في تاريخه
اخت لطيفة
السلام عليكم و رحمة الله تعالى و بركاته
ليوم جبت ليكم 4 مقبلات من البطاطا محبووبة الجماهيير
هههه تقريبا كلشي عزيزة علييه و باش نوعو
شوية و نبدلو داكشي لي موالفيين نقدمو لعائلاتنا
الوصفة الاولى
لي عزيزة تقريبا على كل الوليدات لي هيا الشيبس
مقاديرها بساط و كتجي غزاالة و نقية احسن من تاع برا
المقادير
بطاطا /ملح / شوية الخميرة تاع الحلوى
نغسلو بطاطا و نقييوها و نقطعوها بهاد القطاعة ضروري و الى مكانتش
ممكن نستحملو موس الاقتصادي خاصها تكون رقييقة
نديروها فماء فيه شوية الملح و الخمييرة و نخلييوها لمدة ساعة
ضروري هاد الخطوة باش يمشي منها النشا و تجي مقرمشة تم
نصفيوها و نبداو القلي خاصنا نرميو وحدة بوحدة باش ميتلاصقوش و نار تكون مهييلة
باش ميتحرقوش و يجيو مقرمشين ولي عندو الفريتوز يدرها على درجة150
وهاهيا بالصحة و الراحة بنينة و نقيا ههه احسن من تاع الزنقة
الوصفة الثانية
البطاطا بالقزبر و الحامض و الثوم
تقريبا هيا وصفة سورية ساهلة و بنيينة
المقاديير
2بطاطات مقطعيين مربعات/ثوم/قزبرمقطع/ملح/ابزار/عصير حامض/زيت الزيتون
الطرييقة
نسلقو بطاطا فماء مملح لمدة 2دقائق تم نصفيوها
ونديرو مقلاة تسخن مع زيت الزيتون تم نضيفو بطاطا و نخليوها
تحمر حتا تكمل طيابها زيت ميكووونش كثيير منين تقرب طيب نضيفو التوابل
والثوم و القزبر حتا تنسجم كل المقاديير
نطفيو عليها و نعصرو عليها نص حامضة
وهاهيا واجدة بالصحة و الراحة
الوصفة الثالتة
بطاطا صغييرة بصلصة الطماطم و الاعشاب
وصفة زويينة و خفيفة تاع الصيف هههه
المقادير
1/2 كلغ بطاطا صغييرة/4 مطيشات صغار او 3 كبار/توم/عصا موسى/ازير/زعيترة/زعتر/ربيع مكرض/ملح/بزار/تحميرة/زيت الزيتون/معيلقة مطيشة الحك
الطريقة
نقطعو مطيشة ارباع نوضعوها فكميلة مع رشيشة ملح و شوية الماء و نغطيو عليها على نار مهييلة
منين طييب نطحنوها فطحانة مطييشة نسلقو البطاطا فماء مغلي نصف سلقة ونقشروهاا
في ايناء تيدخل الفرن نخلطو مقاديير الصلصة مع نصف كاس ماء
تم نضيفو ليها البطاطا لي قشرنا و نخلطو كلشي مزيان نغطيوها ببابي المنيوم و ندخلوها للفرن
شي نصف ساعة تقريبا او حتا طيب بطاطا مزياان
وهاهيا واجدة بالصحة و الراحة
الوصفة الرابعة
بطاطا في الفرن
ههه مسك الختام هادي احسن طرييقة تتعجبني لبطاطا تتجي غزااالة
كنفضلها على الفرييت و بسييطة و لذيييذة وخفييفة
المقادير
بطاطا /ثوم الى كان بودرة احسن/زعيترة/زعتر/ازيير/ملح/تحميرة/سودانية اختيارية/2معالق كبار زيت الزيتون صافيي خفييفة هه
الطرييقة
نغسلو بطاطا مزيااان و نبداو نقطعو فيها على شكل اصابع مع الاحتفاظ بالجلدة
بلا منقيوها كل حبة بطاطا غادي تعطينا 8 الاصابع
نوجدو مقادير التتبيلة و نخلطوهم مع بطاطا مزييان و نستفوها فايناء تيدخل للفرن
خاص كل وحدة بوحدها بمعنا ميكونوش ملاصقيين باش يتحمرو مزيااان
ندخلوهم الفران خداو ليا نصف ساعة بالضبط و نتوما راقبوهم
هاهوما بالصحة قدمتهم مع المايونييز والكيتشب جربوهم راهم بنان
وعوضو بيهم الفرييت اي اكلة تديرو معاها الفرييت جربو هاد الوصفة
4lrfghj fhgf’h’h , gh hpgn lk l’fod h;dd] fhgw,v
تقريبا نفس الطرق لي كندير غي الشيبس .
واحد السؤال الزيت لي كتقلي فيه واش كتعاودي تستعمليه وخصوصا لفريتوز خاصها زيت بزاف؟
واحد النصيحة نتمنى تقبليها ماتبقايش تحطي الأكل سخون فشي حاجة ديال بلاستيك راه خطر على صحتكم .
lah y3tik sa7a
برعتي وليداتنا بحبيبتهم بطاطا.
المشاركة الأصلية كتبت بواسطة ام الاميرة دعاء 
ربي يخليييك هادشي محرمممم عليينا
المشاركة الأصلية كتبت بواسطة حبيبة يحيى تقريبا نفس الطرق لي كندير غي الشيبس .
واحد السؤال الزيت لي كتقلي فيه واش كتعاودي تستعمليه وخصوصا لفريتوز خاصها زيت بزاف؟
واحد النصيحة نتمنى تقبليها ماتبقايش تحطي الأكل سخون فشي حاجة ديال بلاستيك راه خطر على صحتكم .
ربي يخلييك ازين اختي الزيت كنقلي فيها 3مرات وكنرميها هههه حيت مكنشرييوش الزيت داكشي باش
وشكرا على التنبييه بالنسبة للبلاستييك راه ديك ساعات كانت باردة ههه حطيت لولدي فيها كاع الطبيسلات شخشخهم
المشاركة الأصلية كتبت بواسطة سكينة ام آدم lah y3tik sa7a
ربي يخلييك ازيونات
المشاركة الأصلية كتبت بواسطة najwa62 برعتي وليداتنا بحبيبتهم بطاطا.
ربي يخلييك ا نجوى راهم بساط وزوينين
المشاركة الأصلية كتبت بواسطة القانتة73 ربي يخليييك
ك الله عليك اختي
كلشي غزاال اللهم ادمها نعمة واحفضها من الزوال
في امان الله وحفضه
عطاك الله الصحة