السلام عليكم ط§ظ„ط¨ظ†ط§طھ
انا متزوجة هادي شهرين و حياتي مروبلة بلا قياس
كنفيق فالدقيقة التسعين و كنهز محفظتي بالجري و كنخرج نتسنا الطرونسبور كنمشي خمسين كلم و كنهبط على الشانطي و كنطلع على رجلي للمدرسة 4 كلم و كنبدا خدامة مع التلاميد و كنرجع مع الزوال حلاقمي خارجين بالغوات كندير بيض و مطيشة و كناكل و كننعس حتال 5 د العشية كنفيق نعمر اتاي و نتسنا راجلي لي استاد حتا هو و الي ماشي بلا غدا حيت ما كنوجد ليه والو مسكين و كندير العشا و نتعشاو ننعسو مع منتصف اليل
ما كنجمع ما كنسيق مرة فالسيمانة ما كانوجد والو
الا درت الحوايج فالمكينة كننشرهم بزز و كنهبطهم و يترماو فبيت النعاس الي جا كيعفس عليهم حتى يتوسخو بالتمرميد
عافكم ما تضحكوش عليا راني قلبي طايب بغيت برنامج عمل نمشي عليه
uh,k,kd h hgfkhj vhi jgtj lh r]dj ugn vhsd
شوفي تخايلت دارك اول حاجة استغفري الله كتيرا وطلبي منو يعاونك
ونوضي شمري وكوني لالة ومولاتي وحيدي عليك هاد العگز
اول حاجة بداي بالحوايج هما للي تيرونو الدار عزلي النقي ومن الموسخ للي موسخ ديريه يتصبن و النقي جلسي تطوي فيه مللي تسالي الحوايج ضربي تخميلة لبيت النعاس و نقيه مزيان و عطريه
موراه سيري البيوت الاخرين سوسيهم و جمعيهم مزيان و شطبيهم و مسحي الغبرة
و عاد سيري للكوزينة بحر الدار للي تمارتها ما تتساليش
دخلي ليها ردي الماعن المغسولين لبلايصهم و ستفي البلاكارات لا عندك و ديري شي بانيو فيه تيد وجافيل وضربي حكة للشبكة ديال الماعن و غسلي الماعن المسخين و مسحيهم فالحال ورديهم لبلاصتهم و مسحي البوطة و التلاجة و ضربي للكوزينة حكة فركيها مزيان غتبان تتشعل و طيبي للرجل ماكلتو حرام عليك من تمارة يجي يلقى الدار مقلوبة ونتي تالفة ياك لاباس هههه
المهم مللي تجمعي الدار نعطي بروكرام للي يفيدك و يولي الشقى عندك خفيف و دارك نقية ومتولة شحال عندك بعدا من بيت
حتى انا موضفة وفالبداية مللي يا لاه خدمت و جاتني الخدمة مع بداية الوحم تلفت يا اختي كنت بحالك و دابا الحمد لله بخير الدار ديما نقية و تنفيق بكري الوقت للي يقدني لاش نبقى ناعسة ونفيق مزروبة وتنعس بالليل بكري وعاد عندي بنوتة ومقادة الوقت الحمد لله خصك غير النضام وتولي لالة ومولاتي
عندي بيت النعاس و صالون و مراح مفرش و بيت دايرة فيه الكتب و الدفاتر د الخدمة و بيت مسدود فيه الهدر ههه و كوزينة و دوش و طواليت
المشاركة الأصلية كتبت بواسطة fouziareda 
عندي بيت النعاس و صالون و مراح مفرش و بيت دايرة فيه الكتب و الدفاتر د الخدمة و بيت مسدود فيه الهدر ههه و كوزينة و دوش و طواليت
شوفي خصك غير النضام حتى انا عندي الدار كبيرة فيها 3 الطوابق مفرشة غير الوسطانية فيها 2بيوت وصالة و دوش وطواليط وكوزينة بحالك تقريبا و منضمةو راسي و حتى الطبقات الخاويين نقيين ضروري مرة فالاسبوع نسيقهم و نحيد الغبرة وخى خااااوين
شوفي اختي نضمي راسك ونوضي دابا ديري داكشي للي قلت ليك و توكلي على الله راه الدار لا كانت مرونة غادي تاتر ليك حتى على نفسيتك نوضي ديري للي قلت ليك و غترتاااااااااحي وغدا ان شاء الله نجي نطل عليك نشوف اش درتي فروينتك صافي
شوفي ياكما يكون عندك مشكل نقص الغدة الدرقية لانه كيخللي الانسان يكون تعبان وكيحساب لينا انه العgز
هادي غير ملاحضة والله يعاونك اختي ويعاونا احنا النساء المشتغلات ماحيلتنا لشغل برا او شغل الدار