السلام عليكم
الله يخلليكم البنات الى عندكم شي فكرة ، بغيت نصلح شقة اقتصادية 60 مترو و بغيت نعرف واش مليون طھظ‚ط¯ظ†ظٹ او نتكمش هههه
المهم واحد الجلليجات طارو بوحديتهم هه في كولوار وقلت خاصو يتعاود كامل ( غير الكولوار ) و لكم ان تتخيلن قدداش غادي يكون : شي مترو على 7
بغيت الرخام البيج على واحد 2 حويطات ديال الصالون، و 4 شراجم بغيت ندير ليهم الريدوات ديال الالومنيوم ، ثم واحد القوس ديال الصالة بالگبص ، و بالنسبة للحمام بغيت ندور كرسي التواليت اعزكم الله لجهة اخرى باش نلقى فين ندور قعدة الدوش بالزجاج و الالومنيوم راكم عارفين حبس كرف ههه
و في الاخير بغيت نعاود الصباغة ديالها كاملة غير العادية و ما كرهتش العنبرة في الصالون
ماتقولوش ليا راك تتحلمي ههه
والله يجازيكم كملو خيركم الى عرفتو شي معلمية مزيانين في مراكش فايت ليكم جربتو خدمتهم وعجباتكم تعطيوني تليفوناتهم ، انا قريبة من مرجان المنارة
المهم كل وحدة دازت من هاد التجربة تنقلها ليا باش نستافذو و الله هو اللي غادي يخلصها ، الله يجعلو ليها في ميزان الحسنات
,ha jr]kd lgd,k?
من الأحسن صبري حتى تجمعي مازل وعاد باش بداي تصلحي ، خصوصا باغا ديري رخام ، والكبص والصباغة بالعنبرة وسراجم أليمنيوم ، وهادشي كله راه ماشي رخيص
ومن الأحسن تسولي على ثمن كل حاجة باش تعرفي شحال بالصبظ غادي تكلفك
راك عارفة ملي كتبداي تصلحي حاجة كتجر حاجة ، وإلى كنتي ناوية تصرفي مليون كتلقاي راسك صرفتي جوج
الله يرزقك ويعاونك
رخام انا كنت عاودت رخام ديال salle de bain
تيدير 75 درهم نالمتر
الصباغة ديال دار انا كنت عاوتها و درت 2 يدين
داري فيها 75 متر مربع شريت 3 سطولا ب 400 درهم نالواحد عاد حق يد المعلم
اما العنبرة غالية
الالومنيوم حتى انا درت ديال تواليت شي 2 متر هو و الزجاج درت 2 بيبان ديال السكة ماشي دورتو على ديك البلاصة ديال الدوش
و باب ديال البالكون بدلتها و درت ديال الالومنيوم
هادشي ديال الومنيوم تقام عليا ب 2024 درهم
نتمنى نكون فدتك
انا في رايي ديري شوية بشوية وسبقي الاهم ماشي بضرورة ديري كلشي في دقة
غير جوج شراجم الالمونيوم بريدوياتهم تقامو عليا بتسعين
وصبغت جوج بيتي وبيت بناتي والمراح تقامو عليا بسبعين مابين الصباغة والمعلم وباقي الصالون وبيت الجلاس ما بقاوش ليهم الفلوس
والزليج اختي الى بغيتي شي حاجو مزيانة راه غالي شوي انا درتو ب 120 درهم للمتر
والرخام راه تقريبا اقل ثمن تلقايه 600 درهم للمتر
انت صلحي بشوي بشوي بقاي تجمعي ولا ديري القرعات وفوق ماتشديها نقصي عليك حتى تكملي دارك
والله يكمل عليك بالخير