حبيباتي الغاليات اليوم قلت نوريكم اختراعي البسيط
انا مانحملش الشارجورات يبقاو يدورو في الدار وبقيت كانفكر وانا نلقى ليهم الحل
كانحتاجو علبة محارم كما كانت واخا تكون من الكارطون ولا حتى كارتونة ديال شي صباط جديد
وcutter
وrallonge
انا شديت هذ العلبة كانت عندي مرمية في واحد لبلاكار
وفي التحت فيها واحد الثقب زدت كبرتو باش يدوز منوال rallonge والى كانت كارطونة راه تكون ساهلة وحطيت غالونج عريض وفيه botton باش يتسد
وحطيت الشارجورات وخرجت الراس باش ندير فيه لي بورتابل وهكا يجمعهم ويبين منظر زوين ومعروفة بلاصتهم
ونخليكم مع الصور
وممكن ناخذوه معانا في كل غرفة ونصنعو لكل شخص باطة خاصة في غرفتو
اتمنى تعجبكم فكرتي
grdj pg ggahv[,vhj astuce pour les chargeur de portable
أحلى تقييم
جد سعيدة لانها عجبتك
المشاركة الأصلية كتبت بواسطة عاشقة القراءة 
أحلى تقييم
ربي يخليك ويسعدك ايوة نتهلاو في الشارجورات
قهرونا الشارجورات حنا غير 2 فالدار وشارجوراتنا كتر منا هههه
جاري التطبيق باْذن الله
شكرااااااا
المشاركة الأصلية كتبت بواسطة راجيةالغفران يزين ايامك الحبيبة
منورة
المشاركة الأصلية كتبت بواسطة nivinne.n قهرونا الشارجورات حنا غير 2 فالدار وشارجوراتنا كتر منا هههه
جاري التطبيق باْذن الله
شكرااااااا
العفو حبيبتي وعندك الصح راه لي شاغجوغ اكثر من الهم الله يبعدو علينا وعليكم
ومزيان فاش عجبتكم الفكرة
غير وكان باقي كانفكر فشي حل نزين بيه هذ العلبة ونغطي هذيك الفتحة اللي لفوق