باغا تفرشي دارك لكن محتارة عندي ليك بعض الافكار

الغزالات اش خباركم كنت جالسة قلت علاش منفيدش حباباتي خصوصا شفت بزاف ديال البنات عندهوم تساؤلات حول الديكور نبداو بسم الله اذا كان عندك بيت ديال الجلاس او سيجور ها بعض ط§ظ„ط§ظپظƒط§ط± باش تفرشيه اولا الحائط حاولي تخرجي من الالوان التقليدية و ديري الوان كتريح العين و مناسبه مع الفراش من الاحسن يكون 3حيوط فيهم الصباغة و حيط نديرو فيه papier peint اما كامل او اجزاء على حسب الاذواق هادو بعض الاشكال و الالوان ديال papier peint اذا كان مغلوق نديرو الحيط بااارد مثلا حيط فالبيسطاش و papier peint نديروه فالبني داكشي على حساب الفراش المهم الالوان تكون متناسقة ها بعض الامثلة باش تفهموني اكثر ندوزو دابا للفراش مكنصحكومش ديرو سدادر فالبيت او السيجور حيت غيزولة اولا على الصالون يعني ما كاينش فرق كنجلسو فيهم بزاف و مكيكونوش مريحين فيهم مصاريف ها البونج ها الطلااامط ها الخشب من الاحسن canapé خفيف اما ديل 2 او ديال واحد اذا ختارينا ديال 1 نزيدو des poufs باش نعمرو الجلسة ونديرو ديكور زوين اما اذا كان ديال 2 فراه كافي اللون ديال الكنابي خصو يكون فلون الحيط اللي درنا مفتوح و باش ندكرو بلون papier peint نزيدو خديديات فلونو باش نعطيو اناقة هنا كيف كتشوفو عدنا canapé ديال 1 لون ديالو orange يعني هنا خصنا نديرو حيط ارونج بارد بزااااااااااااف و papier peint فالبني و ما كرهناش يكونو فيه des motifs فالاورونج وكذلك نشريو خديديات بلون موحد فالبني اة نخيطوهم 40*40 و نزيدو des poufs باش تكمل الجلسة لكن الزربية من الاحسن تكون beige باش ميجيوش هاد الالوان كثيييرة يعني الزرابي دائما نختاروهم مفتوحين اذا كان البقيىة مغلوقة يكون اللون دائما مشتق من اللون اللي درناه فالخدادي و papier peint وهنا كيف كتشوفو canapé ديال 2 شوفو غير الشكل اما اللون بانلي باهت و محناج لبعض الالوان بقات لينا الطابلة ختاروها عصرية و حادرة و مناسبة للالوان اللي درتو بحال هاد الشكل مثلا ومانساوش التلفاز يكون مقابل للجلسة تقدرو ديروه فالطبية الخاصة بيه او تعلقوه فالحيط على حساب كل واحد ندوزو دابا للستائر بما ان الغرفة عصرية فالستائر غاتكون وحدة فقط و تكون simple وغتكون طويلة حتى الارض واخة السرجم يكون صغير حيت canapé نديروه فالحيوط الاخرين ماشي جيهت الشرجم باش يبان البيت واسع واذا كان البيت شوي كبير و باقي التيساع جيهت السرجم تقدرو ديرو table à manger منها ديرو منظر و منها ميتوسخش البيت هاد الصور كتشرح كاع داكشي اللي قولتو غانختمو الموضوع ببعض الديكورات اللي نقدرو نضيفو بيها لمسة جمال على الغرفة او السيجور رف رفوف او لوحات من اختيارك نتمنى الموضوع يكون عجبكم و تستافدو منو