون رقم اربعة استة بجوجهم غزالين اشي حاجة راقية
انا عجبني هادا https://4.bp.blogspot.com/-a4gFV5aexw…00/salon_1.jpg
مبروك عليك أختي تفرشها بالهناء و زيادة الرزق أنا في نظري دري طلامط ديل الغرزة زونين خرجو ولا عجبوك شي طلامط خرين لحوفة دريهم ديل الغرزة كيجو فنين و كلاس هههه ومن تخيطي دري لوسايد لخرجو طوال هاكا غدي يجي صالون ديلك مخالف على ديل العائلة
اختي بعدا شمن ستيل بغيتي واش تقليدي خالص يعني ركن يكون بلدي مئة في المئة؟
شكراً أنيقاتي على الإهتمام بموضوعي، والرد عليه، أنتن فعلا نعمة الأخوات!!
المشاركة الأصلية كتبت بواسطة asia aimane 
أنا بعد تنزهت مزيان فدوك صالونات لغزلٍين أو كلهم كيحمقو او عجبني بزاف هداك لبالحمر او صفر حيت أنا دايرة سلوني بالحمر او نوار ولكن ج غزال مع صفر مزيان ديري شي حاجة خارجة المألوف شكراً حبيبتي، هدكشي لبغيت ، ندير صفر او لحمر، بلدين!